JOJUE 6:23 - Bibəl ta Sar̄

²³ Nin̄ udən̄ gō Rahab tə́ ba teēn̄ seneé ndágá, teēn̄ kə bɔbə̄n ō, kó̰o̰n ō, ngákó̰o̰n gə̄ ō, yá̰a̰ malang ń i yān ní teēnəń ndágá ō. Teēn̄ sedə́ kə gír kojə yādə́ malang aw̄ əndān̄də́ gidə gérger yā ngán Israel gə̄ tə́ ndágá.

Bible sar

²³ Nin̄ udən̄ gō Rahab tə́ ba teēn̄ seneé ndágá, teēn̄ kə bɔbə̄n ō, kó̰o̰n ō, ngákó̰o̰n gə̄ ō, yá̰a̰ malang ń i yān ní teēnəń ndágá ō. Teēn̄ sedə́ kə gír kojə yādə́ malang aw̄ əndān̄də́ gidə gérger yā ngán *Israel gə̄ tə́ ndágá.

JOJUE 6:23 Referans Kwoze

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

EPEJƏ 2:12

Ādə̄ əga kemsí dɔ tə́ na dan ń noō tə́ ní sḭḭ̄ i kanjə̄ Kərist ō, sḭḭ̄ i tə̄rā gə̄ ō, sḭḭ̄ i dan de gə̄ yā Nə́ɓā tə́ aĺ ō, ɔrə̄n̄sí kɔ̄ɔ́ tū madə̄ naā ń Nə́ɓā ənī míndən tāmən tə́ ní ō, ī-ndiī dɔ nang tə́ i kanjə̄ yá̰á̰ kə́ kadə̄ ə̄ndāī kemsí dɔ tə́ ō, kanjə̄ Nə́ɓā ō.

1 KORḚNTƏ 5:12

Tɔdɔ̄ gān̄g sarya dɔ de kə́ ndágá gə̄ tə́ i najə̄ yāḿ mā alé. Ngé gə̄ ń kadə̄ ī-gāngī sarya dɔdə́ tə́ ní, i ngé kə́ kemeé gə̄ aĺ a?

KƏLA RĀĀ 27:24

ba ədam̄ na: Pol ī-lōō ɓōĺ, tɔdɔ̄ i gáŕ kadə̄ ā ī-ra no Sejar tə́ ō, de gə̄ malang ń nin̄ i seí kem toó ní, Nə́ɓā adī sedə́ ō.

KƏLA RĀĀ 10:28

ədadə́ na: Ī-gerī majə kadə̄ kudə kújə yā tə̄rā tə́, aláa ɓoo naā kə tə̄rāá i yá̰á̰ kə́ majaĺ ngá̰ý tām̄ yā deē ń ni i Jipə ní tə́. Banī Nə́ɓā ɔjəm̄ kadə̄ m̄-rāā deē kógə̄ḿ de kə́ yḛr tə́ aĺ ō, de kə́ asə kadə̄ deē aw̄ looneé aĺ tə́ aĺ ō.

TƏ́DA 31:19

Banī sḭḭ̄ malang ń ī-tɔ̄lī deē, aké ɔ́diī rɔ̄ nīń deē ní, ī-ndiī gidə ɓē tə́ ndágá ndɔ̄ sīrí sḭḭ̄ gə̄gē ɓəlo yāsí kə́ dəyá̰ gə̄ gə̄gē. Ā ī-tə́goī rɔ̄sí kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō, kadə̄ ī-téliīń de gə̄ kə́ majaĺ tákə̄də́ alé gə̄.

TA KƏLA 18:24

Majanī de kə́ gōtə́ gə̄ kutə mí ndin̄ kem ɓēé ní, ā ī-tɔ̄l̄də́ ō a? Ā ī-mā̰ȳ rɔ̄í dɔ ɓē tə́ tām̄ de kə́ súmūú kə́ kutə mí gə̄ ń ndin̄ kemeé tə́ ní aĺ a?

TA KƏLA 12:2

M-ā m̄-rāā kadə̄ ā ī-tél kaa nápar de kə́ ngá̰ý gə̄. M-ā m̄-rāā majə seí ō, m-ā m̄-rāā kadə̄ rīí ɓār̄ ngá̰ý ō. De gə̄ a tɔ́rə̄n̄ tadə́ dɔ naā tə́ i kə rīí ō.

JOJUE 2:18

Ba yá̰á̰ ā ī-rāā ní ń toó: Ré j-a j-udə kə̄ kem ɓē kə́ Kanaan tə́ anī, ī-do̰ō̰ kəlā kə́ kərē ń toō tū ko̰rō̰ kújə ń ə́lájí kum tə́ ādə̄ jə-risəń kə̄ gidə kə́rēý tə́ ní, ba ī-kán̄ bɔbí gē, kó̰ó̰í gə̄ gə̄gē ngééí gə̄ malang ní ī-kán̄də́ gōí tə́ kem kújə yāí tə́.

JOJUE 2:13

Ādə̄mī yá̰á̰ kə́rēý kə́ ɔjə kadə̄ bɔbə́ḿ ō, kó̰ó̰ḿ ō, ngákó̰ó̰ḿ kə́ dəngam gə̄ ō, kə́ dəyá̰ gə̄ ō, ngéédə́ gə̄ malang ō ní ā ə́ya̰īdə́ kadə̄ ndin̄ kə kumdə́ ō, yá̰á̰ kə́ ɔjə kadə̄ ā ə́ya̰ī de gə̄ kadə̄ tɔ̄lə̄n̄jí aĺ ō.

TA KƏLA 19:29

Dan ń Nə́ɓā a nujə ɓē kə́ kum ndágə loo tə́ gə̄ ní, əga kemən dɔ Abəraham tə́, adə̄ ni-adə̄ Lot teē kɔ̄ɔ́ kum yá̰á̰ kə́ tōr̄ tə́.

HEBƏRO 11:31

I kə ta kūl̄ taā kem n Rahab ń dəyá̰ ájə́ba ní tɔ̄l̄nən̄ naā tə́ kə madə̄ ba̰ā̰ Nə́ɓā gə̄ aĺ ní. Tɔdɔ̄ ni-əhɔ ngé kum̄ loo gə̄ kə̄ kújə yān tə́ kə kem kə́ majaá.

JOJUE 2:16

Ni-ədadə́ na: Āwī kum kə̄ mbalá na sōgə́ ngé ngɔ̄də̄ gōsí gə̄ əngen̄sí, āw̄ ī-ɓɔ̄ɔ̄ī rɔ̄sí mbo̰ō̰ mbal̄ gə̄ tə́ ndɔ̄ mətá, ādə̄ ngé ngɔ̄də̄ gōsí gə̄ télən̄ pá tá ɔ̄rī rɔ̄sí dɔɔ́ āwī ɓáý.

NGÉ SARYA 1:25

Deē ní ɔjədə́ loo kə́ yā kudəń kem ɓēé. I beé n nin̄ tɔ̄lnəń de kə́ kem ɓē ní tə́ gə̄ malang kə kəyā kaskaraá ní. Banī əya̰n̄ deē ní ō, de kə́ gír kaa yān tə́ gə̄ malang ō, adə̄ aw̄n̄.