JOJUE 6:17 - Bibəl ta Sar̄

¹⁷ Ɓē ní kə yá̰a̰ malang kə́ kemeé i kə́ bāā dɔ tām̄ yā Kɔ́ɔ̄ɓē tə́ Ba i Rahab ń i dəyá̰ ájə́ba ní ngóy n ā ə́ya̰in̄ kadə̄ ndi kə kumuú ō, de gə̄ malang ń a ndin̄ kújú gon tə́ ní ō, tɔdɔ̄ ni ɓɔ̄ɔ̄ ngé kum̄ loo gə̄ ń j-əlaīdə́ ní.

Bible sar

¹⁷ Ɓē ní kə yá̰a̰ malang kə́ kemeé i kə́ bāā dɔ tām̄ yā Kɔ́ɔ̄ɓē tə́ Ba i Rahab ń i dəyá̰ ájə́ba ní ngóy n ā ə́ya̰in̄ kadə̄ ndi kə kumuú ō, de gə̄ malang ń a ndin̄ kújú gon tə́ ní ō, tɔdɔ̄ ni ɓɔ̄ɔ̄ ngé kum̄ loo gə̄ ń j-əlaīdə́ ní.

JOJUE 6:17 Referans Kwoze

NDŪ NAJƏ̄ 20:17

Ā ī-*bāā dɔ Het gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō, kɔ̄ɔ́ malang tītə̄ ń Kɔ́ɔ̄ɓē Nə́ɓā yāí ədaīneé ní,

JAKƏ 2:25

I tītə̄ ń noō n Rahab ń i dəyá̰ ájə́ba ní téləń de kə́ gōtə́ ní aĺ a? Tām̄ ni-əhɔ ngé kaw̄ kəla gə̄ kə̄ rɔ̄n tə́, ba rāā sedə́ adə̄ aw̄n̄ kə róbə́ kə́ rangaá.

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

HEBƏRO 11:31

I kə ta kūl̄ taā kem n Rahab ń dəyá̰ ájə́ba ní tɔ̄l̄nən̄ naā tə́ kə madə̄ ba̰ā̰ Nə́ɓā gə̄ aĺ ní. Tɔdɔ̄ ni-əhɔ ngé kum̄ loo gə̄ kə̄ kújə yān tə́ kə kem kə́ majaá.

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

GALATƏ 3:12

Ba ndū najə̄ teē i tū taā kem tə́ alé, banī deē ń rāā yá̰a̰ gə̄ ń ndū najə̄ əda ní, kɔ́ɔ̄ a ndi kə kumneé i kə ta kūl̄də́.

GALATƏ 3:10

Ba ngé gə̄ ń əndān̄ tɔ́gə́də́ i dɔ rāā yá̰á̰ ń ndū najə̄ əda tə́ ní, ndɔ̄ĺ i dɔdə́ tə́. Tɔdɔ̄ i kə́ ndang na: Náā nəkɔ́ ń rāā yá̰a̰ malang ń ndangən̄ kem makətūbə̄ ndū najə̄ tə́ ní aĺ ní i de kə́ ndɔ̄ĺ i dɔn tə́.

1 KORḚNTƏ 2:7

I kum kedə̄ yā Nə́ɓā kə́ to loo mundə̄ tə́, kə́ ɓɔ̄ɔ̄n̄ dɔ kɔ̄ɔ́, ba Nə́ɓā əndā dɔ danaá tām̄ kɔsə gɔn yājí tə́ kété pá tá kadə̄ ni-əndā dɔ rā̰ ō dɔ nang ō ɓáý ní n jə-ndóō de gə̄ ní.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

TA KƏLA 12:3

M-ā m̄-rāā majə kə de gə̄ ń a tɔ́rə̄n̄ tadə́ dɔí tə́ ní ō, m-ā m̄-ndɔ̄ĺ deē ń a tájī ní ō. M-ā m̄-rāā majə kə gír kojə yā de gə̄ malang kə́ dɔ nang tə́ sɔɔ̄iń ḭ̄.

1 KORḚNTƏ 16:22

Ré de kə́rēý táŕ Kɔ́ɔ̄ɓē Jeju Kərist aĺ anī, ādə̄ ndɔ̄ĺ i dɔn tə́. Marana ta.

