JOJUE 7:2 - Bibəl ta Sar̄

² Jojue ndi Jeriko ba əla de gə̄ ɓē ń a ɓārə́n̄ na i Ai tə́, ɓē ní ra i kadə̄ ɓē madə̄ ń a ɓārə́n̄ na i Bet Aben ní tə́ Ré deē ra Betel anī, Ai i kə̄ dām̄ kə́ gír ɓē tə́. Ni-mēr̄də́ kaw̄ kəndā ma̰ȳ loo ní. Dan ń de gə̄ ní aw̄ əndān̄ ma̰ȳ loo ní oy anī,

Bible sar

² Jojue ndi Jeriko ba əla de gə̄ ɓē ń a ɓārə́n̄ na i Ai tə́, ɓē ní ra i kadə̄ ɓē madə̄ ń a ɓārə́n̄ na i Bet Aben ní tə́ Ré deē ra Betel anī, Ai i kə̄ dām̄ kə́ gír ɓē tə́. Ni-mēr̄də́ kaw̄ kəndā ma̰ȳ loo ní. Dan ń de gə̄ ní aw̄ əndān̄ ma̰ȳ loo ní oy anī,

JOJUE 7:2 Referans Kwoze

JOJUE 18:12

Dɔ nin̄ loo yādə́ ké dām̄ mbɔ́r ɓē ké ko̰ó̰ tə́ əla gír i bā Jurdḛ tə́, teē kadə Jeriko kə́ dām̄ mbɔ́r ɓē ké ko̰ó̰ tə́ ō, gō nang ké mbalá tə́ ō, ba aw̄ kumən kə̄ no ɓē tə́, aw̄ bátə́ ugə̄ dəla loo kə́ Bet Aben tə́.

OJEE 4:15

Ḭ̄ Israel, ún rɔ̄í ī-rāā ń ájə́ba. Ba majə kadə̄ Juda rāā yá̰á̰ kə́ gōtə́ aĺ kə́ kógə̄ḿ beē nəkɔ́ ń noō alé. Ī-lōōī kaw̄ loo kə́ yā ɓōĺ gidə kə́ Gilgal tə́ ō, ī-lōōī kaw̄ Bet Aben ō. Ī-lōōī túbə kəda na: Tītə̄ ń Kɔ́ɔ̄ɓē ndiń kə kumneé noō ō.

1 SAMUEL 14:23

Kɔ́ɔ̄ɓē tetə rɔ̄ɔ̄ adə̄ Israel gə̄ ndɔ̄ ń noō tə́ i tītə̄ ń noō. Rɔ̄ɔ̄ ní aw̄ bátə́ mān̄ ɓē kə́ Bet Aben kum kə̄ gidə kə́ nú tə́.

1 SAMUEL 13:5

Pilistin gə̄ ɔsən̄ dɔdə́ naā tə́ yā rɔ̄ɔ̄ Israel gə̄ ō. Púsə rɔ̄ɔ̄ yādə́ gə̄ i dūbú kutə mətá ō, ngé kal̄ sə́nda rɔ̄ɔ̄ yādə́ gē i dūbú mehḛ́ ō, kutə ngé rɔ̄ɔ̄ yādə́ kə́ ngé njə̄rā kə njadə́ gə̄ i ngá̰ý tītə̄ nán̄g ngárə̄ḿnjēý kə́ ta bā tə́ ō. Nin̄ aw̄ ndin̄ Mikəmas. Loo ń ndin̄ tū tə́ ní, ré deē ra Bet Aben anī i kə̄ dām̄ kə́ gír ɓē tə́.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

Gōsə̄ najə̄ gə̄ 24:6

Adə̄ ré ā ī-rāā yā kənā rɔ̄ɔ̄ anī ī-nóm̄ rɔ̄í kə gōó, tɔdɔ̄ tetə rɔ̄ɔ̄ i kə ta kūl̄ ngé kadə̄ kɔjə̄ gə̄ kə́ kósə́ ngá̰ý gə̄.

