JOJUE 7:11 - Bibəl ta Sar̄

¹¹ Ngán Israel gə̄ rāān̄ majaĺ. Nin̄-mānə̄n̄ dɔ ndū najə̄ kə́ dɔ madə̄ naā ń m-ə́hɔ sedə́ tə́ á m-ə́dádə́ kadə̄ ngɔ̄mə̄n̄ ní. Nin̄ ɔyn̄ yá̰á̰ kə́ bāā dɔ gə̄ ń m-ɔ̄gə̄də́ kɔy ní, ɓogən̄ yá̰a̰ gə̄ ní ba aw̄ ɓɔ̄ɔ̄n̄ dan yá̰a̰ yādə́ tə́.

Bible sar

¹¹ Ngán Israel gə̄ rāān̄ majaĺ. Nin̄-mānə̄n̄ dɔ *ndū najə̄ kə́ dɔ *madə̄ naā ń m-ə́hɔ sedə́ tə́ á m-ə́dádə́ kadə̄ ngɔ̄mə̄n̄ ní. Nin̄ ɔyn̄ yá̰á̰ kə́ bāā dɔ gə̄ ń m-ɔ̄gə̄də́ kɔy ní, ɓogən̄ yá̰a̰ gə̄ ní ba aw̄ ɓɔ̄ɔ̄n̄ dan yá̰a̰ yādə́ tə́.

JOJUE 7:11 Referans Kwoze

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

KƏLA RĀĀ 5:9

Piyer tél dəjen ɓáý to̰ na: I rí n rāāsí á ōōī naā ba ī-nāāī Ndíĺ Kɔ́ɔ̄ɓē ní? Á̰, ngé gə̄ ń dubə̄n̄ nīń ngaaí ní n kōō njadə́ a ɓār̄ ta róbə́ tə́ toō. Nin̄ a unən̄ nīní yā kaw̄ń ō.

MATIYE 22:21

Nin̄-tél ədanən̄ na deē ní na i Sejar ō, yá̰á̰ ń ndangən̄ tū tə́ ní na i rīn ō. Anī Jeju ədadə́ na: Beé ɓáa yá̰á̰ ń i yā Sejar ní, ī-tél ādī Sejar ō, yá̰á̰ ń i yā Nə́ɓā ní, ādī Nə́ɓā ō.

JAKARI 5:4

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: M-ə̄nī ndɔ̄ĺ ń noō i yā kadə̄ udə kem kújə yā ngé ɓogə gə̄ tə́ ō, kadə̄ udə ɓē de gə̄ malang ń unən̄ rīḿ a túbənə̄ń dɔ láḿ tə́ ní ō. Ndɔ̄ĺ ní a ndi noó ō, a nujə yá̰a̰ malang kɔ̄ɔ́ ō. A nujə sáā kāgə̄ gə̄ gə̄gē, mbal̄ gə̄ gə̄gē, kɔ̄ɔ́.

HABAKUK 2:6

Banī de gə̄ malang ń nin̄ tetən̄də́ rɔ̄ɔ̄ ní, a tāmə̄n̄ sedə́ ō, a lurən̄də́ ō, najə̄ kə́ tadə́ tə́ a adə̄də́ do ō. Najə̄ ń nin̄ a ədan̄ ní n toó: I yá̰á̰ kə́ to kum kaȳ aĺ kə́ ba̰ý beē n rāāsí ní. Yá̰a̰ kənge gə̄ ń i yāsí aĺ ní, sḭḭ̄ ā ɔ́siī dɔ kə̄ naā tə́ i bátə́ ndɔ̄ kə́ rá tə́? Kə̄rā gə̄ kə́ dɔsí tə́ i ngá̰ý kum kə̄ kété kété!

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

IJAI 24:5

A̰á̰ā̰, deē ndul gə̄ rāān̄ dɔ nang adə̄ tél kə́ yḛr, nin̄ mbātə́n̄ rāā yá̰á̰ ń Kɔ́ɔ̄ɓē ədadə́ kadə̄ rāān̄ ní, nin̄ kídə̄n̄ jī bēl̄ loo rāā yá̰a̰ yān gə̄, madə̄ naā ń ɓoodə́ naā tə́ kə Nə́ɓāá kə́ njɔ́ḿ gə̄ tə́ ní, nin̄ gāngə̄n̄ madə̄ naā ní kɔ̄ɔ́.

