JOJUE 6:18 - Bibəl ta Sar̄

¹⁸ Ba sḭḭ̄ ī-ngɔ̄mī rɔ̄sí majə. Yá̰á̰ ń i kə́ bāā dɔ tām̄ yā Kɔ́ɔ̄ɓē tə́ ní, ī-lōōī kum, na sōgə́ ī-nujiī kə gérger yā ngán Israel gēé ō, ī-ndɔ́rī yá̰á̰ kə́ to kum kaȳ aĺ ī-reēiń dɔ tə́ ō.

Bible sar

¹⁸ Ba sḭḭ̄ ī-ngɔ̄mī rɔ̄sí majə. Yá̰á̰ ń i kə́ bāā dɔ tām̄ yā Kɔ́ɔ̄ɓē tə́ ní, ī-lōōī kum, na sōgə́ ī-nujiī kə gérger yā ngán *Israel gēé ō, ī-ndɔ́rī yá̰á̰ kə́ to kum kaȳ aĺ ī-reēiń dɔ tə́ ō.

JOJUE 6:18 Referans Kwoze

1 JA̰A̰ 5:21

Ngánə́ḿ kə́ dūú gə̄, ī-ngɔ̄mī rɔ̄sí najə̄ yā ɓesə̄ gə̄ tə́.

EPEJƏ 5:11

Kəla kə́ rāā tilií gə̄ ń i kəla kə́ teē yá̰a̰ aĺ gə̄ ní, i-lōōī rāā sedə́, banī ī-teēī kə gíŕdə́ ndágá.

JOJUE 7:1

Ngán Israel gə̄ rāān̄ yá̰á̰ kə́ gōtə́ alé, tɔdɔ̄ yá̰a̰ kənge ń Kɔ́ɔ̄ɓē ɔgə̄də́ kun ní nin̄ unən̄. I de kə́ gír ɓē yā Juda tə́ n ɔy núsə́ yá̰a̰ kənge kə́rēý gə̄ adə̄ wōn̄g rāā Kɔ́ɔ̄ɓē kə ngán Israel gēé ngá̰ý ní. Rī deē ní na i Akan. Ni i ngōn̄ Karmi kə́ ngōn̄ Jabədi kə́ ngōn̄ Jera.

JOJUE 7:25

Jojue əda Akan na: Ī-rāā ādə̄ yá̰á̰ kə́ to kum kaȳ aĺ reē dɔjí tə́ i tām̄ rí tə́? Ādə̄ Kɔ́ɔ̄ɓē reē kə yá̰á̰ kə́ to kum kaȳ aĺ dɔí tə́ ɓōólaā. Loo ń nuū tə́ ngán Israel gə̄ malang tə́nīnən̄ kə mbalá tə̄nā tɔ̄lnən̄. Tɔ̄lə̄n̄ deē yān gə̄ i tītə̄ ń nuū ō, ba əlan̄ hor dɔdə́ tə́. Əlan̄ hor dɔ yá̰a̰ kənge yān gə̄ tə́ malang ō.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

JONAS 1:12

Jonas tél əda ngé rāā kəla kem to boó gə̄ na: Ún ə̄nīmī kum bā bo tə́. I tītə̄ ń noō tá bā bo a tél yā kəto jəke kə gō gidəsí. A̰á̰ā̰, m̄-ger̄ kadə̄ nél man̄ kə́ əla kə ngangá ngá̰ý ń toō a rɔ̄ɔ̄sí i najə̄ yāḿ mā tə́.

KOHELET 9:18

Kum kedə̄ i só tə́ tɔȳ yá̰a̰ rɔ̄ɔ̄ gə̄, banī nge rāā majaĺ kə́ kógə̄ḿ beē nujə yá̰á̰ kə́ majə gə̄ ngá̰ý.

2 SAMUEL 21:1

Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.

