JOJUE 5:2 - Bibəl ta Sar̄

² Dan ń ngeé ń nuū tə́ ní, Kɔ́ɔ̄ɓē əda Jojue na: Ī-rāā kəyā mbal̄ ba ə́jań mɔtə ngán Israel kə́ ngɔlaā gə̄ ń toō kɔ̄ɔ́.

Bible sar

² Dan ń ngeé ń nuū tə́ ní, Kɔ́ɔ̄ɓē əda Jojue na: Ī-rāā kəyā mbal̄ ba *ə́jań mɔtə ngán *Israel kə́ ngɔlaā gə̄ ń toō kɔ̄ɔ́.

JOJUE 5:2 Referans Kwoze

NDŪ NAJƏ̄ 30:6

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

NDŪ NAJƏ̄ 10:16

Ā ə́ja i mɔtə kə́ dan wur tə́ ō, ī-lōōī rāā dɔ ngan̄g ō.

Teē Ngán Israel gə̄ 4:25

Anī Sepora un mbal̄ kə́ ta katə əjań mɔtə ngōnən, un ta mɔtə ngōn̄ ń əja ní ɔdəń mɔtə Moijə ba əda na Moijə na i ngaa mósə yān.

KOLOSƏ 2:11

Ɓoo ń ī-ɓooī naā seneé ní, ɔjə kadə̄ sḭḭ̄ ə́jaī mɔtəsí kɔ̄ɔ́. I jī deē n əja alé, i kəja mɔtə yā Kərist. Ba kəja mɔtə yā Kərist ngeé ń toō i ngḭ̄ḭ̄ kə́ ngḭ̄ḭ̄n̄ dā̰ rɔ̄jí kə́ nge rāā yá̰a̰ majaĺ kɔ̄ɔ́ rɔ̄jí tə́.

Makətūbə̄ ń Pol ndang adə̄ Rom gə̄ ní 4:11

Tɔdɔ̄ dan ń Nə́ɓā adə̄ Abəraham əja mɔtən ní, Nə́ɓā əndā tə́re dɔ Abəraham tə́ yā kɔjəń kadə̄ ká ré Abəraham əja mɔtən aĺ ɓáý gə̄gē anī, na n-rāān kadə̄ tél de kə́ gōtə́ najə̄ taā kem yān tə́. Adə̄ i tām̄ noō tə́ n Abəraham i bɔbə̄ ngé gə̄ malang ń əjan̄ mɔtədə́ alé ba taān̄ kem, adə̄ Nə́ɓā tə́dádə́ dan de kə́ gōtə́ gə̄ tə́ ō ní.

Makətūbə̄ ń Pol ndang adə̄ Rom gə̄ ní 2:29

Banī i yá̰á̰ kə́ to loo mundə̄ tə́ n rāā adə̄ deē i Jipə ní ō, i kəja mɔtə kə́ dan wur tə́ n i kəja mɔtə ní ō. Kəja mɔtə ngeé ń toō ní i yā Ndíl banī i yā ndū najə̄ alé. De kə́ beé ní i Nə́ɓā n i nge tɔ̄yn banī i deē ndul alé.

JOJUE 5:3

Anī Jojue rāā kəyā mbal̄ ba əjań mɔtədə́. Ni-əja mɔtədə́ i dɔ ngōn̄ mbal̄ ń a ɓārə́n̄ na i Ngōn̄ Mbal̄ ta mɔtə ní tə́.