JOJUE 5:9 - Bibəl ta Sar̄

⁹ Gō tə́ anī Kɔ́ɔ̄ɓē əda Jojue na: Rɔ̄sɔl̄ ń ḭ́ḭḭ̄ń dɔ nang kə́ Ejiptə tə́ ī-reēiń ní, ɓōólaā m-ɔ̄rən kɔ̄ɔ́ dɔsí tə́. I tām najə̄ ń noō tə́ n bátə́ ɓōólaā gə̄gē a ɓārə́n̄ rī loo ní na i Gilgal ní.

Bible sar

⁹ Gō tə́ anī Kɔ́ɔ̄ɓē əda Jojue na: Rɔ̄sɔl̄ ń ḭ́ḭḭ̄ń dɔ nang kə́ Ejiptə tə́ ī-reēiń ní, ɓōólaā m-ɔ̄rən kɔ̄ɔ́ dɔsí tə́. I tām najə̄ ń noō tə́ n bátə́ ɓōólaā gə̄gē a ɓārə́n̄ rī loo ní na i Gilgal ní .

JOJUE 5:9 Referans Kwoze

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

JOJUE 4:19

Ngán Israel gə̄ teēn̄ bā Jurdḛ i kə ndɔ̄ kə́ nge ko̰ kutə yā nāā kə́ ta kəga dɔ. Aw̄ ndin̄ Gilgal ba rāān̄ gérger yādə́ loo ń nuū tə́. Ré deē ra Jeriko anī, loo ń ndin̄ tū tə́ ní i kə̄ dām̄ kə́ gír ɓē tə́.

TA KƏLA 34:14

Nin̄ ədanən̄ na: Jḭḭ j-asə kun ngōkó̰ó̰jí kadə̄ de kə́ əja mɔtən aĺ alé, tɔdɔ̄ i yá̰á̰ kə́ to rɔ̄sɔl̄ tām̄ yājí tə́.

LEBI GƏ̄ 24:14

Ī-teē kə nge tájə̄ ndū ní gidə ɓē tə́ ndágá, ba de gə̄ malang ń oōn̄ najə̄ kɔrən̄ ní a əndān̄ jīdə́ dɔn tə́ ō, ngán Israel gə̄ malang a tə́nīnən̄ kə mbalá yā tɔ̄lən ō.

EJEKIEL 23:8

Ni na̰y kə̄ loo rāā ájə́ba tə́ tītə̄ ń kété a rāań dɔ nang kə́ Ejiptə tə́ ní. Nú ní dan ń ni na̰y mandə ɓáý ní, dəngam gə̄ ɓīīn̄ seneé ō, wār̄yān̄ kadə ń i kadə ngōmandə ní ō, ndɔ́r̄ əlan̄ tan tū kaya tə́ ō.

EJEKIEL 23:3

Dan ń nin̄ na̰yn̄ mandə ɓáý ní, nin̄ rāān̄ ájə́ba kem ɓē kə́ Ejiptə tə́. Dəngam gə̄ kógə̄n̄ naā kə mbaadə́ gēé nú. Nin̄ wār̄yān̄ kadədə́ gə̄ ń i kadə ngámandə gə̄ ní.

JEREMI 9:25

Adə̄ i Ejiptə gə̄ ō, Juda gə̄ ō, Edom gə̄ ō, Amon gə̄ ō, Moab gə̄ ō, de gə̄ malang ń ndin̄ kem dəla loo tə́ á i ngé dəsā mbɔ́ŕdə́ gə̄ ní ō. Tɔdɔ̄ nápar de gə̄ malang əjan̄ mɔtədə́ aĺ ō, de kə́ Israel tə́ gə̄ nəkɔ́ gə̄gē ní ə́jan̄ mɔtə kə́ dan wurdə́ tə́ aĺ ō.

PĀ GƏ̄ 119:39

Rɔ̄sɔl̄ ń i yá̰á̰ kə́ m̄-gḛy aĺ ngá̰ý ní, ī-tūr̄ ta kɔ̄ɔ́ kə̄ loo kə́ rang tə́, tɔdɔ̄ ndūí gə̄ ń ī-ra dɔ tə́ ní i kə́ majə ngá̰ý.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

JOJUE 24:14

Anī Jojue tél əda na: Ngɔlaā ní, ī-ɓōlíī ndíĺ Kɔ́ɔ̄ɓē ō, ī-rāāī kəla kə ngarā̰ kemsí malang ādīin̄ ō, ī-raī dɔ ndūsí tə́ ō. Ɓesə̄ gə̄ ń kaasí gə̄ a rāān̄ gidə bā tə́ ō, dɔ nang kə́ Ejiptə tə́ ō ní, ī-ró̰yīdə́ kɔ̄ɔ́ ba ī-rāāī kəla yā Kɔ́ɔ̄ɓē.

JOJUE 5:8

Dan ń əjan̄ mɔtədə́ malang oy anī, ndin̄ gotə kógə̄ḿ kem gérgereé bátə́ adə̄ do edə̄ń.

1 SAMUEL 7:16

Kə dɔ ɓāl̄ gə̄ ń noō ní a njə̄rā a teē Betel ō, Gilgal ō, Misəpa ō, a gāngəń sarya yā Israel gə̄ ń ndin̄ kə gō loo gə̄ ń noō ní.

2 SAMUEL 19:15

Dabid əhɔ de kə́ dəngam gə̄ malang kə́ Juda tə́ kə najá, adə̄ gír̄ yādə́ i gō naā tə́ malang. Nin̄ əlan̄ kəla gō mban̄g Dabid tə́, ədanən̄ na kə tél kə reē kə ngé kəla yān gēé malang.

MISE 6:5

Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

SOPONI 2:8

M-ōō tájə̄ ndū yā Moab gə̄ ō, m-ōō lur ń Amon gə̄ lurən̄ loo ní ō. Nin̄ tájə̄n̄ gír deē yāḿ gə̄ ō, teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír deē yāḿ gə̄ ō.

NEHEMI 12:29

Bet Gilgal ō, gō nang kə́ Geba tə́ ō Asmabet tə́ ō.

OJEE 4:15

Ḭ̄ Israel, ún rɔ̄í ī-rāā ń ájə́ba. Ba majə kadə̄ Juda rāā yá̰á̰ kə́ gōtə́ aĺ kə́ kógə̄ḿ beē nəkɔ́ ń noō alé. Ī-lōōī kaw̄ loo kə́ yā ɓōĺ gidə kə́ Gilgal tə́ ō, ī-lōōī kaw̄ Bet Aben ō. Ī-lōōī túbə kəda na: Tītə̄ ń Kɔ́ɔ̄ɓē ndiń kə kumneé noō ō.

AMOS 5:5

Banī ī-lōōī sāām̄ kem kújə yā Kɔ́ɔ̄ɓē kə́ Betel tə́ tə́. Loo kə́ yā ɓōĺ gidə kə́ Gilgal tə́ ní, ī-lōōī kudə tū tə́. Ī-lōōī kaw̄ nge kə́ Beer Seba tə́ tə́. A̰á̰ā̰, a ɔyn̄ de kə́ Gilgal gə̄ yā kaw̄ sedə́ dɔ ɓē kə́ rang tə́ ō, Betel ń i kújə yā Nə́ɓā ní, a tél kújə yā nə́ɓā kə́ rɔ̄kum aĺ gə̄ ō.