JOJUE 3:17 - Bibəl ta Sar̄

¹⁷ Ngé tun̄ yá̰a̰ gə̄ ń ətōn̄ sandúkə madə̄ naā yā Kɔ́ɔ̄ɓē ní, dəba ran̄ gotə kógə̄ḿ dan bāá loo kə́ tutə tə́, bátə́ adə̄ ngán Israel gə̄ mānə̄nəń malang kə̄ gidə kə́rēý tə́ kanjə̄ kadə̄ man̄ ɔdə njadə́.

Bible sar

¹⁷ Ngé tun̄ yá̰a̰ gə̄ ń ətōn̄ *sandúkə madə̄ naā yā Kɔ́ɔ̄ɓē ní, dəba ran̄ gotə kógə̄ḿ dan bāá loo kə́ tutə tə́, bátə́ adə̄ ngán *Israel gə̄ mānə̄nəń malang kə̄ gidə kə́rēý tə́ kanjə̄ kadə̄ man̄ ɔdə njadə́.

JOJUE 3:17 Referans Kwoze

Teē Ngán Israel gə̄ 14:29

Banī ngán Israel gə̄ teēn̄ bā bo kə̄ gidə kə́rēý tə́ kanjə̄ kadə̄ man̄ ɔdə njadə́. Tɔdɔ̄ man̄ ḭḭ ra tītə̄ ndogə̄ mbal̄ beé dɔ jīdə́ kə́ ko̰ó̰ tə́ ō, kə́ geleé tə́ ō.

Teē Ngán Israel gə̄ 14:22

Adə̄ ngán Israel gə̄ mānə̄n̄ dan bā bo tə́ kanjə̄ kadə̄ man̄ ɔdə njadə́. Man̄ ḭḭ ra dɔ jīdə́ jōó tītə̄ ndogə̄ mbal̄ beé.

PĀ GƏ̄ 66:6

Ni-rāā bā bo adə̄ tél loo kə́ aȳ sáẃ sáẃ, rāā adə̄ de gə̄ gāngə̄n̄ bā kanjə̄ kadə̄ man̄ ɔdə njadə́. Ādə̄ jə-rāāī rɔ̄nel̄ yá̰á̰ kə́ bo ngá̰ý ń noō.

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

2 MBAN̄G 2:8

Eli ɔr̄ kūbə̄ kə́ rɔ̄n tə́ kə́ dɔ madə̄ tə́ ɓir̄ ba əndań man̄ bā adə̄ kēgə̄ naā tə́ jōó. Nin̄ mānə̄n̄ jōó mbak kanjə̄ kadə̄ man̄ ɔdə njadə́.

JOJUE 4:3

ba ə́daīdə́ kadə̄ ɔyn̄ mbal̄ gə̄ kutə gidə i jōó loo ń ngé tun̄ yá̰a̰ gə̄ dəba ran̄ tū tə́ kum bā Jurdḛ tə́ ní, nin̄ a ɔyn̄ mbal̄ gə̄ ní yā kaw̄ tə́ndā loo ń ā ī-ɓīī tū tə́ ní tə́.

HEBƏRO 11:29

I kə ta kūl̄ taā kem n ngán Israel gə̄ gāngə̄n̄ bā ń a ɓār̄nən̄ kə́ kərē tītə̄ dɔ nang kə́ man̄ gətóo tū tə́ ní. Ba dan ń de kə́ Ejiptə gə̄ nāān̄ rāā tītə̄ yādə́ anī man̄ ɔr tan dɔdə́ tə́.

Teē Ngán Israel gə̄ 14:21

Moijə əla jīn kə̄ dɔ bā bo tə́. Anī Kɔ́ɔ̄ɓē teē dan man̄ kə̄ gogə́ kə néĺ kə́ dūn̄ ɓē tə́ kə́ əla kə ngangá ngá̰ý ndɔ̄ɔ́ bátə́ loo tīī, adə̄ man̄ kēgə̄ naā tə́ jōó, adə̄ loo kə́ danaá tutə.

JOJUE 4:1

Dan ń ngán Israel gə̄ malang teēn̄ bā Jurdḛ oy anī, Kɔ́ɔ̄ɓē əda Jojue na:

JOJUE 4:22

ɔ́jiīdə́ kadə̄ ngáń Israel gə̄ teēn̄ bā Jurdḛ kə njadə́ loo kə́ tutə tə́.

JOJUE 4:10

Ngé tun̄ yá̰a̰ gə̄ n ətōn̄ sandúkə madə̄ naā ní dəba ran̄ kum bā Jurdḛ tə́ bátə́ adə̄ de gə̄ rāān̄neé yá̰a̰ malang ń Kɔ́ɔ̄ɓē mēr̄ Jojue kədadə́ ní. I beé n Jojue rāań yá̰a̰ malang kə gō ń Moijə ɔjəń ní. Ba de gə̄ gāngə̄n̄ bā i láẃ, ɔrən̄ bā̰ā̰ loon tə́ alé.

JOJUE 4:11

Dan ń de gə̄ teēn̄ bā Jurdḛ kə̄ gidə kə́rēý tə́ malang oy anī, ngé tun̄ yá̰a̰ gə̄ mān̄ aw̄ ran̄ kété nodə́ tə́ kə sandúkə madə̄ naā yā Kɔ́ɔ̄ɓē.

JOJUE 5:1

Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.