JOJUE 6:19 - Bibəl ta Sar̄

¹⁹ Ba gində̄ arjā̰a̰ malang ō, gində̄ lɔ́r malang ō, yá̰a̰ malang kə́ rāā kə gində̄ nə̄ngá kasə ō, kə gində̄ kə́ karī ō ní, i kə́ yā kɔr̄ kam̄ tayā tām̄ yā Kɔ́ɔ̄ɓē tə́ ō, i kə́ yā kaw̄ń kem loo ngɔ̄m̄ yá̰a̰ kənge yā Kɔ́ɔ̄ɓē tə́ ō.

Bible sar

¹⁹ Ba gində̄ arjā̰a̰ malang ō, gində̄ lɔ́r malang ō, yá̰a̰ malang kə́ rāā kə gində̄ nə̄ngá kasə ō, kə gində̄ kə́ karī ō ní, i kə́ yā kɔr̄ kam̄ tayā tām̄ yā Kɔ́ɔ̄ɓē tə́ ō, i kə́ yā kaw̄ń kem loo ngɔ̄m̄ yá̰a̰ kənge yā Kɔ́ɔ̄ɓē tə́ ō.

JOJUE 6:19 Referans Kwoze

MATIYE 27:6

Ngol gə̄ kə́ dɔ ngé tun̄ yá̰a̰ gə̄ tə́ ɔyn̄ nar ní ba ədan̄ na: Ndū najə̄ yājí ɔgə̄ ɓōkə́ nar kə́ beē loo ngɔ̄m̄ nar kə́ kem kújə yā Kɔ́ɔ̄ɓē tə́, tɔdɔ̄ i nar mósə.

1 YÁ̰A̰ GƏ̄ 26:20

Adə̄n̄ ngán Lebi gə̄ kəla ngɔ̄m̄ yá̰a̰ kənge kə́ kem kújə yā Nə́ɓā tə́ ō, ngɔ̄m̄ yá̰á̰ kə́ yā ɓōĺ gidə gə̄ ō.

MARK 12:41

Jeju ndi kumən sɔɔ̄ loo ń a ɓōkə́n̄ nar tū tə́ kem kújə yā Kɔ́ɔ̄ɓē tə́ ní, yā ka̰a̰ loo ɓōkə́ ń kósə de gə̄ a ɓōkə́n̄ nar tū tə́ ní. Ngé yá̰a̰ kal̄ loo gə̄ ɓōkə́n̄ ngá̰ý tū tə́.

NEHEMI 10:38

J-a jə-kēgə̄ ndujə̄ yājí kə́ majə yā kadə̄də́ ō, j-a j-adə̄də́ yá̰a̰ ndējə̄ yājí kə́ kəla kə̄ dɔɔ́ gə̄ ō, kan̄ kāgə̄ yājí gə̄ ō, kasə nduú yājí kə́ kijə ō, yibə̄ ō. J-a j-aw̄ń kem kújə́ kə́ kadə kújə yā Nə́ɓā yājí tə́ yā kadə̄də́. Kan̄ yá̰a̰ gə̄ ń teēn̄ dɔ nang yājí tə́ ní i kutə anī, j-a j-ɔr̄ kógə̄ḿ danaá yā kadə̄ ngán Lebi gə̄ ō. Nin̄ kɔ́ gə̄ ngán Lebi gə̄ kə deē dɔdə́ a aw̄n̄ kə̄ kem ɓē gə̄ malang ń j-a jə-rāā kəla kemeé tə́ ní yā kaw̄ taā dɔ yá̰á̰ kə́ kɔr̄ kógə̄ḿ dan kə́ kutə gə̄ tə́.

1 YÁ̰A̰ GƏ̄ 18:11

Mban̄g Dabid ɔr̄ kam̄ yá̰a̰ gə̄ ní tayā tām̄ yā Kɔ́ɔ̄ɓē tə́ tītə̄ ń ɔrə̄ń kam̄ gində̄ arjā̰a̰ ō, lɔ́r ō ń táā jī nápar de kə́ rang gə̄ tə́ ní. Nápar de gə̄ ní i Edom gə̄ ō, Amon gə̄ ō, Pilistin gə̄ ō, Amalek gə̄ ō.

