JOJUE 3:3 - Bibəl ta Sar̄

³ ba ədan̄də́ na: Ré á̰a̰ī ngán Lebi kə́ ngé tun̄ yá̰a̰ gə̄ a ətōn̄ sandúkə madə̄ naā yā Kɔ́ɔ̄ɓē Nə́ɓā yāsí a aw̄n̄neé anī, ḭ́ḭḭ̄ kɔ̄ɔ́ loo ń ī-ndiī tū tə́ tə́ ní ba úniī gōdə́.

Bible sar

³ ba ədan̄də́ na: Ré á̰a̰ī ngán Lebi kə́ *ngé tun̄ yá̰a̰ gə̄ a ətōn̄ *sandúkə madə̄ naā yā Kɔ́ɔ̄ɓē Nə́ɓā yāsí a aw̄n̄neé anī, ḭ́ḭḭ̄ kɔ̄ɔ́ loo ń ī-ndiī tū tə́ tə́ ní ba úniī gōdə́.

JOJUE 3:3 Referans Kwoze

NDŪ NAJƏ̄ 31:9

Moijə ndang ndū najə̄ yā Nə́ɓā ní, ba adə̄ ngán Lebi kə́ ngé tun̄ yá̰a̰ gə̄ ń i ngé kətō sandúkə madə̄ naā yā Kɔ́ɔ̄ɓē gə̄ ní ō, kum kɔɔ̄ gə̄ malang yā ngán Israel gə̄ ō.

2 SAMUEL 6:13

Dan ń ngé kətō sandúkə yā Kɔ́ɔ̄ɓē gə̄ njə̄rān̄ ta njadə́ mehḛ́ anī Dabid tun̄ man̄g kə́ bəra kógə̄ḿ ō, ngōn̄ man̄g kə́ yḛmbə kógə̄ḿ ō adə̄ Nə́ɓā.

JOJUE 3:8

Ba ə́dá ngé tun̄ yá̰a̰ gə̄ ń a ətōn̄ sandúkə madə̄ naā ní kadə̄ udən̄ kum man̄ Jurdḛ tə́ anī, dəba ran̄ gotə kógə̄ḿ.

NDŪ NAJƏ̄ 31:25

əda ngán Lebi gə̄ kə́ ngé kətō sandúkə madə̄ naā yā Kɔ́ɔ̄ɓē na:

TƏ́DA 10:33

Ngán Israel gə̄ ḭḭn̄ mbal̄ yā Kɔ́ɔ̄ɓē tə́, njə̄rān̄ ndɔ̄də́ mətá. Sandúkə madə̄ naā yā Kɔ́ɔ̄ɓē i kété nodə́ tə́ yā sāā loo kɔr̄ koō tām̄ yādə́ tə́.

JEJU TEĒ KUM JA̰A̰ 14:4

Nin̄ i ngé gə̄ ń yḛrən̄ rɔ̄də́ kə dəyá̰ gēé aĺ ní, tɔdɔ̄ nin̄-unjə̄n̄ njáý njáý. Nin̄-unən̄ gō Ngōn̄ batə̄ loo malang ń ni-aw̄ tū tə́ ní tə́. I nin̄ n gāngə̄n̄ dɔdə́ dan de gə̄ tə́ tām̄ yā Nə́ɓā tə́ ō, Ngōn̄ batə̄ tə́ ō ní.

MATIYE 16:24

Gō tə́ anī Jeju əda ngé ndóō yá̰a̰ yān gə̄ na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ gír̄ dɔ rɔ̄n tə́ to̰ alé, ādə̄ kɔ́ɔ̄ əla dɔn gír kāgə̄ kə́ dēsə́ yān tə́ ba un gōḿ.

MATIYE 8:19

Nge ndóō de gə̄ ndū najə̄ kógə̄ḿ reē rɔ̄n tə́ ba ədan na: Ngoləḿ, loo malang ń ā āw̄ tū tə́ ní m-ā m-ún gōí.

2 SAMUEL 6:3

Unən̄ sandúkə ní kem kújə yā Abinadab ń ra i dɔ loo kə́ kḭḭ kə̄ dɔɔ́ tə́ ní, ba əndān̄ kem púsə́ kə́ kijə tə́ aw̄n̄neé. I Uja nin̄ kə Ahio n i ngé kəhɔ ta man̄g gə̄ ní. Nin̄ i ngán Abinadab gə̄.

