JOJUE 4:6 - Bibəl ta Sar̄

⁶ Mbal̄ gə̄ ní a rāān̄ kadə̄ əga kemsí dɔ yá̰á̰ ń rāā yá̰a̰ loo ń toō tə́ laā ní. Ré ndɔ̄ń tə́ ngáńsí gə̄ dəjen̄sí gír anī,

Bible sar

⁶ Mbal̄ gə̄ ní a rāān̄ kadə̄ əga kemsí dɔ yá̰á̰ ń rāā yá̰a̰ loo ń toō tə́ laā ní. Ré ndɔ̄ń tə́ ngáńsí gə̄ dəjen̄sí gír anī,

JOJUE 4:6 Referans Kwoze

Teē Ngán Israel gə̄ 13:14

Ré ndɔ̄n tə́ ngáńsí gə̄ a dəjen̄sí na ké ā ī-rāāī yá̰á̰ ń toō i tām̄ yā rí tə́ wa anī, ī-téĺ ə́daīdə́ na ɓē kə́ Ejiptə ń sḭḭ̄ i ɓəlo gə̄ kemeé ní Kɔ́ɔ̄ɓē na teē sesí kɔ̄ɔ́ kemeé i kə ta kūl̄ tɔ́gən kə́ dum̄ ta yá̰a̰ malang.

JOJUE 4:21

Gō tə́ anī ni-əda ngán Israel gə̄ na: Ré ndɔ̄ń tə́ ngáńsí gə̄ a dəjen̄sí najə̄ kə́ dɔ mbal̄ gə̄ ń toō tə́ anī,

PĀ GƏ̄ 44:1

Pā kə́ kem makətūbə̄ yā ngār yā gōsə̄ pá gə̄ tə́. I pā yā ngán Kore gə̄.

JOJUE 22:27

Ba i yā kadə̄ rāā rɔ̄n i yá̰á̰ kə́ kum tə́ tām̄ yājí tə́ ō, tām̄ yāsí tə́ ō, tām̄ yā ngán kaají gē tə́ ō, kə́ ɔjə kadə̄ jə-rāā kəla yā Kɔ́ɔ̄ɓē kə yá̰á̰ kə́ róō horoó gə̄ ō, kə tun̄ tām̄ yā kem kógə̄ḿ tə́ gə̄ ō, kə yá̰a̰ tun̄ yājí kə́ ɓoodə́ naā tə́ kə Kɔ́ɔ̄ɓē na gətóo alé.

NDŪ NAJƏ̄ 11:19

Ā ī-ndóōī ngáńsí gə̄. Ré ā ī-ndiī ta kújə yāsí tə́, aké ā ī-njə̄rāī dɔ róbə́ tə́, aké ā ī-toī nang tə́, aké ā ḭ́ḭī dɔɔ́ anī, ā ɔ̄rī najə̄n sedə́.

IJAI 55:13

Kāgə̄ sipəres a əɓa kum gotə túpə kōn̄ ō, kāgə̄ kə́ otə majə a to kum gotə mu kə́ kōn̄də́ tōr̄ ngá̰ý gə̄ ō. Yá̰a̰ gə̄ ń noō malang a rāān̄ yá̰a̰ i yā kadə̄ Kɔ́ɔ̄ɓē əngeń kɔr ta. Nge ń noō i yá̰á̰ kə́ yā kɔjəń yá̰á̰ kə́ a to nga̰ńdáńg ō, deē a nujəń kɔ̄ɔ́ aĺ bátə́ ō.

IJAI 38:19

I ngé gə̄ ń nin̄ ndin̄ kə kumdə́ ní ngóy n asən̄ kɔsə gɔnií ní, tītə̄ ń mā m-ɔ́səń gɔnií ɓōólaā ní. Ngé kojə ngán gə̄ a ɔjən̄ ngáńdə́ gə̄ kənda kə́ ī-ra dɔ ndūí tə́ kadə̄ gerə̄n̄.

PĀ GƏ̄ 71:18

Ngɔlaā ń dɔḿ ndaa toō ní, Nə́ɓā, ī-lōō kəya̰m̄ kɔ̄ɔ́. Loo ń noō tə́ m-ā m-ásə kɔjə balsáa gə̄ ō, ngé gə̄ ń a utə̄n̄ gōdə́ ní ō, kəla rāāí gə̄ ō tɔ́gí ō.

KƏLA RĀĀ 2:39

Tɔdɔ̄ Nə́ɓā ənī míndən i tām̄ yāsí tə́ ō, i tām̄ yā ngáńsí gə̄ tə́ ō, de gə̄ ń ndin̄ sa̰y ngá̰ý tə́ ní ō, de kə́ ngá̰ý gə̄ ń Kɔ́ɔ̄ɓē Nə́ɓā yājí a ɓāŕdə́ ní tə́ ō.

EJEKIEL 20:20

Ɔ̄rī ndɔ̄ sabat tām̄ yāḿ tə́. Nge ń noō i yá̰á̰ kə́ to dɔ dáńjí tə́, sḭḭ̄ ō mā ō. I beé tá a əga kemsí dɔ tə́ kadə̄ Kɔ́ɔ̄ɓē Nə́ɓā yāsí i mā.

EJEKIEL 20:12

M-ādə̄də́ ndɔ̄ sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

Teē Ngán Israel gə̄ 31:13

kə ɔr̄ najə̄ kə ngán Israel gēé tītə̄ ń toó beé: Ā ī-ɓōlíī ndɔ̄ sabat yāḿ gə̄, tɔdɔ̄ i yá̰á̰ kə́ to mbo̰ō̰ḿ mā tə́ sesí kə dɔ ɓāl̄ gə̄, yā kadə̄ de gə̄ gerə̄n̄neé kadə̄ i mā Kɔ́ɔ̄ɓē n m-ɔ̄r̄ kam̄sí tayā ní.

Teē Ngán Israel gə̄ 13:9

Nāā ngeé ń noō ń ā ī-rāāī ní rāā rɔ̄n i yá̰á̰ kə́ yā kadə̄ əgań kemsí dɔ najə̄ tə́, rāā rɔ̄n i tə́ré yá̰á̰ kə́ ə̄ndāī jīsí tə́, aláa nɔtə nosí tə́. A ter̄ kemsí dɔ ndū najə̄ yā Kɔ́ɔ̄ɓē kə́ i gáŕ kadə̄ ɔ́jiī tə́, tɔdɔ̄ i ni n teē sesí kem ɓē kə́ Ejiptə tə́ kɔ̄ɔ́ kə ta kūl̄ tɔ́gən kə́ dum̄ ta yá̰a̰ malang ní.

Teē Ngán Israel gə̄ 12:14

Ā ī-rāā i nāā kə́ bo ń toō i kə dɔ ɓāl̄ gə̄ kadə̄ əgań kemsí dɔ yá̰á̰ ń a rāā yā rāā yá̰á̰ tə́ toō, yā rɔȳməń mā Kɔ́ɔ̄ɓē. I ndū najə̄ kə́ a to ngándáńg tām̄ yāsí tə́.

JOJUE 4:5

ba ədadə́ na: Ī-mānī no sandúkə yā Kɔ́ɔ̄ɓē Nə́ɓā yāsí tə́, āwī kum bā Jurdḛ tə́ āw̄ ɔ́yiī mbal̄ gə̄ kutə gidə i jōó. Ɔ́yiī kógə̄ḿ kógə̄ḿ ə̄tōī dɔ bɔ̄gə̄sí gə̄ tə́, kadə̄ mbal̄ kógə̄ḿ i tām̄ yā ɓē kógə̄ḿ yā ngán Israel gə̄ tə́.