2 MBAN̄G 24:13

Tītə̄ ń Kɔ́ɔ̄ɓē ədań kété ní, Nabukodonosor ɔy yá̰a̰ kənge kə́ kem kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō, malang aw̄ń. Ni tɔ̄ɔ̄ ngáń gájə́ yá̰a̰ rāā kəla gə̄ ń mban̄g Salomo̰ adə̄ rāān̄ kə lɔ́rɔ́ tām̄ yā kújə yā Kɔ́ɔ̄ɓē tə́ ní kɔ̄ɔ́ malang.

1 MBAN̄G GƏ̄ 7:51

Dan ń Salomo̰ tɔ̄l̄ ta kəla gə̄ kə́ dɔ kújə yā Kɔ́ɔ̄ɓē tə́ malang anī, adə̄ reēn̄ kə gində̄ arjā̰a̰á̰ ō, kə lɔ́rɔ́ ō, ngáń gájə́ yá̰a̰ rāā kəla gə̄ ō ń bɔbə̄n Dabid ɔr̄ kam̄də́ tayā tām̄ yā Kɔ́ɔ̄ɓē tə́ ní, ba ɓōkə́də́ loo ń a ngɔ̄mə̄n̄ yá̰a̰ kənge kə́ kem kújə yā Kɔ́ɔ̄ɓē tə́ tū tə́ ní malang.

2 SAMUEL 8:11

Mban̄g Dabid ɔr̄ kam̄ yá̰á̰ ní tayā tām̄ yā Kɔ́ɔ̄ɓē tə́ tītə̄ ń ɔrə̄ń kam̄ gində̄ arjā̰a̰ ō, lɔ́r ō ń ni-taā jī nápar de gə̄ ń əla dɔdə́ gír tɔ́gə yān tə́ ní.

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

2 YÁ̰A̰ GƏ̄ 31:12

reēn̄ kə dɔ yá̰á̰ kə́ kɔr̄ gēé kemeé ngándáńg. Reēn̄ kə yá̰á̰ kə́ kɔr̄ kógə̄ḿ dan kə́ kutə tə́ gə̄ ō, yá̰a̰ ndējə̄ gə̄ ō. I Konania kə́ ngōn̄ Lebi n i nge ka̰a̰ gō ní. Ngōkó̰o̰n Simei i nge ka̰a̰ gō seneé.

2 YÁ̰A̰ GƏ̄ 15:18

Yá̰a̰ ndējə̄ gə̄ ń bɔbə̄n ɔr̄ kam̄ tayā ō, nəkɔ́ ɔr̄ kam̄ tayā ō ní, aw̄ń kem kújə yā Kɔ́ɔ̄ɓē tə́, adə̄ i gində̄ arjā̰a̰ ō, lɔ́r ō, yá̰á̰ kə́ rang kə́ tayā tayā gə̄ ō.

1 YÁ̰A̰ GƏ̄ 28:12

Ni-adə̄n makətūbə̄ yá̰a̰ malang ń ni núm̄ rāā ní ō, adə̄ i ndágə loo gə̄ kə́ gidə kújə yā Kɔ́ɔ̄ɓē tə́ ō, kújə gə̄ kə́ gidə ndágə loo kə́ gīr̄ gidə kújə yā Kɔ́ɔ̄ɓē gə̄ ní tə́ ō, kújə ngɔ̄m̄ yá̰a̰ kə́ gātə̄də́ i ngá̰ý gə̄ kə́ tām̄ yā kújə yā Nə́ɓā tə́ ō, yá̰á̰ kə́ yā ɓōĺ gidə kə́ ndējə̄ gə̄ ō.

1 YÁ̰A̰ GƏ̄ 26:28

Yá̰a̰ malang ń Samuel nge ka̰a̰ yá̰a̰ ō, Saul ngōn̄ Kis ō, Abner ngōn̄ Ner ō, Joab kə́ ngōn̄ Seruya ō, ɔrə̄n̄ kam̄ tayā tām̄ yā Nə́ɓā tə́ ní, i Selomit nin̄ kə ngákó̰o̰n gēé n i ngé ngɔ̄m̄ gə̄ ní.

