JOJUE 3:14 - Bibəl ta Sar̄

¹⁴ Dan ń gír de gə̄ ḭḭn̄ kɔ̄ɔ́ loo ndidə́ gə̄ tə́ yā teē bā Jurdḛ anī, ngé kətō sandúkə madə̄ naā ń i ngé tun̄ yá̰a̰ gə̄ ní, njə̄rān̄ nodə́ tə́ kété.

Bible sar

¹⁴ Dan ń gír de gə̄ ḭḭn̄ kɔ̄ɔ́ loo ndidə́ gə̄ tə́ yā teē bā Jurdḛ anī, ngé kətō *sandúkə madə̄ naā ń i *ngé tun̄ yá̰a̰ gə̄ ní, njə̄rān̄ nodə́ tə́ kété.

JOJUE 3:14 Referans Kwoze

HEBƏRO 9:4

Loo tun̄ yá̰á̰ kə́ rāā kə lɔ́rɔ́ ń a róōń ndujə̄ yá̰á̰ kə́ kotə majə dɔ tə́ ní, i tū tə́ ō, sandúkə madə̄ naā ń tə́ya̰n̄ lɔ́r gidə tə́ malang ní, i tū tə́ ō. Kem sandúkə́ ní yá̰a̰ gə̄ ń noō i kemeé, jóó lɔ́ŕ ń mána i kemeé ní ō, kāgə̄ yā Aaro̰ ń hútə̄ ní ō, ngán bar mbal̄ gə̄ ń ndangən̄ najə̄ gə̄ kə́ dɔ madə̄ naā tə́ tū tə́ ní ō.

JEREMI 3:16

Kem ndɔ̄ ń noō tə́ ní, dan ń sḭḭ̄ ā ī-bəlaī ngá̰ý kem ɓēé anī, de gə̄ a ədan̄ na: I sandúkə madə̄ naā yā Kɔ́ɔ̄ɓē to̰ alé, najə̄ ń Kɔ́ɔ̄ɓē əda ní n noó. De kə́ yā gír̄ dɔ tə́ a gətóo: Deē a ɔr̄ najə̄n to̰ aĺ bátə́ ō, a gerə̄n̄ gō kadə̄ ni gətóo aĺ ō, a télən̄ yā rāān rang aĺ ō.

PĀ GƏ̄ 132:8

Kɔ́ɔ̄ɓē, ḭ́ḭ dɔɔ́ ī-reē loo kɔr̄ koō yāí tə́, ḭ̄ ō, sandúkə kə́ táĺ ń tɔ́gə yāí i kemeé ní ō!

JOJUE 6:6

Jojue ngōn̄ Nun ɓāŕ ngé tun̄ yá̰a̰ gə̄ ba ədadə́ na: Úniī sandúkə madə̄ naā yā Kɔ́ɔ̄ɓē əndāī dɔ bɔ̄gə̄sí tə́, ba ādī de gə̄ sīrí dansí tə́ njə̄rān̄ kété no tə́ kə tōw̄ gajə batə̄ gēé.

JOJUE 3:6

Teē kə ndɔ̄ kə́ noō anī, ni-əda ngé tun̄ yá̰a̰ gə̄ kadə̄ unən̄ sandúkə madə̄ naā ba kə mānə̄n̄ kété no de gə̄ tə́. Anī nin̄ rāān̄ tītə̄ ń Jojue ədańdə́ ní, adə̄ unən̄ sandúkə madə̄ naā ba mānə̄n̄ kété no de gə̄ tə́.

JOJUE 3:3

ba ədan̄də́ na: Ré á̰a̰ī ngán Lebi kə́ ngé tun̄ yá̰a̰ gə̄ a ətōn̄ sandúkə madə̄ naā yā Kɔ́ɔ̄ɓē Nə́ɓā yāsí a aw̄n̄neé anī, ḭ́ḭḭ̄ kɔ̄ɔ́ loo ń ī-ndiī tū tə́ tə́ ní ba úniī gōdə́.

NDŪ NAJƏ̄ 31:26

Ī-taāī makətūbə̄ ndū najə̄ yā Nə́ɓā ń toō ə̄nīī kadə sandúkə madə̄ naā yā Kɔ́ɔ̄ɓē Nə́ɓā yāsí tə́. A to i loo ń noō tə́ kadə̄ rāā rɔ̄n i yá̰á̰ kə́ kum tə́ kə̄ no ngán Israel gə̄ tə́.

JOJUE 24:11

Ī-teēī bā Jurdḛ ba ī-reē ūgī Jeriko. De kə́ Jeriko gə̄ rɔ̄ɔ̄n̄sí ō, Amor gə̄, kə Periji gə̄, kə Kanaan gə̄, kə Het gə̄ kə Girgas gə̄, kə Hibi gə̄ kə Yebus gə̄ rɔ̄ɔ̄n̄sí ō. Banī m-ə́ládə́ kem jīsí tə́ malang.