JOJUE 4:7 - Bibəl ta Sar̄

⁷ ī-tél ə́daīdə́ na: Dan ń sandúkə madə̄ naā yā Kɔ́ɔ̄ɓē a mān̄ kum bā Jurdḛ tə́ ní, man̄ bā Jurdḛ ń a nūgə́ ní dəba. Bā Jurdḛ gān̄g naā tə́ jōó, adə̄ mbal̄ gə̄ ń toō rɔ̄də́ i yá̰a̰ i yá̰a̰ kəga kem dɔ yá̰á̰ kə́ rāā yá̰á̰ tə́ yā ngán Israel gə̄, kadə̄ əgań kemdə́ dɔ yá̰á̰ kə́ kɔr kum ń rāā yá̰á̰ tə́ ní ngándáńg.

Bible sar

⁷ ī-tél ə́daīdə́ na: Dan ń *sandúkə madə̄ naā yā Kɔ́ɔ̄ɓē a mān̄ kum bā Jurdḛ tə́ ní, man̄ bā Jurdḛ ń a nūgə́ ní dəba. Bā Jurdḛ gān̄g naā tə́ jōó, adə̄ mbal̄ gə̄ ń toō rɔ̄də́ i yá̰a̰ i yá̰a̰ kəga kem dɔ yá̰á̰ kə́ rāā yá̰á̰ tə́ yā ngán Israel gə̄, kadə̄ əgań kemdə́ dɔ yá̰á̰ kə́ kɔr kum ń rāā yá̰á̰ tə́ ní ngándáńg.

JOJUE 4:7 Referans Kwoze

Teē Ngán Israel gə̄ 12:14

Ā ī-rāā i nāā kə́ bo ń toō i kə dɔ ɓāl̄ gə̄ kadə̄ əgań kemsí dɔ yá̰á̰ ń a rāā yā rāā yá̰á̰ tə́ toō, yā rɔȳməń mā Kɔ́ɔ̄ɓē. I ndū najə̄ kə́ a to ngándáńg tām̄ yāsí tə́.

PĀ GƏ̄ 111:4

Ni ndigə kadə̄ de gə̄ terə̄n̄ kem naā dɔ yá̰á̰ kə́ yáā yān gə̄ tə́. Kɔ́ɔ̄ɓē i nge rāā kem majə ō, i nge ka̰a̰ kum tō ndoō ō.

Teē Ngán Israel gə̄ 28:12

A tə́ndān̄ mbal̄ gə̄ ní dɔ kəlā gə̄ ń urə̄n̄ dām̄ jōó dɔ bɔ̄gə̄ epod tə́ ní. Mbal̄ gə̄ ní rāān̄ rɔ̄də́ i yá̰a̰ gə̄ kə́ kadə̄ əgań kem Kɔ́ɔ̄ɓē dɔ ngán Israel gə̄ tə́. Adə̄ rī ngán Israel gə̄ a to dɔ bɔ̄gə̄ Aaro̰ tə́ ta kum Kɔ́ɔ̄ɓē tə́, dɔ ta kūbə̄ kə́ jōó gə̄ ń urə̄n̄ dɔ bɔ̄gə̄ epod tə́ ní.

1 KORḚNTƏ 11:24

ba dan ń ndadə̄ Nə́ɓā dɔ tə́ oy anī, tētə̄ naā tə́ ba əda na: Nge ń toō i rɔ̄ḿ ń m-ādə̄ tām̄ yāsí tə́ ní. Ī-rāāī yá̰á̰ ń toō kadə̄ əgań kemsí dɔḿ tə́.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

JOJUE 4:6

Mbal̄ gə̄ ní a rāān̄ kadə̄ əga kemsí dɔ yá̰á̰ ń rāā yá̰a̰ loo ń toō tə́ laā ní. Ré ndɔ̄ń tə́ ngáńsí gə̄ dəjen̄sí gír anī,

Teē Ngán Israel gə̄ 30:16

Ré ī-taā nar gān̄g dɔ rɔ̄ ní jī ngán Israel gə̄ tə́ oy anī, ā ī-rāań kəla kújə kənge naā yā kadə̄ əgań kemḿ dɔ ngán Israel gə̄ tə́ kadə̄ m̄-ngɔ̄məńdə́.

TƏ́DA 17:5

Nge ń noō i yā terə̄ń kem ngán Israel gə̄ na i de kə́ rang n a róō kajaja ta kum Kɔ́ɔ̄ɓē tə́ alé, ba i de gə̄ kə́ gír kaa yā Aaro̰ tə́ ta ngóy. De kə́ rang ń a róō ní, yá̰á̰ ń rāā Kore nin̄ kə de kə́ gōn tə́ gə̄ ní a rāān ō. Yá̰á̰ ń rāā Kore ní, Kɔ́ɔ̄ɓē əndā ta Moijə tə́ adə̄ ədan kété kɔ̄ɔ́.

NDŪ NAJƏ̄ 16:3

Ā ī-rāā Pákə ní i kə mápá kə́ rāā kə kaa mápá alé. Ā ə́sa i mápá kə́ rāā kanjə̄ kaa mápa ndɔ̄ sīrí, i mápa wur kɔl. Tɔdɔ̄ ī-teē kɔ̄ɔ́ kem ɓē kə́ Ejiptə tə́ i kə nāgá. Ā ə́sá mápá ní i kadə̄ əgań kemií dɔ ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní kə dɔ ndɔ̄ ndií kə kumií gə̄ malang.