JOJUE 6:4 - Bibəl ta Sar̄

⁴ Ngé tun̄ yá̰a̰ gə̄ sīrí a njə̄ran̄ kété no sandúkə madə̄ naā tə́ kə tōw̄ gajə batāá jīdə́ gə̄ tə́ kógə̄ḿ kógə̄ḿ. Kə ndɔ̄ kə́ nge ko̰ sīrí anī, ā ī-njə̄rāī yā gīr̄ gidə ɓē nja sīrí ō, ngé tun̄ yá̰a̰ gə̄ a kɔ̄rə́n̄ tōw̄ ō.

Bible sar

⁴ Ngé tun̄ yá̰a̰ gə̄ sīrí a njə̄ran̄ kété no *sandúkə madə̄ naā tə́ kə tōw̄ gajə batāá jīdə́ gə̄ tə́ kógə̄ḿ kógə̄ḿ. Kə ndɔ̄ kə́ nge ko̰ sīrí anī, ā ī-njə̄rāī yā gīr̄ gidə ɓē nja sīrí ō, *ngé tun̄ yá̰a̰ gə̄ a kɔ̄rə́n̄ tōw̄ ō.

JOJUE 6:4 Referans Kwoze

JEJU TEĒ KUM JA̰A̰ 16:1

Anī m-ōō ndū deē kógə̄ḿ kə́ bo teē kem kújə yā Kɔ́ɔ̄ɓē tə́. Ni-əda de kə́ dɔ rā̰ tə́ kə́ sīrí gə̄ ní na kə aw̄ kə ɓōkə́n̄ wōn̄g yā Nə́ɓā kə́ kem kópə kə́ sīrí gə̄ ní tə́ dɔ nang tə́.

2 YÁ̰A̰ GƏ̄ 20:17

Ā ī-rɔ̄ɔ̄īdə́ loo ń noō tə́ alé. Āw̄ ī-raī loo ní tə́ gotə kógə̄ḿ ba á̰a̰ī loo tetə ń Kɔ́ɔ̄ɓē a tetə rɔ̄ɔ̄ yā kadə̄sí ní. De kə́ Juda gə̄ ō, Jerusalem gə̄ ō, ī-lōōī ɓōĺ ō, ī-lōōī kadə̄ ndíĺsí a̰ȳ ō. Bírí ī-teē ī-tə́nāī tadə́ loo ń noō tə́ na Kɔ́ɔ̄ɓē i naā tə́ sesí.

JEJU TEĒ KUM JA̰A̰ 8:2

Anī m-á̰a̰ kadə̄ adə̄n̄ de kə́ dɔ rā̰ tə́ kə́ sīrí gə̄ ń ran̄ no Nə́ɓā tə́ ní bərúnjə gə̄ sīrí.

2 YÁ̰A̰ GƏ̄ 20:21

Josapat oōn̄ naā kə ngán Israel gēé ba əndā ngé pā gə̄ kə́ tə́lan̄ kūbə̄ kə́ táĺ gə̄ rɔ̄də́ tə́ kadə̄ njə̄rān̄ kété no ngé rɔ̄ɔ̄ gə̄ tə́ kadə̄ ɔsən̄ gɔn Kɔ́ɔ̄ɓē kə pāá ədan̄ na: Ī-tɔ̄yī Kɔ́ɔ̄ɓē tɔdɔ̄ kem majə yān to ngándáńg.

1 MBAN̄G GƏ̄ 18:43

Ni-əda nge kəla yān na kə al̄ kə̄ dɔɔ́ ba kə go̰ō̰ loo kə̄ dām̄ kə́ bā bo tə́. Nge kəla yān ní al̄ dɔɔ́, go̰ō̰ loo ba ədan na yá̰a̰ na gətóo. Eli ədan nja sīrí na kə tél kə aw̄ kə go̰ō̰ loo.

LEBI GƏ̄ 14:16

A əla ta ngōn̄ jīn kə́ ko̰ó̰ kum tə́, ba a sə̄kā nja sīrí no Kɔ́ɔ̄ɓē tə́.

JEJU TEĒ KUM JA̰A̰ 15:7

Yá̰á̰ kə́ kə kumuú kə́ sɔ́ gə̄ ní, nge kə́ kógə̄ḿ dandə́ tə́ adə̄ de kə́ dɔ rā̰ tə́ kə́ sīrí gə̄ ní kópə gə̄ kə́ rāā kə lɔ́rɔ́ sīrí, kə́ wōn̄g yā Nə́ɓā kə́ nge ndi kə kumneé kə dɔ ɓāl̄ gə̄ ɓāl̄ gə̄ rosə kem.