2 MBAN̄G 18:12

Yá̰a̰ gə̄ ń noō malang rāān̄ yá̰a̰ i tɔdɔ̄ Israel gə̄ oōn̄ ndū Kɔ́ɔ̄ɓē Nə́ɓā yādə́ ní aĺ ō, ran̄ dɔ madə̄ naā yān tə́ aĺ ō. Ndū najə̄ gə̄ ń Moijə nge kəla yā Kɔ́ɔ̄ɓē adə̄də́ ní nin̄ nēlə̄n̄ mbidə́ oōnneé aĺ ō, rāān̄ yá̰a̰ gə̄ ń ndū najə̄ gə̄ ədan̄ ní aĺ ō.

NGÉ SARYA 2:20

Wōn̄g rāā Kɔ́ɔ̄ɓē kə ngán Israel gēé adə̄ əda na: Nápar de gə̄ ń toō mānə̄n̄ dɔ ndū najə̄ gə̄ ń m̄-rāań madə̄ naā sedə́ á m-ə́da kaadə́ gə̄ kadə̄ ngɔ̄mə̄n̄ ní. Nin̄ oōn̄ taḿ alé.

JOJUE 23:16

Ré ī-mānī dɔ ndū najə̄ ń Kɔ́ɔ̄ɓē Nə́ɓā yāsí rāań madə̄ naā sesí ní ba āw̄ ī-rāāī ɓesə̄ gə̄ ō, ə̄sōī kə̄ nang tə́ nodə́ tə́ ī-rɔyīńdə́ ō anī, wōn̄g yān a ḭḭ seneé, adə̄ a rāā kadə̄ ī-gətóoī kɔ̄ɔ́ láẃ ngá̰ý dɔ nang kə́ majə ń adə̄sí tə́ ní.

JOJUE 7:1

Ngán Israel gə̄ rāān̄ yá̰á̰ kə́ gōtə́ alé, tɔdɔ̄ yá̰a̰ kənge ń Kɔ́ɔ̄ɓē ɔgə̄də́ kun ní nin̄ unən̄. I de kə́ gír ɓē yā Juda tə́ n ɔy núsə́ yá̰a̰ kənge kə́rēý gə̄ adə̄ wōn̄g rāā Kɔ́ɔ̄ɓē kə ngán Israel gēé ngá̰ý ní. Rī deē ní na i Akan. Ni i ngōn̄ Karmi kə́ ngōn̄ Jabədi kə́ ngōn̄ Jera.

NDŪ NAJƏ̄ 17:2

Ɓē gə̄ ń Kɔ́ɔ̄ɓē Nə́ɓā yāí a adī kadə̄ ī-ndi kemeé ní, ré de kə́ dəngam, aláa kə́ dəyá̰ kə́ ndi kem nge kə́ kógə̄ḿ tə́ rāā yá̰á̰ kə́ majaĺ ta kum Kɔ́ɔ̄ɓē Nə́ɓā yāí tə́ mānəń dɔ ndū najə̄ kə́ dɔ madə̄ naā yā Kɔ́ɔ̄ɓē tə́,

LEBI GƏ̄ 5:15

Ré deē kógə̄ḿ rāā yá̰á̰ kə́ gōtə́ aĺ kə Kɔ́ɔ̄ɓēé tām̄ ni-adə̄ Kɔ́ɔ̄ɓē yá̰a̰ yān alé, adə̄ ni-rāā yá̰á̰ kə́ majə alé, ba i gō ger̄ aĺ tə́ anī, ni a adə̄ bal batə̄ kə́ loon kógə̄ḿ nujə aĺ yā kəgāń Kɔ́ɔ̄ɓē kə̄rā. Ni a adə̄ i bal batə̄ kə́ asə kə gō gātə̄ ń a gān̄gə̄n̄ ní i kə gō kɔȳ nar kə́ kem loo kə́ táĺ tə́. Ni a tɔ̄l̄ bal batə̄ ní yā tun̄ yā kəgāń kə̄rā yá̰á̰ kə́ gōtə́ aĺ ni-rāā ní.

JOJUE 7:10

Kɔ́ɔ̄ɓē əda Jojue na: Ḭ́ḭ dɔɔ́. Ə̄sō ī-sébə kumií nang tə́ tītə̄ ń nuū i tām̄ rí tə́?

1 SAMUEL 14:38

Anī Saul ɓāŕ ngār gə̄ malang ba ədadə́ na: Ə̄ndāī ma̰ȳ majə á̰a̰ī ké i yá̰á̰ rí kə́ majaĺ n i kə́ rāā ɓōólaā ní wa.

2 MBAN̄G 5:24

Dan ń ugə̄n̄ Opel anī Geaji taā ngong gə̄ kə́ jī ngé kəla gə̄ ní tə́ aw̄ tə́ndā ɓēé looneé ba əya̰də́ adə̄ aw̄n̄.