JOJUE 3:10 - Bibəl ta Sar̄

¹⁰ Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō:

Bible sar

¹⁰ Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, *Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō:

JOJUE 3:10 Referans Kwoze

NDŪ NAJƏ̄ 7:1

Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.

Teē Ngán Israel gə̄ 33:2

Na n-a n-əla deē yān kə́ dɔ rā̰ tə́ kété nodə́ tə́ ō,, na n-a n-tə̄ɓā Kanaan gə̄ ō, Amor gə̄ ō, Het gə̄ ō, Periji gə̄ ō, Hibi gə̄ ō, Yebus gə̄ ō kɔ̄ɔ́.

HEBƏRO 10:31

Kəsō jī Nə́ɓā kə́ ndi kə kumneé tə́ i yá̰á̰ kə́ to ɓōĺ ngá̰ý.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

2 MBAN̄G 19:4

Majanī Kɔ́ɔ̄ɓē Nə́ɓā yāí a oō najə̄ gə̄ malang ń mban̄g kə́ Asiri əla ngol ngé kadə̄ yá̰a̰ ka̰ȳ gə̄ adə̄ tájəń Nə́ɓā kə́ ndi kə kumneé ní ō, majanī a əndan tām̄ najə̄ kɔrə̄n tə́ ō! Ba ḭ̄ ī-ndɔ̄ȳn tām̄ yā gotə deē yān gə̄ ń na̰yn̄ tə́ ní.

JOJUE 22:31

Pinas ngōn̄ Eleajar kə́ nge tun̄ yá̰a̰ əda ngán Ruben gə̄ ō, ngán Gad gə̄ ō, ngán Manase gə̄ ō na: Ngɔlaā ní jə-ger̄ kadə̄ Kɔ́ɔ̄ɓē i dɔ dáńjí tə́ tām̄ sḭḭ̄ ī-rāāī yá̰á̰ kə́ gōtə́ aĺ ní seneé alé. I beé n ájiīń ngán Israel gə̄ jī Kɔ́ɔ̄ɓē tə́ ní.

NDŪ NAJƏ̄ 31:17

Ndɔ̄ ń noō tə́ wōn̄g a rāām̄ sedə́ ngá̰ý, adə̄ m-ā m-ə́yá̰də́ kɔ̄ɔ́ ō, m-ā m̄-tūr̄ gidəḿ tadə́ tə́ kɔ̄ɔ́ kadə̄ nin̄ a a̰a̰n̄ ta kumḿ aĺ ō. Loo ń noō tə́ ngé ba̰ā̰də́ gə̄ a əsan̄də́ ō, yá̰á̰ kə́ to kum kaȳ aĺ ngá̰ý gə̄, kə wur kɔl kə́ ngá̰ý gə̄ a rāān̄də́ ō. Adə̄ ndɔ̄ ń noō tə́ nin̄ a ədan̄ na: Yá̰á̰ kə́ to kum kaȳ aĺ gə̄ ń toō rāān̄jí i tām̄ Nə́ɓā yājí ń gətóo dɔ dáńjí tə́ ní aĺ a?

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

1 TESALONIK 1:9

Tɔdɔ̄ de gə̄ malang a ənīn̄ i gotə loo kəhɔ ń ə́hɔījí kə̄ rɔ̄sí tə́ dan ń j-aw̄ń loosí ní ō, loo kəya̰ ń ə́ya̰ī ɓesə̄ gə̄ kɔ̄ɔ́, ba ī-tūrī rɔ̄sí kə̄ rɔ̄ Nə́ɓā kə́ rɔ̄kum kə́ ndi kə kumneé tə́ yā rāań kəla yān,

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

NDŪ NAJƏ̄ 5:26

I de kə́ rá n oō ndū Nə́ɓā kə́ ndi kə kumneé loo kɔr̄ najə̄ tə́ kum hor tə́ tītə̄ yājí ba kɔ́ɔ̄ oy aĺ ní?

MATIYE 16:16

Simo̰ Piyer ə́dan na: Ḭ̄ i Kərist Ngōn̄ Nə́ɓā kə́ ndi kə kumneé.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

1 MBAN̄G GƏ̄ 22:28

Mise əda mban̄g na: Kə́ rɔ̄kum tə́, ré ī-tél kə lápə́ya anī, kumən na Kɔ́ɔ̄ɓē ɔr̄ najə̄ kə kūlə̄ḿ alé. Gō tə́ anī Mise əda ɓáý to̰ na: Sḭḭ̄ gír de gə̄ ōōī.

JOJUE 21:45

Najə̄ kə́ majə gə̄ malang ń Kɔ́ɔ̄ɓē əda ngán Israel gə̄ ní kógə̄ḿ ké to karī gətóo, rāān̄ yá̰a̰ malang.