JEJU TEĒ KUM JA̰A̰ 15:1

Gō tə́ anī m-á̰á̰ yá̰á̰ kə́ to kɔr kum kə́ rang kə́ bo ō, majə ngá̰ý ō, dɔ rā̰ tə́. Yá̰á̰ ní i de kə́ dɔ rā̰ tə́ gə̄ sīrí kə́ yá̰á̰ kə́ tōr̄ gə̄ sīrí i jīdə́ tə́. Tɔdɔ̄ Nə́ɓā tɔ̄l̄ ta wōn̄g yān i kə yá̰á̰ kə́ tōr̄ kə́ sīrí gə̄ ní.

JEJU TEĒ KUM JA̰A̰ 10:3

Ni-əga kɔŕ ngá̰ý tītə̄ ɓɔl kə́ a nōō beé. Dan ń ni-əga kɔŕ anī, ndán̄g man̄ kə́ sīrí gə̄ rāān̄ ndūdə́ adə̄ ɔr̄ najə̄.

JEJU TEĒ KUM JA̰A̰ 8:6

Loo ń noō tə́ de kə́ dɔ rā̰ tə́ kə́ sīrí gə̄ ń bərúnjə́ kə́ sīrí gə̄ i jīdə́ tə́ ní, əndān̄ dɔ rɔ̄də́ danaá yā kɔ̄ŕ bərúnjə gə̄ ní.

JEJU TEĒ KUM JA̰A̰ 5:6

Ba m-á̰a̰ Ngōn̄ batə̄ kógə̄ḿ ra kə njan kə́ dɔɔ́ dɔ kōr̄ kāgə̄ mbang ní tə́ danaá bang ō, dan yá̰á̰ kə́ kə kumuú kə́ sɔ́ gə̄ ní tə́ ō, dan kum kɔɔ̄ gə̄ ní tə́ ō. To tītə̄ kə́ əjan̄ míndən beé ō, gajən gə̄ i sīrí ō, kumən gə̄ i sīrí ō. Kumən kə́ sīrí gə̄ ní, i Ndíĺ kə́ sīrí gə̄ yā Nə́ɓā ń əlan̄də́ adə̄ aw̄n̄ kə̄ loo gə̄ tə́ malang dɔ nang tə́ ní.

JEJU TEĒ KUM JA̰A̰ 5:1

Anī m-á̰a̰ makətūbə̄ kógə̄ḿ kə́ ndangən̄ yá̰a̰ kemeé ō, gidə tə́ ō, kə́ ɔsən̄ mbō̰ tū tə́ gír loo sīrí ō, jī ko̰ nge ń ndi dɔ kōr̄ kāgə̄ mbang tə́ ní.

JEJU TEĒ KUM JA̰A̰ 1:20

Ba tə́yō̰ kə́ sīrí gə̄ ń á̰á̰də́ jī ko̰ḿ tə́ ō, ɗəra hor kə́ sīrí gə̄ kə́ rāā kə lɔ́rɔ́ ō ń i yá̰a̰ gə̄ kə́ ton̄ loo mundə̄ tə́ ní, kumdə́ n toó: Tə́yō̰ kə́ sīrí gə̄ ní i de kə́ dɔ rā̰ tə́ gə̄ yā Egəlijə kə́ sīrí gə̄ ō, ɗəra hor kə́ sīrí gə̄ ní, i Egəlijə kə́ sīrí gə̄ ō.

JEJU TEĒ KUM JA̰A̰ 1:4

I mā Ja̰a̰ n m̄-ndang makətūbə̄ ń toō m-ə́lań m-ādə̄ Egəlijə kə́ sīrí gə̄ kə́ gō nang kə́ Aji tə́ ní. Ādə̄ nge ń ndi ngɔlaā ō, ndi kété ō, a reē ɓáý ní ō, ādə̄ ndíĺ kə́ sīrí gə̄ ń ran̄ ta kōr̄ kāgə̄ mbang yān tə́ ní ō, rajən̄sí ō, sɔlə̄n̄ kemsí ō. Ādə̄ Jeju Kərist ń i nge kəda najə̄ kə́ kum tə́ kə́ ni i nge ra dɔ ndūn tə́ ō, ni i ngōn̄ hágə́ kə́ ndól̄ kété no de kə́ koy gə̄ tə́ ō, ni i de kə́ bo kə́ dɔ mban̄g gə̄ kə́ dɔ nang tə́ ō ní, Kərist ń táŕjí ō, gān̄g dɔjí kə mósəneé najə̄ majaĺ yājí tə́ ō,

2 MBAN̄G 5:10

Elije əla deē kógə̄ḿ rɔ̄n tə́ kadə̄ ədan na: Āw̄ ī-ndogə̄ man̄ bā Jurdḛ nja sīrí anī dā̰í a unjə̄ ō, bānjə̄ kə́ rɔ̄í tə́ a ur̄ kɔ̄ɔ́ ō.

TƏ́DA 23:1

Balam əda Balak na: Ī-rāā loo tun̄ yá̰a̰ gə̄ gír sīrí ādə̄m̄ loo ń toō tə́ ō, ī-reē kə man̄g gə̄ sīrí ō, bal batə̄ gə̄ sīrí ō.

