JOJUE 5:6 - Bibəl ta Sar̄

⁶ Ngán Israel gə̄ njə̄rān̄ ɓāl̄ kutə sɔ́ kem dəla loo tə́. Ta tɔ̄l̄ ta anī de gə̄ mang ń teēn̄ kɔ̄ɔ́ kem ɓē kə́ Ejiptə tə́ á nin̄ i ngé rɔ̄ɔ̄ gə̄ ní oyn̄ kɔ̄ɔ́ malang tām̄ oōn̄ ta Kɔ́ɔ̄ɓē alé. Dɔ nang kə́ mba ō, yibə̄ tejə ō, i ngá̰ý tū tə́ ń Kɔ́ɔ̄ɓē ənī ndūn adə̄ kaadə́ gə̄ yā kadə̄jí ní. Kɔ́ɔ̄ɓē túbə kə rɔ̄neé əda na n-a n-əya̰də́ kadə̄ a̰a̰n̄ dɔ nang ní alé,

Bible sar

⁶ Ngán Israel gə̄ njə̄rān̄ ɓāl̄ kutə sɔ́ kem dəla loo tə́. Ta tɔ̄l̄ ta anī de gə̄ mang ń teēn̄ kɔ̄ɔ́ kem ɓē kə́ Ejiptə tə́ á nin̄ i ngé rɔ̄ɔ̄ gə̄ ní oyn̄ kɔ̄ɔ́ malang tām̄ oōn̄ ta Kɔ́ɔ̄ɓē alé. Dɔ nang kə́ mba ō, yibə̄ tejə ō, i ngá̰ý tū tə́ ń Kɔ́ɔ̄ɓē ənī ndūn adə̄ kaadə́ gə̄ yā kadə̄jí ní. Kɔ́ɔ̄ɓē túbə kə rɔ̄neé əda na n-a n-əya̰də́ kadə̄ a̰a̰n̄ dɔ nang ní alé,

JOJUE 5:6 Referans Kwoze

TƏ́DA 14:23

m-ə̄nī ndūḿ kadə̄ deē kógə̄ḿ dandə́ tə́ a ugə̄ dɔ nang ń m-ə̄nī míndə́ḿ dɔ tə́ m-ādə̄ kaadə́ gə̄ ní alé. De gə̄ malang ń kídə̄mə̄n̄ ní, deē kógə̄ḿ dandə́ tə́ kə́ yā kugə̄ dɔ nang ń noō tə́ a gətóo.

NDŪ NAJƏ̄ 2:14

Jə-njə̄rāī dɔ dán loo ń ḭḭ Kades Barnea bátə́ ugə̄ń wól man̄ Jered tə́ ní ɓāl̄ kutə mətá gidə i sɔ́sɔ́ tá jə-teēī wól man̄ Jered kə̄ gidə kə́rēý tə́ ɓáý. Dan ngeé ń noō tə́ ní de kə́ tɔgə gə̄ ń ta kɔr̄sí dɔɔ́ anī asən̄ kaw̄ rɔ̄ɔ̄ tə́ ní, oyn̄ kɔ̄ɔ́ malang tītə̄ ń Kɔ́ɔ̄ɓē túbəń njan kété ní.

HEBƏRO 3:11

Wōn̄g rāām̄ adə̄ m̄-túbə̄ m-ə́da na: Nin̄ a ugə̄n̄ ɓē ń m-ə̄ndā dɔ kɔr̄ koō danaá tū tə́ tām̄ yādə́ tə́ ní alé.

NDŪ NAJƏ̄ 2:7

Tām̄ Kɔ́ɔ̄ɓē Nə́ɓā yāsí rāā majə sesí tū kəla rāāsí gə̄ tə́ malang dan ń ə́ndaī dəla loo kə́ bo ngá̰ý ń toō ī-gāngī ní ō, əndā kumən gōsí tə́ ō. Kɔ́ɔ̄ɓē njə̄rā sesí ɓāl̄ kutə sɔ́ ngɔlaā ō, ī-nalī yá̰á̰ kógə̄ḿ aĺ ō.

