JOJUE 7:12 - Bibəl ta Sar̄

¹² Adə̄ a asən̄ dum̄ ta madə̄ ba̰ā̰də́ gə̄ alé. A aȳn̄ naā no madə̄ ba̰ā̰də́ gə̄ tə́ tām̄ télən̄ de kə́ bāān̄ dɔdə́ kɔ̄ɔ́ gə̄. Adə̄ yá̰á̰ kə́ bāā dɔ gə̄ ń ton̄ dɔ dáńsí tə́ ní ré ɔ́y ī-teēiń kɔ̄ɔ́ aĺ anī m-ā m-ɔ̄r̄ rɔ̄ḿ kɔ̄ɔ́ rɔ̄sí tə́

Bible sar

¹² Adə̄ a asən̄ dum̄ ta madə̄ ba̰ā̰də́ gə̄ alé. A aȳn̄ naā no madə̄ ba̰ā̰də́ gə̄ tə́ tām̄ télən̄ de kə́ bāān̄ dɔdə́ kɔ̄ɔ́ gə̄. Adə̄ yá̰á̰ kə́ bāā dɔ gə̄ ń ton̄ dɔ dáńsí tə́ ní ré ɔ́y ī-teēiń kɔ̄ɔ́ aĺ anī m-ā m-ɔ̄r̄ rɔ̄ḿ kɔ̄ɔ́ rɔ̄sí tə́

JOJUE 7:12 Referans Kwoze

IJAI 59:2

Banī i yá̰a̰ rāāsí kə́ gōtə́ aĺ gə̄ n dēsə́n̄ yá̰a̰ dɔ dáńsí tə́ kə Nə́ɓā yāsí ɔgə̄n̄neésí mān̄ ní. Ré ni tūr̄ gidən tasí tə́ yā ka̰a̰ńsí to̰ aĺ ō, yā koōń najə̄ yāsí to̰ aĺ ō anī, i tām̄ majaĺ yāsí gə̄ tə́.

NGÉ SARYA 2:14

Adə̄ wōn̄g rāā Kɔ́ɔ̄ɓē kə ngán Israel gēé. Ni-əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, əladə́ jī madə̄ ba̰ā̰də́ gə̄ ń ndi gīrə̄n̄ gidədə́ ní tə́ ō. Adə̄ ngán Israel gə̄ asən̄ dum̄ tadə́ to̰ alé.

TƏ́DA 14:45

Tā anī Amalek gə̄ ō, Kanaan gə̄ ō ń ndin̄ dɔ mbalá ní risə reē rɔ̄ɔ̄n̄ ngán Israel gə̄ ō, tə̄ɓān̄də́ bátə́ ugə̄n̄ sedə́ Horma ō.

JOJUE 6:18

Ba sḭḭ̄ ī-ngɔ̄mī rɔ̄sí majə. Yá̰á̰ ń i kə́ bāā dɔ tām̄ yā Kɔ́ɔ̄ɓē tə́ ní, ī-lōōī kum, na sōgə́ ī-nujiī kə gérger yā ngán Israel gēé ō, ī-ndɔ́rī yá̰á̰ kə́ to kum kaȳ aĺ ī-reēiń dɔ tə́ ō.

NDŪ NAJƏ̄ 7:26

Ā āwī kə yá̰á̰ kə́ majaĺ kem kújə yāsí tə́ alé. Ré āwīneé anī a bāān̄ dɔsí naā tə́ kə yá̰á̰ kə́ majaĺ ní yā kadə̄ Kɔ́ɔ̄ɓē. Ā ī-mbātíīdə́ kɔ̄ɔ́ kə taá malang ō, ā ī-rāāīdə́ i yá̰á̰ kə́ majaĺ tə́ ō. Tɔdɔ̄ yá̰á̰ kə́ beé gə̄ i yá̰á̰ kə́ yā nujəń kɔ̄ɔ́ kə taá malang.

HABAKUK 1:13

Kumií unjə̄ njáý njáý ngá̰ý, adə̄ ásə ka̰a̰ yá̰á̰ kə́ majaĺ alé. Ḭ̄ ī-ndigə ka̰a̰ yá̰á̰ kə́ to kum̄ kaȳ aĺ alé. Ɓá tā banī ngé gə̄ ń a gólə̄n̄ madə̄də́ gə̄ ní, ḭ̄ á̰á̰də́ kanjə̄ kəda yá̰á̰ kógə̄ḿ. Dan ń de kə́ majaĺ gə̄ a nujən̄ ngé rāā yá̰a̰ gōtə́ tɔȳdə́ gə̄ ní, ḭ̄ ə́dá yá̰á̰ kógə̄ḿ alé.

