JOJUE 6:22 - Bibəl ta Sar̄

²² Jojue əda ngé kum̄ loo kə́ jōó gə̄ ń əndān̄ ma̰ȳ dɔ nang kə́ Jeriko ní na: Údiī kújə yā Rahab ń i dəyá̰ ájə́ba ní tə́, ba ī-teēī seneé ndágá, ī-teēī kə ngéén gēé malang ndágá ō, tītə̄ ń ə̄nīiń ndūsí ādīiń ní.

Bible sar

²² Jojue əda ngé kum̄ loo kə́ jōó gə̄ ń əndān̄ ma̰ȳ dɔ nang kə́ Jeriko ní na: Údiī kújə yā Rahab ń i dəyá̰ ájə́ba ní tə́, ba ī-teēī seneé ndágá, ī-teēī kə ngéén gēé malang ndágá ō, tītə̄ ń ə̄nīiń ndūsí ādīiń ní.

JOJUE 6:22 Referans Kwoze

HEBƏRO 11:31

I kə ta kūl̄ taā kem n Rahab ń dəyá̰ ájə́ba ní tɔ̄l̄nən̄ naā tə́ kə madə̄ ba̰ā̰ Nə́ɓā gə̄ aĺ ní. Tɔdɔ̄ ni-əhɔ ngé kum̄ loo gə̄ kə̄ kújə yān tə́ kə kem kə́ majaá.

JOJUE 6:17

Ɓē ní kə yá̰a̰ malang kə́ kemeé i kə́ bāā dɔ tām̄ yā Kɔ́ɔ̄ɓē tə́ Ba i Rahab ń i dəyá̰ ájə́ba ní ngóy n ā ə́ya̰in̄ kadə̄ ndi kə kumuú ō, de gə̄ malang ń a ndin̄ kújú gon tə́ ní ō, tɔdɔ̄ ni ɓɔ̄ɔ̄ ngé kum̄ loo gə̄ ń j-əlaīdə́ ní.

EJEKIEL 17:16

Tītə̄ ń m̄-ndiń kə kumḿ rɔ̄kum noó, mā Kɔ́ɔ̄ɓē Nə́ɓā m-ə́da na: Mban̄g kə́ Israel tə́ a oy i dɔ nang yā mban̄g kə́ Babilon nge kəndān dɔ kōr̄ kāgə̄ mbang tə́ tə́. Tām̄ usən dɔ túbə ń ni túbə́ ní tə́ alé, ni-ra dɔ ndūdə́ ń ənīn̄ adə̄n̄ naā ní tə́ alé. Adə̄ mban̄g kə́ Israel tə́ a oy i Babilon.

EJEKIEL 17:13

Gō tə́ anī gə̄rā deē kógə̄ḿ kə́ gír kojə yā mban̄g tə́, ba ənīn̄ ndūdə́ adə̄n̄ naā seneé ō, ni-adə̄ deē ní túbə ənīń ndūn yā ra dɔ ndūn tə́ seneé ō. Ni-əhɔ de kə́ bo kə́ kem ɓēé gə̄ aw̄ sedə́ kɔ̄ɔ́,

PĀ GƏ̄ 15:4

Kə́ tām̄ yān tə́ ɓáa de gə̄ ń Nə́ɓā ndigədə́ aĺ ní i de kə́ yā kídə̄də́ kɔ̄ɔ́ gə̄. Banī de gə̄ ń ɓōlə́n̄ ndíĺ Kɔ́ɔ̄ɓē ní ni rɔȳdə́. Ré ni-ənī ndūn, ba i kənī ndū kə́ tōr̄ rɔ̄n ngá̰ý gə̄gē anī ni tūr̄ ndūn alé.

2 SAMUEL 21:7

Banī mban̄g əya̰ Mepiboset ngōn̄ Jonatan kə́ ngōn̄ Saul adə̄ ndi kə kumneé sɔɔ̄ń madə̄ naā ń to dɔ dáńdə́ tə́ ní. Tɔdɔ̄ kété ní Dabid nin̄ kə Jonatan kə́ ngōn̄ Saul əhɔn̄ madə̄ naā kə rī Kɔ́ɔ̄ɓēé.

2 SAMUEL 21:2

Loo ń noō tə́ mban̄g ɓāŕ Gabaon gə̄ ba ɔr̄ najə̄ sedə́. Gabaon gə̄ i ngán Israel gə̄ alé. Nin̄ i gotə Amor gə̄ ń teēn̄ ta yo tə́ ní. Kété ní ngán Israel gə̄ ənīn̄ ndūdə́ adə̄n̄də́, ədan̄ na n-a n-əyan̄də́ kadə̄ ndin̄ kə kumdə́. Banī mósə Saul tə́ngān ngá̰ý najə̄ yā Israel gə̄ tə́ ō, Juda gə̄ tə́ ō, adə̄ ni sāā tɔ̄l̄ Gabaon gə̄ kɔ̄ɔ́ malang.

JOJUE 9:15

Jojue ənī ndūn adə̄də́ əhɔń madə̄ naā sedə́ tām̄ yā lɔm tə́. Madə̄ naā ní ɔjə kadə̄ ni a əya̰də́ kadə̄ a ndin̄ kə kumuú. Ngāgəra dɔ ngán Israel gə̄ túbən̄ ɔjənə̄ńdə́ kadə̄ najə̄ ní i najə̄ kə́ rɔ̄kum.

JOJUE 6:23

Nin̄ udən̄ gō Rahab tə́ ba teēn̄ seneé ndágá, teēn̄ kə bɔbə̄n ō, kó̰o̰n ō, ngákó̰o̰n gə̄ ō, yá̰a̰ malang ń i yān ní teēnəń ndágá ō. Teēn̄ sedə́ kə gír kojə yādə́ malang aw̄ əndān̄də́ gidə gérger yā ngán Israel gə̄ tə́ ndágá.

NGÉ SARYA 1:25

Deē ní ɔjədə́ loo kə́ yā kudəń kem ɓēé. I beé n nin̄ tɔ̄lnəń de kə́ kem ɓē ní tə́ gə̄ malang kə kəyā kaskaraá ní. Banī əya̰n̄ deē ní ō, de kə́ gír kaa yān tə́ gə̄ malang ō, adə̄ aw̄n̄.