Gōsə̄ najə̄ gə̄ 20:18

Yá̰a̰ gə̄ ń deē núm̄ ní, a rāādə́ kadə̄ udə gírí i kə ta kūl̄ kɔjə̄ kə́ majə gə̄. Ré ā āw̄ yā rɔ̄ɔ̄ anī ə̄ndā kum kedə̄ dɔ rɔ̄í tə́ majə.

TA KƏLA 12:8

Ni-ḭḭ loo ń noō tə́, ənda dām̄ loo kə́ mbalá kə́ Betel gān̄g, ba aw̄ udə kújə tandā yān dɔ dán Betel nin̄ kə Ai tə́. Betel i kə̄ no ɓē tə́ ō, Ai i kə̄ dūn̄ ɓē tə́ ō. Ni-rāā loo tun̄ yá̰á̰ kə́ rang ō, ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́ ō.

EPEJƏ 5:15

I beé ní, ə̄ndāī ma̰ȳ háĺsí majə. Ī-lōōī rāā yá̰a̰ tītə̄ de kə́ ger̄ yá̰a̰ aĺ gə̄, banī ī-rāāī yá̰a̰ tītə̄ de kə́ ngáā gə̄.

NEHEMI 11:31

Ɓē gə̄ ń de kə́ gír ɓē yā Benjamḛ tə́ gə̄ ndin̄ kemeé ní i Geba ō, Mikəmas ō Aya ō Betel ō, ngán ɓē kə́ gidə tə́ gə̄ ō,

JOJUE 12:9

Rī ɓē gə̄ ń tetən̄ mban̄g ké tū tə́ gə̄ rɔ̄ɔ̄ ní n toó: Jeriko ō, Ai ń i ɓē kə́ kadə ɓē ké Betel tə́ ní ō,

JOJUE 2:1

Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.

TA KƏLA 28:19

Ni-əndā rī loo ní na i Betel, kumən na i kújə yā Nə́ɓā. Kété rī ɓē ní na i Lujə.

JOJUE 7:3

tél reē ədan̄ Jojue na: Ādə̄ gír de gə̄ malang aw̄n̄ alé. De gə̄ dūbú jōó, aláa dūbú, ətá asən̄ kaw̄ rɔ̄ɔ̄ ɓē kə́ Ai karī. Ī-lōō kadə̄ gír de gə̄ malang aw̄n̄ njə̄ɓānəń rɔ̄də́ ndáńg, tɔdɔ̄ de kə́ Ai gə̄ ngá̰ý alé.

1 SAMUEL 30:27

Ni-əlań adə̄ ngé kə́ Betel ō kə́ Ramot ń ndin̄ gō nang kə́ Negeb tə́ ní ō kə́ Yatir ō

JEREMI 49:3

Hesəbon, ī-nōō kə̄ dɔɔ́ ɓororo na ɓē kə́ Ai nujə sák sák kɔ̄ɔ́. Ɓē gə̄ ń Raba o̰o̰ ɓē dɔsí tə́ ní, ə́gaī kɔŕ. Ə́laī kūbə̄ kəhɔ ndoō rɔ̄sí tə́ ō, ī-nōōī rɔ̄sí ō. Ī-dáyī kə̄ yóō kə̄ laā kem ndogə̄ mbal̄ gə̄ tə́. Tɔdɔ̄ aw̄n̄ kə ɓesə̄ Milkom ō, ngé tun̄ yá̰a̰ yān gə̄ ō, de kə́ bo yān gə̄ ō, naā tə́ malang dɔ nang kə́ rang tə́ kɔ̄ɔ́.

1 MBAN̄G GƏ̄ 12:29

Jeroboam əndā duĺ man̄g lɔ́ŕ ní kógə̄ḿ Betel ō, kógə̄ḿ Dan ō.

IJAI 10:28

Nin̄ ugə̄n̄ ngɔr kə̄ Ayat. Nin̄-mān̄ aw̄n̄ Migəron, ba əya̰n̄ yá̰a̰ kəto yādə́ gə̄ Mikəmas.