JOJUE 4:23 - Bibəl ta Sar̄

²³ Tɔdɔ̄ Kɔ́ɔ̄ɓē Nə́ɓā yāsí rāā adə̄ bā Jurdḛ iī kɔ̄ɔ́ adə̄ ī-mānīiń, tītə̄ ń ni rāań adə̄ bā tə̄ɓā gə̄ iīń kɔ̄ɔ́ tām̄ yājí tə́ adə̄ jə-mānəń ní.

Bible sar

²³ Tɔdɔ̄ Kɔ́ɔ̄ɓē Nə́ɓā yāsí rāā adə̄ bā Jurdḛ iī kɔ̄ɔ́ adə̄ ī-mānīiń, tītə̄ ń ni rāań adə̄ bā tə̄ɓā gə̄ iīń kɔ̄ɔ́ tām̄ yājí tə́ adə̄ jə-mānəń ní.

JOJUE 4:23 Referans Kwoze

Teē Ngán Israel gə̄ 14:21

Moijə əla jīn kə̄ dɔ bā bo tə́. Anī Kɔ́ɔ̄ɓē teē dan man̄ kə̄ gogə́ kə néĺ kə́ dūn̄ ɓē tə́ kə́ əla kə ngangá ngá̰ý ndɔ̄ɔ́ bátə́ loo tīī, adə̄ man̄ kēgə̄ naā tə́ jōó, adə̄ loo kə́ danaá tutə.

IJAI 43:16

Kété ní, Kɔ́ɔ̄ɓē njar róbə́ kógə̄ḿ kum bā bo tə́, njar róbə́ kógə̄ḿ kum man̄ kə́ tɔ́gən i ngá̰ý tə́.

PĀ GƏ̄ 78:13

Ni-gān̄g bā bo naā tə́ kadə̄ nin̄ mānə̄n̄neé, rāā adə̄ man̄ ḭḭ ra dɔɔ́ ɓururu tītə̄ ndogə̄ mbal̄ beé.

NEHEMI 9:11

Ī-gān̄g bā bo no ngán Israel gə̄ tə́ adə̄ mānə̄n̄ danaá loo kə́ tutə tə́. Ī-mbə́rē ngé ngɔ̄də̄ gōdə́ gə̄ ī-tə́nādə́ dan ɓūl̄ bā tə́. Nin̄ jə̄ngā aw̄ ndin̄ gír maná tītə̄ mbal̄ beé.

1 MBAN̄G GƏ̄ 8:43

ḭ̄ Kɔ́ɔ̄ɓē ń ī-ndi dɔ rā̰ tə́ ní ōō najə̄ yā kɔ́ɔ̄. Ī-rāā yá̰a̰ malang ń dəjeī ní ādə̄ gír de kə́ dɔ nang tə́ gə̄ malang ger̄ə̄n̄neé rīí ba ɓōlíīn̄neé tītə̄ ń Israel deē yāí gə̄ a ɓōlíīn̄neé ní ō, kadə̄ gerə̄n̄neé kadə̄ rīí ɓār̄ dɔ kújə́ ń toō ń m̄-rāā tə́ ní ō.

Teē Ngán Israel gə̄ 15:19

Dan ń sə́nda gə̄ kə púsə rɔ̄ɔ̄ gə̄ kə ngé kal̄ sə́nda yā Parao̰ gə̄ udən̄ kem kār̄ bā bo tə́ ní, Kɔ́ɔ̄ɓē rāā adə̄ man̄ tél reē ɔr tan dɔdə́ tə́. Banī ngán Israel gə̄ tá gāngə̄n̄ bā bo kanjə̄ kadə̄ man̄ ɔdə njadə́.