JOJUE 3:16 - Bibəl ta Sar̄

¹⁶ bā lōō gír nūgə́ tə́ ba dəba tītə̄ kə́ deē gān̄g gírən i kə babəraá. Man̄ dəba i sa̰y, ɓē ń rīn na i Dam ní tə́, kadə Sartan tə́, ba dāmə̄n ń a nūgə́ kum kə̄ bā katə̄ kə́ Araba tə́ ní gətóo kɔ̄ɔ́ malang, loo ń noō tə́ gír de gə̄ teēn̄ bā Jurdḛ kə̄ gidə kə́rēý tə́, teēn̄ i loo ń ra sɔɔ̄n̄ ta naā kə ɓē kə́ Jeriko ní tə́.

Bible sar

¹⁶ bā lōō gír nūgə́ tə́ ba dəba tītə̄ kə́ deē gān̄g gírən i kə babəraá. Man̄ dəba i sa̰y, ɓē ń rīn na i Dam ní tə́, kadə Sartan tə́, ba dāmə̄n ń a nūgə́ kum kə̄ bā katə̄ kə́ Araba tə́ ní gətóo kɔ̄ɔ́ malang, loo ń noō tə́ gír de gə̄ teēn̄ bā Jurdḛ kə̄ gidə kə́rēý tə́, teēn̄ i loo ń ra sɔɔ̄n̄ ta naā kə ɓē kə́ Jeriko ní tə́.

JOJUE 3:16 Referans Kwoze

JOJUE 3:13

Loo ń ré ngé tun̄ yá̰a̰ gə̄ ń a ətōn̄ sandúkə madə̄ naā yā Kɔ́ɔ̄ɓē ń i kɔ́ɔ̄ dɔ nang malang ní a əndān̄ njadə́ kum bā Jurdḛ tə́ anī, bā Jurdḛ a gān̄g danaá jōó: Man̄ ń a ḭḭ dām̄ loo kə́ kḭḭ kə̄ dɔɔ́ tə́ á nūgə́ kum kə̄ dām̄ loo kə́ risə kə̄ nang tə́ tə́ ní, a tél yā kán̄ naā loo kógə̄ḿ tītə̄ kə́ deē gān̄g gírən i kə babəraá beé.

1 MBAN̄G GƏ̄ 7:46

Mban̄g adə̄ nōn̄ yá̰a̰ gə̄ ń noō malang i kem wól loo kə́ Jurdḛ tə́, dɔ dán ɓē kə́ Sukot kə Sartan tə́, nang kə́ to bɔr tə́.

1 MBAN̄G GƏ̄ 4:12

Baana ngōn̄ Ahilud i nge ko̰o̰ ɓē kə́ gō nang kə́ Tanak tə́ ō, Megido tə́ ō, kə́ Bet Sean kə́ taá malang ń i kadə ɓē kə́ Sartan tə́ gír Jisreel tə́ nang tə́ ní ō. Gō nang ní aw̄ ugə̄ Abel Mehola, ba ra noó un Yokəmeam no kem.

TA KƏLA 14:3

Mban̄g gə̄ ngeé ń toō əngen̄ naā i wól loo kə́ Sidim tə́ ń bā katə̄ i tū tə́ ngɔlaā ní.

PĀ GƏ̄ 114:3

Bā bo a̰a̰də́ anī a̰ȳ kɔ̄ɔ́ ō, bā Jurdḛ a̰a̰də́ anī tél kə gōneé ō,

NDŪ NAJƏ̄ 1:1

Najə̄ ń Moijə ɔr̄ kə ngán Israel gə̄ malang gidə bā Jurdḛ tə́, kem dəla loo kə́ Araba tə́, loo ń ra sɔɔ̄n̄ ta naā kə ɓē kə́ Supə, dɔ dán Paran nin̄ kə Topel ō, Laban ō Haserot ō, Dijahab ō, tə́ ní n toó.

TƏ́DA 34:3

Loo kə́ mángá kə́ Təsin ō, dɔ nang kə́ Edom ō n i dɔ nin̄ dɔ nang yāsí kə́ dām̄ mbɔ́r ɓē kə́ geleé tə́ ní. Dɔ nin̄ dɔ nang yāsí kə́ dām̄ kə́ gír ɓē tə́ a əla gír i ta ngóy bā katə̄ tə́, a əla gír i ta ngóyn kə́ dām̄ mbɔ́r ɓē kə́ geleé tə́.