JOJUE 6:6

Jojue ngōn̄ Nun ɓāŕ ngé tun̄ yá̰a̰ gə̄ ba ədadə́ na: Úniī sandúkə madə̄ naā yā Kɔ́ɔ̄ɓē əndāī dɔ bɔ̄gə̄sí tə́, ba ādī de gə̄ sīrí dansí tə́ njə̄rān̄ kété no tə́ kə tōw̄ gajə batə̄ gēé.

JOJUE 4:10

Ngé tun̄ yá̰a̰ gə̄ n ətōn̄ sandúkə madə̄ naā ní dəba ran̄ kum bā Jurdḛ tə́ bátə́ adə̄ de gə̄ rāān̄neé yá̰a̰ malang ń Kɔ́ɔ̄ɓē mēr̄ Jojue kədadə́ ní. I beé n Jojue rāań yá̰a̰ malang kə gō ń Moijə ɔjəń ní. Ba de gə̄ gāngə̄n̄ bā i láẃ, ɔrən̄ bā̰ā̰ loon tə́ alé.

JOJUE 3:6

Teē kə ndɔ̄ kə́ noō anī, ni-əda ngé tun̄ yá̰a̰ gə̄ kadə̄ unən̄ sandúkə madə̄ naā ba kə mānə̄n̄ kété no de gə̄ tə́. Anī nin̄ rāān̄ tītə̄ ń Jojue ədańdə́ ní, adə̄ unən̄ sandúkə madə̄ naā ba mānə̄n̄ kété no de gə̄ tə́.

TƏ́DA 4:15

Dan ń ngán Israel gə̄ a ndɔ́tə̄n̄ ɓē anī, Aaro̰ nin̄ kə ngánən gēé a tɔ̄lə̄n̄ ta ɓír̄ gidə yá̰á̰ kə́ táĺ gə̄ ō, yá̰a̰ rāā kəla gə̄ kə́ kem loo kə́ táĺ tə́ ō, pá tá ngán Kehat gə̄ a reēn̄ yā kɔy kətō ɓáý. Ngán Kehat gə̄ a ɔdən̄ rɔ̄ɔ̄ yá̰á̰ kə́ táĺ gə̄ alé na sōgə́ oyn̄. Kəla kətō yá̰á̰ kə́ kem kújə kənge naā tə́ ń əndān̄ dɔ ngán Kehat gə̄ tə́ kadə̄ rāān̄ ni n noó.

JOJUE 3:4

I beé n ā ī-gerīiń róbə́ kə́ yā kun ní, tɔdɔ̄ sḭḭ̄ úniī róbə́ ń toō kété aĺ ɓáý, ɓá tā ba ādī dɔ dáńsí to asə kilometər kógə̄ḿ kə sandúkə madə̄ naā ní, ba ī-lōōī njə̄rā gō tə́ ngɔr.

1 SAMUEL 6:15

Ngán Lebi gə̄ unən̄ sandúkə yā Kɔ́ɔ̄ɓē kem púsú əndān̄ dɔ kūbə̄rū mbal̄ kə́ bo ní tə́ ō, unən̄ sandúkə́ kə́ dūú ń yá̰á̰ kə́ rāā kə lɔ́rɔ́ gə̄ i kemeé ní əndān̄ dɔ kūbə̄rū mbal̄ kə́ bo ní tə́ ō. Ndɔ̄ nəkɔ́ ń noō tə́ de kə́ kem ɓē kə́ Bet Semes tə́ gə̄ tɔ̄lə̄n̄ dā̰ gə̄ ba róōn̄də́ horoó kə taá malang adə̄n̄ Kɔ́ɔ̄ɓē ō, tɔ̄lə̄n̄ dā̰ ba tun̄ adə̄n̄ Kɔ́ɔ̄ɓē tām̄ yā kem kógə̄ḿ tə́ ō.

1 MBAN̄G GƏ̄ 8:3

Dan ń kum kɔɔ̄ gə̄ yā ngán Israel gə̄ reē ugə̄n̄ malang anī ngé tun̄ yá̰a̰ gə̄ unən̄ sandúkə yā Kɔ́ɔ̄ɓē.

JEREMI 33:18

Ngé tun̄ yá̰a̰ gə̄ kə́ gír yā Lebi tə́ a nalə̄n̄ de gə̄ kə́ kadə̄ a ndin̄ ta kumḿ tə́ gotədə́ tə́ yā ndējəń yá̰a̰ tun̄ kə́ yā róō horoó ō, yā róoń yá̰á̰ kə́ ndējə̄ gə̄ ō, yā kadə̄ń yá̰a̰ tun̄ gə̄ kə dɔ ndɔ̄ gə̄ malang ō alé.