JAKARI 4:2

Ni dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i kāgə̄ ɗəra hor kə́ rāān̄ kə lɔ́rɔ́, ba jóo yibə̄ i ta tə́. Lámba gə̄ i sīrí ta kāgə̄ hor ní tə́ ō, ta ndo̰ hor gə̄ i sīrí tū lámbá kə́ kógə̄ḿ beē tə́ ō.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

Makətūbə̄ yā Job 42:8

Ba ń toō ɓáa ə́hɔī man̄g kə́ bəra gə̄ sīrí ō, bal batə̄ gə̄ sīrí ō, ba āw̄ ə́ngeī nge kəla yāḿ Job. Ī-tɔ̄lī dā̰ gə̄ ń noō ī-tunīdə́ kə taá malang tām̄ yá̰á̰ kə́ gōtə́ aĺ ń ī-rāāī tə́ ní ō, ādə̄ nge kəla yāḿ Job ndɔ̄ȳ Nə́ɓā tām̄ yāsí tə́ ō. Ré m̄-rāāsí yá̰á̰ kə́ tōr̄ tām̄ kɔ̄r̄ yāsí tə́ aĺ anī, i najə̄ yā nge kəla yāḿ Job tə́. Tɔdɔ̄ sḭḭ̄ ə́daī najə̄ kə́ rɔ̄kum dɔḿ tə́ tītə̄ nge kəla yāḿ Job alé.

2 YÁ̰A̰ GƏ̄ 20:19

Gō tə́ anī ngán Lebi gə̄ kə́ gír kaa yā Kehat tə́ ō, yā Kore tə́ ō, ḭḭn̄ dɔɔ́ ba unən̄ ndūdə́ kə̄ dɔɔ́ tɔ̄ȳn̄neé Kɔ́ɔ̄ɓē Nə́ɓā yā Israel gə̄ kə tɔ́gɔ́.

2 YÁ̰A̰ GƏ̄ 13:12

Á̰a̰ī, Nə́ɓā i sejí, i ni n i ngār yājí ní. Ngé tun̄ yá̰a̰ yān gə̄ i sejí ō, j-aw̄ kə bərúnjə gə̄ kə́ yā kɔ̄ŕ dɔsí tə́ yā rɔ̄ɔńsí ō. Beé ní, ngán Israel gə̄, ī-lōōī rɔ̄ɔ̄ Kɔ́ɔ̄ɓē Nə́ɓā yā kaasí gə̄ tām̄ ā ī-tetəniī rɔ̄ɔ̄ alé.

LEBI GƏ̄ 4:6

Ni a əla ta ngōn̄ jīn kum mósə́ ní tə́, ba a sə̄kā nja sīrí ta kum Kɔ́ɔ̄ɓē tə́ tū kūbə̄ ń gān̄gnəń gír loo kə́ táĺ ní tə́ dām̄ gidən kə́ kə́ rɔ̄ de gə̄ tə́.

TA KƏLA 2:3

Nə́ɓā ɔr̄ najə̄ kə́ majə dɔ ndɔ̄ kə́ nge ko̰ sīrí tə́. Ni-ɔr̄ kamə̄n tām̄ yān nəkɔ́ tə́, tɔdɔ̄ i ndɔ̄ ń ni-ɔrə̄ń koō gō kəla malang ń ni-rāā tə́ ní.

JOJUE 6:3

Ba ḭ̄ ō, ngé rɔ̄ɔ̄ yāí gə̄ ō, ā ī-njə̄rā ā ī-gīrī gidə ɓē nja kógə̄ḿ kə dɔ ndɔ̄ gə̄ bátə́ ndɔ̄ mehḛ́.

JOJUE 6:5

Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

JOJUE 6:13

Ngé tun̄ yá̰á̰ kə́ sīrí gə̄ ń a ətōn̄ tōw̄ gajə batə̄ kə́ sīrí gə̄ a njə̄rān̄ kété no sandúkə yā Kɔ́ɔ̄ɓē tə́ ní, əsōn̄ róbó ba kɔ̄rə́n̄ tōw̄ gə̄ ní. Ɓūtə̄ ngé rɔ̄ɔ̄ gə̄ kə́ ngé njə̄rā kété no madə̄də́ gə̄ tə́ njə̄rān̄ kété nodə́ tə́ ō, kə́ ngé njə̄rā gō madə̄də́ gə̄ tə́ utə̄n̄ gō sandúkə yā Kɔ́ɔ̄ɓē ō. De gə̄ a njə̄rān̄ ō, ngé tun̄ yá̰a̰ gə̄ a kɔ̄rə́n̄ tōw̄ ō.

2 MBAN̄G 5:14

Naaman aw̄ əla rɔ̄n kum bā Jurdḛ tə́ nja sīrí tītə̄ ń deē yā Nə́ɓā ədań ní, anī bānjə̄ kə́ rɔ̄n tə́ ur̄ ō, dā̰n tél to tītə̄ dā̰ ngōn̄ kásə̄ beé ō.