JOJUE 3:13 - Bibəl ta Sar̄

¹³ Loo ń ré ngé tun̄ yá̰a̰ gə̄ ń a ətōn̄ sandúkə madə̄ naā yā Kɔ́ɔ̄ɓē ń i kɔ́ɔ̄ dɔ nang malang ní a əndān̄ njadə́ kum bā Jurdḛ tə́ anī, bā Jurdḛ a gān̄g danaá jōó: Man̄ ń a ḭḭ dām̄ loo kə́ kḭḭ kə̄ dɔɔ́ tə́ á nūgə́ kum kə̄ dām̄ loo kə́ risə kə̄ nang tə́ tə́ ní, a tél yā kán̄ naā loo kógə̄ḿ tītə̄ kə́ deē gān̄g gírən i kə babəraá beé.

Bible sar

¹³ Loo ń ré *ngé tun̄ yá̰a̰ gə̄ ń a ətōn̄ *sandúkə madə̄ naā yā Kɔ́ɔ̄ɓē ń i kɔ́ɔ̄ dɔ nang malang ní a əndān̄ njadə́ kum bā Jurdḛ tə́ anī, bā Jurdḛ a gān̄g danaá jōó: Man̄ ń a ḭḭ dām̄ loo kə́ kḭḭ kə̄ dɔɔ́ tə́ á nūgə́ kum kə̄ dām̄ loo kə́ risə kə̄ nang tə́ tə́ ní, a tél yā kán̄ naā loo kógə̄ḿ tītə̄ kə́ deē gān̄g gírən i kə babəraá beé.

JOJUE 3:13 Referans Kwoze

Teē Ngán Israel gə̄ 15:8

Koō kə́ teē kóní tə́ rāā adə̄ man̄ udə dūbə̄n dɔ naā tə́, rāā adə̄ bəngál man̄ gə̄ ḭḭ ran̄ kə njadə́ dɔɔ́ tītə̄ ndogə̄ mbal̄ beé, rāā adə̄ katə man̄ bā bo kə́ ɓūlūú ń a nūgə́ ní dəba ra gotə kógə̄ḿ.

PĀ GƏ̄ 78:13

Ni-gān̄g bā bo naā tə́ kadə̄ nin̄ mānə̄n̄neé, rāā adə̄ man̄ ḭḭ ra dɔɔ́ ɓururu tītə̄ ndogə̄ mbal̄ beé.

HABAKUK 3:15

Ḭ̄ ī-njə̄rā dɔ bā bo tə́ kə sə́nda yāí gēé, dan bəngál man̄ gə̄ kə́ tɔ́gə́də́ i ngá̰ý tə́.

PĀ GƏ̄ 33:7

Ni kán̄ man̄ bā bo loo kógə̄ḿ gidə babəra kógə̄ḿ tə́. Ni kán̄ man̄ bā bo kem kārə̄n tə́.

JOJUE 3:11

Sandúkə madə̄ naā yā Kɔ́ɔ̄ɓē ń i kɔ́ɔ̄ dɔ nang malang ní, a teē bā Jurdḛ kété nosí tə́.

JOJUE 4:7

ī-tél ə́daīdə́ na: Dan ń sandúkə madə̄ naā yā Kɔ́ɔ̄ɓē a mān̄ kum bā Jurdḛ tə́ ní, man̄ bā Jurdḛ ń a nūgə́ ní dəba. Bā Jurdḛ gān̄g naā tə́ jōó, adə̄ mbal̄ gə̄ ń toō rɔ̄də́ i yá̰a̰ i yá̰a̰ kəga kem dɔ yá̰á̰ kə́ rāā yá̰á̰ tə́ yā ngán Israel gə̄, kadə̄ əgań kemdə́ dɔ yá̰á̰ kə́ kɔr kum ń rāā yá̰á̰ tə́ ní ngándáńg.

PĀ GƏ̄ 74:15

I ḭ̄ n ī-rāā ta róbə ādə̄ man̄ gə̄ əɓan̄neé ō, ādə̄ ngán man̄ gə̄ nūgə́n̄neé ō ní. I ḭ̄ n ī-rāā ādə̄ man̄ bā kə́ dum̄ kiī gə̄ iīn̄ kɔ̄ɔ́, adə̄ loo tél tutə káḿ káḿ kem kār̄də́ gə̄ tə́ ní.

1 YÁ̰A̰ GƏ̄ 29:11

Kɔ́ɔ̄ɓē, ḭ̄ i de kə́ bo ō, tɔ́gí i ngá̰ý ō, ī-ndə́lē pipir ō, ī-to ɓōĺ ō, ī-to kadə̄ ɔsən̄ gɔnií ō, tɔdɔ̄ yá̰a̰ malang kə́ dɔ rā̰ tə́ ō, kə́ dɔ nang tə́ ō i yāí. Ko̰o̰ ɓē i yāí ō, i ḭ̄ n i dɔ de gə̄ tə́ malang ō ní.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

JAKARI 4:14

Tā anī, ni ɔjəm̄ kum, əda na: I de kə́ jōó gə̄ ń ɔrə̄n̄ kam̄də́ tayā kə yibīí kadə̄ rāān̄ kəla yā kɔ́ɔ̄ dɔ nang kə taá malang ní.