PĀ GƏ̄ 77:19

Dan ń man̄ yāí ndang á kōōn ɓār̄ ní anī, man̄ gə̄ ń telə̄n̄ ní, rāān̄ adə̄ loo unjə̄ dɔ nang tə́. Dɔ nang ndebə ō, ndām̄ ngin ngin ō.

PĀ GƏ̄ 74:15

I ḭ̄ n ī-rāā ta róbə ādə̄ man̄ gə̄ əɓan̄neé ō, ādə̄ ngán man̄ gə̄ nūgə́n̄neé ō ní. I ḭ̄ n ī-rāā ādə̄ man̄ bā kə́ dum̄ kiī gə̄ iīn̄ kɔ̄ɔ́, adə̄ loo tél tutə káḿ káḿ kem kār̄də́ gə̄ tə́ ní.

PĀ GƏ̄ 66:6

Ni-rāā bā bo adə̄ tél loo kə́ aȳ sáẃ sáẃ, rāā adə̄ de gə̄ gāngə̄n̄ bā kanjə̄ kadə̄ man̄ ɔdə njadə́. Ādə̄ jə-rāāī rɔ̄nel̄ yá̰á̰ kə́ bo ngá̰ý ń noō.

PĀ GƏ̄ 29:10

Kɔ́ɔ̄ɓē ndi dɔ man̄ kə́ taā loo tə́, ni-ndi mban̄g ngándáńg.

JOJUE 15:2

Dɔ ninə̄n kə́ dām̄ mbɔ́r ɓē kə́ geleé tə́ gír i ta ngóy bā katə̄ tə́, əla gír i loo ń bā katə̄ əla so̰ō̰ tū tə́ á ra sɔɔ̄n̄ ta naā kə dɔ nang kə́ Negeb ní tə́, dɔ ninə̄n ní əta tan Akrabim aw̄ kum kə̄ dām̄ mbɔ́r ɓē kə́ geleé tə́ aw̄ teē Təsin gō tə́ anī əya̰ Kades Barnea kə̄ dām̄ mbɔ́r ɓē kə́ ko̰ó̰ tə́ ba teē dām̄ mbɔ́r ɓē kə́ geleé tə́ gān̄g Hesəron, ra tū tə́ noō aw̄ Adar ń i loo kə́ kḭḭ kə̄ dɔɔ́ tə́ ní, ba tūr̄ rɔ̄n Karka aw̄ Asmon, ḭḭ Asmon aw̄ bátə́ ugə̄ man̄ ń a ɓārə́n̄ na i man̄ kə́ Ejiptə tə́ ní, ḭḭ noó aw̄ bátə́ ugə̄ bā bo tə́. Loo ń dɔ nin̄ dɔ nang yādə́ kə́ dām̄ mbɔ́r ɓē kə́ geleé tə́ teē tū tə́ ní n noó.

NDŪ NAJƏ̄ 3:17

Dɔ nin̄ dɔ nang ní kə́ dām̄ kə́ no ɓē tə́ un i gō wól man̄ Jurdḛ, dɔ dán bā bo Kineret tə́ kə bā katə̄ kə́ Araba tə́ bátə́ ugə̄ń nja mbal̄ Pisga ń ra dām̄ kə́ gír ɓē tə́ ní.

Teē Ngán Israel gə̄ 14:21

Moijə əla jīn kə̄ dɔ bā bo tə́. Anī Kɔ́ɔ̄ɓē teē dan man̄ kə̄ gogə́ kə néĺ kə́ dūn̄ ɓē tə́ kə́ əla kə ngangá ngá̰ý ndɔ̄ɔ́ bátə́ loo tīī, adə̄ man̄ kēgə̄ naā tə́ jōó, adə̄ loo kə́ danaá tutə.

PĀ GƏ̄ 33:7

Ni kán̄ man̄ bā bo loo kógə̄ḿ gidə babəra kógə̄ḿ tə́. Ni kán̄ man̄ bā bo kem kārə̄n tə́.

PĀ GƏ̄ 114:5

Bā bo, ā̰ȳ i tām̄ rí tə́? Bā Jurdḛ, ī-tél kə gōí i tām̄ rí tə́?

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

EJEKIEL 47:8

Ni ədam̄ na: Man̄ ń noō a aw̄ i kum kə̄ dām̄ ɓē kə́ gír ɓē tə́, ni a mān̄ kem wól bā Jurdḛ tə́ ō, a ugə̄ kum bā bo tə́ ō. Dan ń ni teē kum bā bo tə́ anī, ni-rāā adə̄ man̄ nel̄ ō, kumən majə ō.

