JOJUE 3:15 - Bibəl ta Sar̄

¹⁵ I dan yā sāā kōō gə̄ tə́ n bā Jurdḛ a ḭḭń ngá̰ý adə̄ a taāń loo ní. Dan nəkɔ́ ń ngé tun̄ yá̰a̰ gə̄ ń i ngé kətō sandúkə madə̄ naā gə̄ əlan̄ njadə́ kə̄ kum man̄ tə́ ta gógə́ tə́ anī,

Bible sar

¹⁵ I dan yā sāā kōō gə̄ tə́ n bā Jurdḛ a ḭḭń ngá̰ý adə̄ a taāń loo ní. Dan nəkɔ́ ń *ngé tun̄ yá̰a̰ gə̄ ń i ngé kətō *sandúkə madə̄ naā gə̄ əlan̄ njadə́ kə̄ kum man̄ tə́ ta gógə́ tə́ anī,

JOJUE 3:15 Referans Kwoze

1 YÁ̰A̰ GƏ̄ 12:15

De kə́ gír ɓē yā Gad tə́ gə̄ ń nin̄ i ngol ngé rɔ̄ɔ̄ gə̄ ní nin̄ n noó. De kə́ dūú ngá̰ý dandə́ tə́ i kum gotə de gə̄ ɓú ō, de kə́ bo ngá̰ý kə́ dandə́ tə́ i kum gotə de gə̄ dūbú ō.

JEREMI 49:19

Tītə̄ ń ɓɔl teēń kem ku kāgə̄ gə̄ kə́ dɔ gɔ́sə bā Jurdḛ tə́, ba aw̄ kumən sɔɔ̄ gong gə̄ kə́ yá̰a̰ kul̄ gə̄ i ngá̰ý kemeé tə́ ní, i tītə̄ ń noō n m-ā m̄-tə̄ɓāńdə́ kɔ̄ɔ́ gidə kógə̄ḿ tītə̄ kum kə́ kənda sapə beé, kadə̄ aw̄n̄ sa̰y kɔ̄ɔ́ rɔ̄n tə́ ní. M-ā m-ə́lá ngé rɔ̄ɔ̄ kə́ balsáa gə̄ kadə̄ aw̄n̄ láẃ rɔ̄n tə́. Tɔdɔ̄ i náā n to tītə̄ḿ mā ní? I náā n asə ɓārə́m̄ loo sarya tə́ ní? I nge kul̄ yá̰á̰ kə́ rá n a asə dum̄ taḿ mā ní?

JEREMI 12:5

Ré ī-ngɔ̄də̄ naā tə́ kə ngé nja gēé, ba rāānī adə̄ kɔr rāāī anī, ā ásə nējə̄ naā ngɔ̄də̄ kə sə́nda gēé i ba̰ý? Ré ī-ndi i kem ɓē kə́ lɔm i tū tə́ tə́ tá ənī kemií anī, dan ń bā Jurdḛ a ḭḭ bububu bububu ní ā ī-rāā i ba̰ý?

JOJUE 4:18

Dan ń ngé tun̄ yá̰a̰ gə̄ ń ətōn̄ sandúkə madə̄ naā ní teēn̄ kɔ̄ɔ́ kum bā Jurdḛ tə́ ba əndān̄ njadə́ kə̄ ndágá anī, man̄ bā Jurdḛ tél nūgə́ gogə́ adə̄ taā loo tītə̄ kə́ kété.

JOJUE 3:13

Loo ń ré ngé tun̄ yá̰a̰ gə̄ ń a ətōn̄ sandúkə madə̄ naā yā Kɔ́ɔ̄ɓē ń i kɔ́ɔ̄ dɔ nang malang ní a əndān̄ njadə́ kum bā Jurdḛ tə́ anī, bā Jurdḛ a gān̄g danaá jōó: Man̄ ń a ḭḭ dām̄ loo kə́ kḭḭ kə̄ dɔɔ́ tə́ á nūgə́ kum kə̄ dām̄ loo kə́ risə kə̄ nang tə́ tə́ ní, a tél yā kán̄ naā loo kógə̄ḿ tītə̄ kə́ deē gān̄g gírən i kə babəraá beé.

IJAI 26:6

De kə́ nin̄ i yá̰á̰ kógə̄ḿ aĺ bátə́ gə̄ a rējə̄nən̄, ngé ndoō gə̄ a njə̄rān̄ dɔn tə́, a rējə̄nən̄.

2 MBAN̄G 2:6

Eli ədan na: Ɓɔ́, ī-ndi laā tɔdɔ̄ Kɔ́ɔ̄ɓē əlam̄ bā Jurdḛ tə́. Banī Elije tél ədan na: Tītə̄ ń Kɔ́ɔ̄ɓē ndiń kə kumneé noō ō, ḭ̄ ī-ndiń kə kumií ō noó, m-ā m-ə́ya̰ gōí alé! Tā anī aw̄n̄ Jurdḛ tə́ mbak.

NAHUM 1:4

Ni ndán̄g bā bo, anī bā bo iī. Ni-rāā adə̄ ngán man̄ gə̄ malang gətóon̄ kɔ̄ɔ́ kem kār̄də́ gə̄ tə́. Anī loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ dɔ nang kə́ Basan tə́ ō, mbal̄ bo kə́ Karmel ō ní, yá̰a̰ malang kə́ ndi kə kumneé gətóo tū tə́ kɔ̄ɔ́ ō, hútə̄ yá̰a̰ gə̄ kə́ Liban ndəlén̄ kɔ̄ɔ́ ō.

1 YÁ̰A̰ GƏ̄ 12:16

I nin̄ n teēn̄ bā Jurdḛ kem nāā kə́ ta kəga dɔ tə́ ń bā Jurdḛ a rə̄ɓań kem kārə̄n tə́ kə̄ ndágá ní ba tə̄ɓān̄ de gə̄ malang ń ndin̄ kum wól loo gə̄ tə́ dām̄ kə́ gír ɓē tə́ ō, no ɓē tə́ ō, ní.