Teē Ngán Israel gə̄ 17:7

Əndān̄ rī loo ní na i Masa ō, Meriba ō. Kumən na i yá̰a̰ nāā ō, sāā tām̄ ō. Tɔdɔ̄ ngán Israel gə̄ sāān̄ ta Moijə ō, nāān̄ Kɔ́ɔ̄ɓē ō, tɔdɔ̄ nin̄ dəjen̄ na ké Kɔ́ɔ̄ɓē i dandə́ tə́ aké gətóo dandə́ tə́ wa.

JA̰A̰ 6:69

Ba jḭḭ jə-taā kem ō, jə-ger̄ ō, kadə̄ ḭ̄ i nge kə́ táĺ yā Nə́ɓā.

NDŪ NAJƏ̄ 7:21

Ī-lōōī ndebə ta kumdə́ tə́, tɔdɔ̄ Kɔ́ɔ̄ɓē Nə́ɓā yāsí ń i Nə́ɓā kə́ bo ō, to ɓōĺ ngá̰ý ō ní i sesí.

JOJUE 3:9

Jojue əda ngán Israel gə̄ na: Ī-ndɔ́tī kə̄ ngɔr ōōīń najə̄ gə̄ ń Kɔ́ɔ̄ɓē Nə́ɓā yāsí əda ní.

JOJUE 9:1

Dan ń mban̄g gə̄ ń ndin̄ gidə bā Jurdḛ tə́ gō nang kə́ mbal̄ bo gə̄ i tū tə́ tə́ ō, kə́ mbal̄ bo gə̄ gətóon̄ tū tə́ tə́ ō, kə́ kadə̄ bā bo tə́ bátə́ ugə̄n̄ Liban ō, adə̄ i Het gə̄, kə Amor gə̄ kə Kanaan gə̄, kə Periji gə̄, kə Hibi gə̄, kə Yebus gə̄ ní, oōn̄ najə̄ yā ɓē kə́ Ai kə́ nujə kɔ̄ɔ́ anī,

1 SAMUEL 26:6

Dabid əda Ahimelek ń i Het ní nin̄ kə Abisai kə́ ngōn̄ Seruya ō kə́ ngōkó̰o̰ Joab ō na: I náā n ndigə kaw̄ seḿ bátə́ rɔ̄ɔ̄ Saul tə́ kem gérgereé ní? Anī Abisai tél ədan na: M-ā m-āw̄ seí.

PĀ GƏ̄ 42:2

Tītə̄ ń kəndā man̄ rāań wāl̄ adə̄ sāań man̄ pa pak ní, Nə́ɓā yāḿ, m̄-sāāī pa pak ō.

TA KƏLA 15:21

yā Amor gə̄ yā Kanaan gə̄ yā Girgas gə̄ yā Yebus gə̄ ní, m-ādə̄ ngán kaaí gə̄.

TƏ́DA 13:29

Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.

JOJUE 11:3

Kanaan gə̄ ń ndin̄ i dām̄ kə́ gír ɓē tə́ ō, no ɓē tə́ ō, Amor gə̄ kə Het gə̄ kə Periji gə̄ kə Yebus gə̄ ndin̄ i dɔ mbalá ō, Hibi gə̄ ndin̄ i nja mbal̄ Hermon tə́ gō nang kə́ Misəpa tə́ ō.

JOJUE 12:8

Dɔ nang ń ni-gán̄g adə̄də́ kə dɔ gír ɓē yādə́ gēé ní i dɔ nang kə́ mbalá ō, kə mbal̄ bo gətóo tū tə́ tə́ ō, i gō nang ké Araba ō, i dɔ nang ń loo kə́ kḭḭ kə̄ dɔɔ́ gə̄ i tū tə́ ní ō, i dɔ nang kə́ mángá ō, i gō nang kə́ Negeb ō. I dɔ nang gə̄ kə́ Het gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ kété.

JOJUE 24:11

Ī-teēī bā Jurdḛ ba ī-reē ūgī Jeriko. De kə́ Jeriko gə̄ rɔ̄ɔ̄n̄sí ō, Amor gə̄, kə Periji gə̄, kə Kanaan gə̄, kə Het gə̄ kə Girgas gə̄, kə Hibi gə̄ kə Yebus gə̄ rɔ̄ɔ̄n̄sí ō. Banī m-ə́ládə́ kem jīsí tə́ malang.

1 YÁ̰A̰ GƏ̄ 1:14

Yebus gə̄ ō, Amor gə̄ ō, Girgas gə̄ ō,