JOJUE 6:5 - Bibəl ta Sar̄

⁵ Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

Bible sar

⁵ Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán *Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

JOJUE 6:5 Referans Kwoze

HEBƏRO 11:30

I kə ta kūl̄ taā kem n ndogə̄ mbal̄ ń gīr̄ gidə ɓē kə́ Jeriko tə́sōn̄ nang tə́, dan ń ngán Israel gə̄ gīrə̄n̄ gidə ɓē ndɔ̄ sīrí ní.

Teē Ngán Israel gə̄ 19:19

Tōw̄ ní ɓār̄ tɔȳ kə́ kété ɓáý. Moijə ɔr̄ najə̄ anī Nə́ɓā tél ədan najə̄ i kə ndū man̄ kə́ ndangaá.

1 SAMUEL 17:52

Ngé rɔ̄ɔ̄ gə̄ kə́ Israel tə́ ō, kə́ Juda tə́ ō, urən̄ kɔĺ rɔ̄ɔ̄ ba ɓə̄ngān̄ naā ɓuk reē ngɔ̄də̄n̄ Pilistin gə̄ bátə́ ugə̄n̄ sedə́ ta róbə́ kə́ yā kudəń kə̄ kem ɓē kə́ Gat tə́ ō, Ekəron tə́ ō. Nīń Pilistin gə̄ to kə gō róbə́ kə́ Saraim bátə́ ugə̄ Gat ō, Ekəron ō.

1 SAMUEL 17:20

Dabid ḭḭ dɔɔ́ kə gír looí ɓatə. Ə́yá̰ yá̰a̰ kul̄ gə̄ jī nge ngɔ̄m̄də́ kógə̄ḿ tə́. Ni-un yá̰á̰ ń əlanən̄neé ní ba ɔr̄ dɔɔ́ kə gō ndū Jese. Dan ń ni ugə̄ gérgereé anī ngé rɔ̄ɔ̄ gə̄ a aw̄n̄ i kə̄ ta rɔ̄ɔ̄ tə́ ō, a túrə̄n̄ i kɔĺ rɔ̄ɔ̄ ō.

1 SAMUEL 4:5

Dan ń sandúkə madə̄ naā yā Kɔ́ɔ̄ɓē ugə̄ gérgereé anī, ngán Israel gə̄ malang túrə̄n̄ kɔĺ rɔ̄nel̄ kə́ ngá̰ý, adə̄ dɔ nang ndebə.

JOJUE 6:20

Ngé tun̄ yá̰a̰ gə̄ kɔ̄rə́n̄ tōw̄. Dan ń de gə̄ oōn̄ kōō anī, túrə̄n̄ kɔĺ rɔ̄ɔ̄ kə́ to ɓōĺ ngá̰ý, anī ndogə̄ mbal̄ tetə. Kə̄ ta jī tə́ nuū ngán Israel gə̄ udən̄ kem ɓēé, náā nəkɔ́ a kumən i súmūú non tə́, adə̄ nin̄ taān̄ ɓē ní.

JOJUE 6:16

Nja kə́ nge ko̰ sīrí ní, ngé tun̄ yá̰a̰ gə̄ a rāān̄ yā kɔ̄ŕ tōw̄ anī, Jojue əda gír de gə̄ na: Ī-túrī kɔĺ, tɔdɔ̄ Kɔ́ɔ̄ɓē adə̄sí ɓē ń toō.

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

IJAI 30:25

Ndɔ̄ ń a tɔ̄lə̄n̄ de gə̄ malang kɔ̄ɔ́ tə́ ní, dan ń kújə rɔ̄ɔ̄ dɔ ɓē tə́ kə́ ngāl̄ ɓururu gə̄ a tə́sōn̄ tə́ ní, ngán man̄ gə̄ a yḭ̄lə̄n̄ loo dɔ mbal̄ bo gə̄ tə́ ō, dɔ ngán mbal̄ gə̄ tə́ ō.

IJAI 25:12

Ḭ̄ Moab, ndogə̄ mbal̄ yāí gə̄ ń ā ī-rɔ̄ɔń dɔ rɔ̄í tə́ ní, nin̄ ń ngɔ̄mīn̄ majə ngá̰ý ní, Kɔ́ɔ̄ɓē tetədə́ nang tə́, ni mbə́rē tə́nīdə́ kɔ̄ɔ́, tə́nīdə́ nang tə́ kum bumbə́rú tə́.

JOJUE 6:4

Ngé tun̄ yá̰a̰ gə̄ sīrí a njə̄ran̄ kété no sandúkə madə̄ naā tə́ kə tōw̄ gajə batāá jīdə́ gə̄ tə́ kógə̄ḿ kógə̄ḿ. Kə ndɔ̄ kə́ nge ko̰ sīrí anī, ā ī-njə̄rāī yā gīr̄ gidə ɓē nja sīrí ō, ngé tun̄ yá̰a̰ gə̄ a kɔ̄rə́n̄ tōw̄ ō.

JOJUE 6:6

Jojue ngōn̄ Nun ɓāŕ ngé tun̄ yá̰a̰ gə̄ ba ədadə́ na: Úniī sandúkə madə̄ naā yā Kɔ́ɔ̄ɓē əndāī dɔ bɔ̄gə̄sí tə́, ba ādī de gə̄ sīrí dansí tə́ njə̄rān̄ kété no tə́ kə tōw̄ gajə batə̄ gēé.

NGÉ SARYA 20:37

De gə̄ ngeé ń toō ɓōkə́n̄ rɔ̄də́ kə ngɔ̄dɔ̄ɔ́ kum kə̄ Gibea. Taān̄ kem ɓē ō, tɔ̄lə̄n̄ de kə́ kemeé gə̄ malang kɔ̄ɔ́ kə kəyā kaskaraá ō.