EJEKIEL 39:17

Kɔ́ɔ̄ɓē Nə́ɓā ədam̄ ɓáý to̰ na: Ḭ̄ ngōn̄ deē, najə̄ ń m-ə̄ndā taí tə́ ní, ə́da yel̄ kə́ tayā tayā gə̄ malang ō, dā̰ kə́ bembeé gə̄ ō, ādə̄m̄. Ə́dádə́ na: Ī-teēī kə̄ ta loo gə̄ tə́ ī-reē ɔ́siī dɔsí naā tə́, kadə̄ ə́ngeī kum yāsí tū yá̰á̰ ń m-ā m̄-rāā yā tun̄ tām̄ yāsí tə́ ní. Yá̰a̰ tun̄ kə́ bo a to ndɔ̄ ń noō tə́ dɔ mbal̄ bo kə́ Israel tə́ tə́. Ā ə́saī dā̰ ō, ā ā̰yī mósə ō.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

IJAI 34:6

Kaskar yā Kɔ́ɔ̄ɓē i mósə malang, mból dā̰ i gidə tə́ malang. To i tītə̄ mósə́ ngán batə̄ gə̄ kə mósə bal bə̄yā̰ gə̄ beé. To i tītə̄ mból bal batə̄ gə̄ kə́ gidə mənjodə́ gə̄ tə́ beē. Kɔ́ɔ̄ɓē əndā dɔ yá̰a̰ tun̄ kógə̄ḿ kem ɓē kə́ Bosra tə́, ɓē kə́ Bosra ń i ɓē bo ní tə́. I nujə loo kə́ to ɓōĺ ngá̰ý kə́ dɔ nang kə́ Edom tə́.

ESDRAS 10:8

Deē ń ngār gə̄ ō, de kə́ bo gə̄ ō, a adə̄nən̄ ndɔ̄ mətá yā reēń tá reē aĺ ní, a ɔyn̄ yá̰a̰ kənge yān gə̄ malang ō, a ɔr̄nən̄ kɔ̄ɔ́ dan ngé kán̄ naā gə̄ tə́ ō.

1 SAMUEL 15:6

Ni-əda Keni gə̄ na: Ī-teēī kɔ̄ɔ́ dan Amalek gə̄ tə́ na sōgə́ jīsí a ɓoo naā, tɔdɔ̄ sḭḭ̄ ī-rāāī kem majə kə ngán Israel gēé dan ń teēnneé kɔ̄ɔ́ kem ɓē kə́ Ejiptə tə́ ní. Adə̄ Keni gə̄ ɔrə̄n̄ rɔ̄də́ kɔ̄ɔ́ dan Amalek gə̄ tə́.

JOJUE 7:1

Ngán Israel gə̄ rāān̄ yá̰á̰ kə́ gōtə́ alé, tɔdɔ̄ yá̰a̰ kənge ń Kɔ́ɔ̄ɓē ɔgə̄də́ kun ní nin̄ unən̄. I de kə́ gír ɓē yā Juda tə́ n ɔy núsə́ yá̰a̰ kənge kə́rēý gə̄ adə̄ wōn̄g rāā Kɔ́ɔ̄ɓē kə ngán Israel gēé ngá̰ý ní. Rī deē ní na i Akan. Ni i ngōn̄ Karmi kə́ ngōn̄ Jabədi kə́ ngōn̄ Jera.

JOJUE 2:22

Ngé kum̄ loo gə̄ ní aw̄n̄ kumdə́ kə̄ mbalá, aw̄ ndin̄ noó ndɔ̄ mətá, bátə́ adə̄ ngé ngɔ̄də̄ gōdə́ gə̄ tél reēn̄neé gogə́ kem ɓēé. Ngé ngɔ̄də̄ gōdə́ gə̄ ní sāān̄də́ kə gō róbə gēé sétə́ əngen̄də́ alé.

JOJUE 2:1

Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

LEBI GƏ̄ 27:21

Ré ɓāl̄ Jubile ugə̄ anī, ndɔr̄ ní tél i yá̰a̰ kənge yā nge tun̄ yá̰a̰, tɔdɔ̄ i ndɔr̄ kə́ bāā dɔ tām̄ yā Kɔ́ɔ̄ɓē tə́.