JOJUE 24:9 - Bibəl ta Sar̄

⁹ Balak ngōn̄ Sipor ń ni i mban̄g kə́ dɔ nang kə́ Moab tə́ ní sāā rɔ̄ɔ̄ ngán Israel gə̄. Ni-əla ɓāŕ Balam ngōn̄ Beor tə́ kadə̄ reē ndɔ̄ĺsí.

Bible sar

⁹ Balak ngōn̄ Sipor ń ni i mban̄g kə́ dɔ nang kə́ Moab tə́ ní sāā rɔ̄ɔ̄ ngán *Israel gə̄. Ni-əla ɓāŕ Balam ngōn̄ Beor tə́ kadə̄ reē ndɔ̄ĺsí.

JOJUE 24:9 Referans Kwoze

MISE 6:5

Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

NGÉ SARYA 11:25

Ī-ngan̄g ī-tɔy Balak ngōn̄ Sipor ń i mban̄g kə́ Moab ní a? Ni-sāā Israel gə̄ bátə́ rɔ̄ɔńdə́ a?

TƏ́DA 22:2

Dan ngeé ń noō tə́ ní Balak ngōn̄ Sipor mban̄g kə́ Moab oō kōō yá̰á̰ ń ngán Israel gə̄ rāān̄ kə Amor gə̄ ní. Moab gə̄ a̰a̰n̄ kadə̄ kutə ngán Israel gə̄ i ngá̰ý anī ɓōĺ rāādə́ ngá̰ý, adə̄ ədan̄ kum kɔɔ̄ gə̄ yā Madian gə̄ na: Kósə de gə̄ ń noō a əsan̄ yá̰a̰ malang kə́ gidəjí tə́ kadə̄ təgā kɔ̄ɔ́ tītə̄ ń man̄g gə̄ a əsanə̄ń mu kə́ bembeé ní.

NGÉ SARYA 11:17

Nin̄ əlan̄ kəla rɔ̄ mban̄g kə́ Edom tə́ kadə̄ adə̄də́ ta róbə mān̄ dɔ nang yān tə́, anī ni ɔgə̄də́. Tél əlan̄ kəla rɔ̄ mban̄g kə́ Moab tə́, anī ni ɔgə̄də́ ɓáý to̰. Adə̄ Israel gə̄ tél ndin̄ i Kades.