JOJUE 4:11 - Bibəl ta Sar̄

¹¹ Dan ń de gə̄ teēn̄ bā Jurdḛ kə̄ gidə kə́rēý tə́ malang oy anī, ngé tun̄ yá̰a̰ gə̄ mān̄ aw̄ ran̄ kété nodə́ tə́ kə sandúkə madə̄ naā yā Kɔ́ɔ̄ɓē.

Bible sar

¹¹ Dan ń de gə̄ teēn̄ bā Jurdḛ kə̄ gidə kə́rēý tə́ malang oy anī, *ngé tun̄ yá̰a̰ gə̄ mān̄ aw̄ ran̄ kété nodə́ tə́ kə *sandúkə madə̄ naā yā Kɔ́ɔ̄ɓē.

JOJUE 4:11 Referans Kwoze

JOJUE 3:8

Ba ə́dá ngé tun̄ yá̰a̰ gə̄ ń a ətōn̄ sandúkə madə̄ naā ní kadə̄ udən̄ kum man̄ Jurdḛ tə́ anī, dəba ran̄ gotə kógə̄ḿ.

JOJUE 4:18

Dan ń ngé tun̄ yá̰a̰ gə̄ ń ətōn̄ sandúkə madə̄ naā ní teēn̄ kɔ̄ɔ́ kum bā Jurdḛ tə́ ba əndān̄ njadə́ kə̄ ndágá anī, man̄ bā Jurdḛ tél nūgə́ gogə́ adə̄ taā loo tītə̄ kə́ kété.

JOJUE 3:17

Ngé tun̄ yá̰a̰ gə̄ ń ətōn̄ sandúkə madə̄ naā yā Kɔ́ɔ̄ɓē ní, dəba ran̄ gotə kógə̄ḿ dan bāá loo kə́ tutə tə́, bátə́ adə̄ ngán Israel gə̄ mānə̄nəń malang kə̄ gidə kə́rēý tə́ kanjə̄ kadə̄ man̄ ɔdə njadə́.

JOJUE 4:10

Ngé tun̄ yá̰a̰ gə̄ n ətōn̄ sandúkə madə̄ naā ní dəba ran̄ kum bā Jurdḛ tə́ bátə́ adə̄ de gə̄ rāān̄neé yá̰a̰ malang ń Kɔ́ɔ̄ɓē mēr̄ Jojue kədadə́ ní. I beé n Jojue rāań yá̰a̰ malang kə gō ń Moijə ɔjəń ní. Ba de gə̄ gāngə̄n̄ bā i láẃ, ɔrən̄ bā̰ā̰ loon tə́ alé.

JOJUE 4:12

De gə̄ kə́ gír ɓē yā Ruben tə́ ō, yā Gad tə́ ō, núsə de gə̄ kə́ gír ɓē yā Manase tə́ ō, ɔyn̄ yá̰a̰ rɔ̄ɔ̄ yādə́ gə̄ ba mānə̄n̄ kété no ngán Israel gə̄ tə́ tītə̄ ń Moijə ədańdə́ ní.

JOJUE 24:11

Ī-teēī bā Jurdḛ ba ī-reē ūgī Jeriko. De kə́ Jeriko gə̄ rɔ̄ɔ̄n̄sí ō, Amor gə̄, kə Periji gə̄, kə Kanaan gə̄, kə Het gə̄ kə Girgas gə̄, kə Hibi gə̄ kə Yebus gə̄ rɔ̄ɔ̄n̄sí ō. Banī m-ə́ládə́ kem jīsí tə́ malang.

IJAI 52:12

Ń toō ɓáa ā āwī i kə ngɔ̄dɔ̄ɔ́ to̰ alé. Ā ī-teēī kɔ̄ɔ́ kem ɓēé i tītə̄ ngé ka̰ȳ naā gə̄ to̰ alé. Tām̄ i Kɔ́ɔ̄ɓē n i nge njə̄rā kété nosí tə́ ní, i Nə́ɓā yā Israel n i nge njə̄rā gōsí tə́ ní.