1 YÁ̰A̰ GƏ̄ 26:26

Yá̰a̰ gə̄ ń mban̄g Dabid ō, ngār gə̄ kə́ dɔ gír kojə gə̄ tə́ ō, ngol áskar kə́ dūbú gə̄ ō, kə́ ɓú gə̄ ō, ngol ngé rɔ̄ɔ̄ gə̄ ō, ɔrə̄n̄ kam̄ tayā tām̄ yā Nə́ɓā tə́ ní, i Selomit ngeé ń toō n i nge ngɔ̄m̄ naā tə́ kə ngákó̰o̰n gēé ní.

1 MBAN̄G GƏ̄ 14:26

Ni ɔy yá̰a̰ kənge gə̄ kə́ kem kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō aw̄ń. Ni ɔy yá̰a̰ malang aw̄ń. Der lɔ́r ń Salomo̰ rāā ní gə̄gē, ɔy malang aw̄ń.

JEREMI 38:11

Ebed Melek ɔy de gə̄ gōn tə́ ba aw̄ kem kújə yā mban̄g tə́. Ni ɔy ngísə kūbə̄ gə̄ gír loo ngɔ̄m̄ yá̰a̰ kənge tə́. Ni do̰ō̰də́ kə kəlaá ba əlań adə̄ Jeremi kem bəlo ta man̄ ndī tə́.

TƏ́DA 31:22

Yá̰a̰ gə̄ ń rāān̄də́ kə lɔ́r, aké kə gində̄ arjā̰a̰, aké kə gində̄ nə̄ngá kasə, aké kə gində̄ kə́ karī, aké kə gində̄ etḛ̄ḛ, aké gində̄ pəlɔm, tū mbal̄ tə́ kadə̄ to ngándáńg,

LEBI GƏ̄ 19:24

Ba kan̄də́ kə́ kem ɓāl̄ kə́ nge ko̰ sɔ́ tə́ ní, ā adī Kɔ́ɔ̄ɓē malang yā tɔ̄ȳnəń kə rɔ̄nelēé.

TƏ́DA 31:11

Nin̄ ɔyn̄ yá̰a̰ kənge yā Madian gə̄ malang ō, əhɔn̄ de gə̄ ō, dā̰ gə̄ ō, ba aw̄n̄.

TƏ́DA 31:12

Nin̄ aw̄n̄ kə yá̰a̰ gə̄ ń noō malang loo ndidə́ tə́ ndágə loo gə̄ kə́ Moab tə́, kadə bā Jurdḛ ń ra sɔɔ̄n̄ ta naā kə ɓē kə́ Jeriko ní tə́, ba ɔjən̄ Moijə ō, Eleajar nge tun̄ yá̰a̰ ō, ngán Israel gə̄ malang ō.

JOJUE 7:11

Ngán Israel gə̄ rāān̄ majaĺ. Nin̄-mānə̄n̄ dɔ ndū najə̄ kə́ dɔ madə̄ naā ń m-ə́hɔ sedə́ tə́ á m-ə́dádə́ kadə̄ ngɔ̄mə̄n̄ ní. Nin̄ ɔyn̄ yá̰á̰ kə́ bāā dɔ gə̄ ń m-ɔ̄gə̄də́ kɔy ní, ɓogən̄ yá̰a̰ gə̄ ní ba aw̄ ɓɔ̄ɔ̄n̄ dan yá̰a̰ yādə́ tə́.

1 YÁ̰A̰ GƏ̄ 26:27

I núsə́ yá̰a̰ kənge kə́ kəhɔ ta rɔ̄ɔ̄ tə́ n de gə̄ ngeé ń toō ɔrə̄n̄ kam̄ tayā tām̄ yā Nə́ɓā tə́ yā rāań loo kə́ nujə gə̄ kə́ tū kújə yā Kɔ́ɔ̄ɓē tə́ ní.