OJEE 9:12

Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

JEREMI 23:33

Ré de gə̄ ń toō adə̄ i nge koō ta, aláa i nge tun̄ yá̰a̰ dəjeī najə̄ əda na: I yá̰á̰ rí yā Kɔ́ɔ̄ɓē n i yá̰a̰ kətō kə́ ɔȳ ngá̰ý ní anī, ə́dan na: I sḭḭ̄ n i yá̰a̰ kətō kə́ ɔȳ ngá̰ý ní, adə̄ m-ā m̄-mbātə́sí kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 6:8

Jerusalem, ādə̄ yá̰á̰ ń m̄-ndóōī ní udə dɔí tə́. Ré i beé aĺ anī, m-ā m-ɔ̄r̄ jīḿ gírí tə́ kɔ̄ɔ́. M-ā m̄-rāāī kadə̄ ī-tél loo kə́ nujə sák sák kɔ̄ɔ́ ō, ɓē kə́ de gə̄ ndin̄ kemeé aĺ ō.

Gōsə̄ najə̄ gə̄ 28:1

Deē ń rāā yá̰á̰ kə́ majaĺ ní, ká ré deē ngɔ̄dən aĺ gə̄gē anī ni a a̰ȳ i mbée. Banī de kə́ súmūú taā kem rɔ̄n mámák tītə̄ balsáa ɓɔl beé.

NGÉ SARYA 2:4

Dan ń nge kaw̄ kəla yā Kɔ́ɔ̄ɓē əda ngán Israel gə̄ najə̄ gə̄ ń noō anī nin̄ malang nōōn̄.

TƏ́DA 14:39

Moijə tél kə najə̄ malang ń Kɔ́ɔ̄ɓē ɔr̄ seneé ní əda ngán Israel gə̄, anī ndə̄ngān̄ rɔ̄də́ ngá̰ý.

NGÉ SARYA 16:20

Dalila un ndūn kə̄ dɔɔ́ ədań Samso̰ na: Samso̰ á̰a̰ Pilistin gə̄ dɔí tə́. Samso̰ ndól̄ dɔ ɓīī tə́ anī ɔjəń na n-a n-teē kum tə́ tītə̄ kə́ kété ɓáý, tɔdɔ̄ ni ger̄ kadə̄ Kɔ́ɔ̄ɓē ɔr̄ jīn gírən tə́ kɔ̄ɔ́ alé.

1 SAMUEL 14:38

Anī Saul ɓāŕ ngār gə̄ malang ba ədadə́ na: Ə̄ndāī ma̰ȳ majə á̰a̰ī ké i yá̰á̰ rí kə́ majaĺ n i kə́ rāā ɓōólaā ní wa.

PĀ GƏ̄ 44:10

Ba ń toō ɓáa ī-mbātə́jí kɔ̄ɔ́ ō, ə́la rɔ̄sɔl̄ dɔjí tə́ ō, ī-teē kə ngé rɔ̄ɔ̄ yājí gēé to̰ aĺ ō.

PĀ GƏ̄ 60:10

Moab i səmbē ndogə̄ man̄ yāḿ. m̄-ɓōkə́ sākə̄rā yāḿ dɔ Edom tə́. M-úr kɔĺ rɔ̄ dɔ dɔ nang yā Pilistin gə̄ tə́.

TƏ́DA 14:42

Ī-lōōī kaw̄ tām̄ Kɔ́ɔ̄ɓē i sesí alé. Ī-lōōī kaw̄ kadə̄ madə̄ ba̰ā̰sí gə̄ tetən̄sí rɔ̄ɔ̄.

TƏ́DA 14:43

Tɔdɔ̄ Amalek gə̄ ō, Kanaan gə̄ ō, nin̄ i nosí tə́ noó. A tɔ̄lə̄n̄sí kɔ̄ɔ́ malang tām̄ sḭḭ̄ ī-lōōī njə̄rā gō Kɔ́ɔ̄ɓē tə́ kɔ̄ɔ́, adə̄ Kɔ́ɔ̄ɓē a aw̄ sesí alé.