NDŪ NAJƏ̄ 1:3

Kem ɓāl̄ kə́ nge ko̰ kutə sɔ́ tə́, kə ndɔ̄ kə́ ta kəga dɔ yā nāā kə́ nge ko̰ kutə gidə i kógə̄ḿ gō teē ngán Israel gə̄ tə́ kɔ̄ɔ́ kem ɓē kə́ Ejiptə tə́ anī, Moijə əda ngán Israel gə̄ yá̰a̰ malang ń Kɔ́ɔ̄ɓē əndā tan tə́ kadə̄ ədadə́ ní.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

EJEKIEL 20:15

Banī m̄-túbə m-ādə̄də́ kem dəla loo tə́ kadə̄ m-ɔ́ŕdə́ ta róbə m-āw̄ sedə́ dɔ nang ń m-ādə̄də́ tə́ ní alé. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

NDŪ NAJƏ̄ 8:4

Kem ɓāl̄ kə́ kutə sɔ́ gə̄ ń ī-rāāī kem dəla loo tə́ ní, kūbə̄ yāsí gə̄ ngísən̄ aĺ ō, njasí gə̄ tágə̄n̄ aĺ ō.

EJEKIEL 20:6

Ndɔ̄ ngeé ń noō tə́ ní, m̄-túbə m-ə́da na m-ā m̄-teē sedə́ kɔ̄ɔ́ kem ɓē kə́ Ejiptə tə́, yā kaw̄ sedə́ dɔ nang kə́ m-ə̄ndā ma̰ȳn tām̄ yādə́ tə́ tə́. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

Teē Ngán Israel gə̄ 3:17

Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.

TƏ́DA 26:63

Ngán Israel gə̄ ń Moijə nin̄ kə Eleajar nge tun̄ yá̰a̰ tə́dan̄də́ ndagə loo gə̄ kə́ Moab tə́, dɔ gɔ́sə bā Jurdḛ ń ra sɔɔ̄n̄ tá naā kə ɓē kə́ Jeriko ní n noó.

JOJUE 5:5

Nin̄ i de gə̄ kə́ əjan̄ mɔtədə́ kɔ̄ɔ́, ba ngán Israel kə́ dəngam gə̄ malang ń ojən̄də́ dɔ róbə́ tə́ kem dəla loo tə́ ní, deē əja mɔtədə́ alé. I tām̄ najə̄ ń noō tə́ n Jojue əjań mɔtədə́ ní.

JOJUE 5:7

ba i ngáńdə́ gə̄ n ni-aw̄ sedə́ dɔ nang ní tə́ kum gotədə́ ní. I ngáńdə́ gə̄ ngeé ń toō n Jojue əja mɔtədə́ ní, tām̄ ta reēdə́ ní deē əja mɔtədə́ róbó alé.

PĀ GƏ̄ 107:4

Ngé kə́rēý gə̄ ndɔmə̄n̄ kem loo gə̄ kə́ deē gətóo tū tə́ tə́, dɔ róbə́ kə́ mángá tə́, kanjə̄ kənge ɓē kə́ deē ndi tū tə́.

JOJUE 1:6

ə́hɔ rɔ̄í tɔgə ō, ī-ra dəngam ō. Tɔdɔ̄ i ḭ̄-n ā ādə̄ gír de gə̄ ń toō dɔ nang ń m-ə̄nī ndūḿ m-ādə̄ kaadə́ gə̄ yā kadə̄də́ ní.

JOJUE 24:7

Bɔbə̄sí gə̄ əgan̄ kɔŕ kə̄ dɔ Kɔ́ɔ̄ɓē tə́, adə̄ Kɔ́ɔ̄ɓē əndā loo kə́ risə til dɔ dáńsí tə́ kə de gə̄ ké Ejiptə gēé. Ba gō tə́ anī Kɔ́ɔ̄ɓē rāā adə̄ bā bo ɔr tan dɔdə́ tə́. Yá̰á̰ ń m̄-rāā kə de kə́ Ejiptə gə̄ ní, sḭḭ̄ á̰a̰ī kə kumsí. Gō tə́ anī ī-ndiī kem dəla loo tə́ dan i ngá̰ý.