NDŪ NAJƏ̄ 7:26

Ā āwī kə yá̰á̰ kə́ majaĺ kem kújə yāsí tə́ alé. Ré āwīneé anī a bāān̄ dɔsí naā tə́ kə yá̰á̰ kə́ majaĺ ní yā kadə̄ Kɔ́ɔ̄ɓē. Ā ī-mbātíīdə́ kɔ̄ɔ́ kə taá malang ō, ā ī-rāāīdə́ i yá̰á̰ kə́ majaĺ tə́ ō. Tɔdɔ̄ yá̰á̰ kə́ beé gə̄ i yá̰á̰ kə́ yā nujəń kɔ̄ɔ́ kə taá malang.

JOJUE 7:15

Deē ń ɔy yá̰á̰ kə́ bāā dɔ gə̄ á Kɔ́ɔ̄ɓē a ɔjə dɔn ní, a ənīnən̄ horoó, ni gə̄gē, yá̰a̰ kənge yān gə̄gē malang. Tɔdɔ̄ ni mān̄ i dɔ ndū najə̄ ń Kɔ́ɔ̄ɓē əhɔń madə̄ naā kə́ ngán Israel gēé ní ō, rāā i yá̰á̰ kə́ to rɔ̄sɔl̄ ngá̰ý dan ngán Israel gə̄ tə́ ō.

NDŪ NAJƏ̄ 13:17

Ā ī-kánī yá̰a̰ kənge gə̄ kə́ kem ɓē ní tə́ ndágə looó malang ba ā ə́laī hor dɔ tə́ kɔ̄ɔ́. Ā ə́laī hor dɔ ɓē ní tə́ kə taá malang yā rɔȳń Kɔ́ɔ̄ɓē Nə́ɓā yāsí. Ɓē ní a tél i ndəbā ɓē kə́ njɔ́ḿ gə̄ tə́. Deē a tél yā rāā gogə́ to̰ alé i kə́ bátə́ gə̄ tə́.

JOJUE 7:13

Ngɔlaā ní āw̄ əda de gə̄ ādə̄ əndān̄ dɔ rɔ̄də́ danaá tām̄ yāḿ tə́. ə́dádə́ ādə̄ ɔrə̄n̄ kamdə́ tayā tām̄ yā Nə́ɓā tə́, ādə̄ majaĺ gətóo dɔdə́ tə́ tām̄ yā ndɔ̄ kə́ bírí tə́. Tɔdɔ̄ yá̰á̰ ń Kɔ́ɔ̄ɓē Nə́ɓā yā Israel əda ní n toó Sḭḭ̄ ngán Israel gə̄, yá̰á̰ kə́ bāā dɔ dáńsí tə́, adə̄ ā ásiī dum̄ ta madə̄ ba̰ā̰sí gə̄ alé, bátə́ kadə̄ ré uniī yá̰á̰ ní ī-teēiń kɔ̄ɔ́ pá tá.

NDŪ NAJƏ̄ 23:10

Ré āw̄ yā rɔ̄ɔ̄ madə̄ ba̰ā̰í gə̄ ba ə́hɔ loo ī-ndiń anī, ī-lōō kadə̄ majaĺ tákī.

1 SAMUEL 15:9

Saul nin̄ kə ngán Israel gēé əya̰n̄ Agag ō, yá̰a̰ kul̄ kə́ majə majə gə̄ ō. Nin̄ əya̰n̄ man̄g gə̄ ō, batə̄ gə̄ ō, bə̄yā̰ gə̄ ō, yá̰a̰ kul̄ kə́ bo majə gə̄ ō, ngán batə̄ gə̄ ō. I yá̰a̰ kul̄ kə́ majə ngá̰ý gə̄ n nin̄ əya̰n̄də́ kə kumuú ní. Ba i ngé kə́ to yá̰a̰ aĺ gə̄ ō, majən̄ aĺ ō n tɔ̄lə̄n̄də́ kɔ̄ɔ́ malang tām̄ yā Kɔ́ɔ̄ɓē tə́ ní.