NAHUM 1:4

Ni ndán̄g bā bo, anī bā bo iī. Ni-rāā adə̄ ngán man̄ gə̄ malang gətóon̄ kɔ̄ɔ́ kem kār̄də́ gə̄ tə́. Anī loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ dɔ nang kə́ Basan tə́ ō, mbal̄ bo kə́ Karmel ō ní, yá̰a̰ malang kə́ ndi kə kumneé gətóo tū tə́ kɔ̄ɔ́ ō, hútə̄ yá̰a̰ gə̄ kə́ Liban ndəlén̄ kɔ̄ɔ́ ō.

HABAKUK 3:8

Kɔ́ɔ̄ɓē, ī-rāā wōn̄g i kə ngán man̄ gēé a? A̰á̰ā̰, i kə ngán man̄ gēé a? Wōn̄g ń rāāī ngá̰ý ní i kə bā boó a? Ḭ̄ āl̄ ī-ndi dɔ kil̄ man̄ gə̄ tə́ tītə̄ kə́ ī-ndi i dɔ púsə tetə rɔ̄ɔ̄ tə́ beē, tītə̄ kə́ āl̄ ī-ndi dɔ púsə tetə rɔ̄ɔ̄ tə́ beē.

Teē Ngán Israel gə̄ 14:22

Adə̄ ngán Israel gə̄ mānə̄n̄ dan bā bo tə́ kanjə̄ kadə̄ man̄ ɔdə njadə́. Man̄ ḭḭ ra dɔ jīdə́ jōó tītə̄ ndogə̄ mbal̄ beé.

Teē Ngán Israel gə̄ 14:29

Banī ngán Israel gə̄ teēn̄ bā bo kə̄ gidə kə́rēý tə́ kanjə̄ kadə̄ man̄ ɔdə njadə́. Tɔdɔ̄ man̄ ḭḭ ra tītə̄ ndogə̄ mbal̄ beé dɔ jīdə́ kə́ ko̰ó̰ tə́ ō, kə́ geleé tə́ ō.

Teē Ngán Israel gə̄ 15:8

Koō kə́ teē kóní tə́ rāā adə̄ man̄ udə dūbə̄n dɔ naā tə́, rāā adə̄ bəngál man̄ gə̄ ḭḭ ran̄ kə njadə́ dɔɔ́ tītə̄ ndogə̄ mbal̄ beé, rāā adə̄ katə man̄ bā bo kə́ ɓūlūú ń a nūgə́ ní dəba ra gotə kógə̄ḿ.

JOJUE 4:22

ɔ́jiīdə́ kadə̄ ngáń Israel gə̄ teēn̄ bā Jurdḛ kə njadə́ loo kə́ tutə tə́.

JOJUE 5:1

Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

JOJUE 12:3

gō nang kə́ Araba tə́ bátə́ teēn̄ bā bo ké Kinerot tə́ dām̄ ké gír ɓē tə́ ō, bátə́ bā katə̄ tə́ dām̄ kə́ gír ɓē tə́ kadə ɓē kə́ Bet Yesimot tə́ ō, nja mbal̄ Pisga tə́ dām̄ mbɔ́r ɓē kə́ geleé tə́ ō.

JOJUE 16:7

Gō tə́ anī ḭḭ ba risə aw̄ Atarot ō, Naara ō, Jeriko ō. Aw̄ bátə́ ugə̄ bā Jurdḛ tə́

NGÉ SARYA 7:22

Dan ń de kə́ ɓú mətá gə̄ a kɔ̄rə́n̄ tōw̄ ní, Kɔ́ɔ̄ɓē rāā adə̄ de gə̄ malang kə́ kem gérgereé tél tūrə̄n̄ ta kaskar kə̄ dɔ naā tə́ tɔ̄l̄nəń naā, ba gotə de gə̄ ń na̰yn̄ ní a̰ȳn̄ naā bátə́ ugə̄n̄ ɓē kə́ Bet Sita tə́ kum kə̄ Sereda ō, bátə́ ugə̄n̄ ɓē kə́ Abel Mehola tə́ kadə ɓē kə́ Tabat tə́ ō.

PĀ GƏ̄ 78:13

Ni-gān̄g bā bo naā tə́ kadə̄ nin̄ mānə̄n̄neé, rāā adə̄ man̄ ḭḭ ra dɔɔ́ ɓururu tītə̄ ndogə̄ mbal̄ beé.