JOJUE 24:6 - Bibəl ta Sar̄

⁶ Dan ń bɔbə̄sí gē teēn̄ kɔ̄ɔ́ kem ɓē kə́ Ejiptə tə́ ní, reēn̄ bátə́ ugə̄n̄ ta bā bo tə́, banī de kə́ Ejiptə gə̄ ngɔ̄də̄n̄ gōdə́ kə púsə rɔ̄ɔ̄ gə̄ ō, kə sə́nda gə̄ ō, reē teēn̄ gōdə́ tə́ ta bā tə̄ɓā gə̄ tə́.

Bible sar

⁶ Dan ń bɔbə̄sí gē teēn̄ kɔ̄ɔ́ kem ɓē kə́ Ejiptə tə́ ní, reēn̄ bátə́ ugə̄n̄ ta bā bo tə́, banī de kə́ Ejiptə gə̄ ngɔ̄də̄n̄ gōdə́ kə púsə rɔ̄ɔ̄ gə̄ ō, kə sə́nda gə̄ ō, reē teēn̄ gōdə́ tə́ ta bā tə̄ɓā gə̄ tə́.

JOJUE 24:6 Referans Kwoze

HEBƏRO 11:29

I kə ta kūl̄ taā kem n ngán Israel gə̄ gāngə̄n̄ bā ń a ɓār̄nən̄ kə́ kərē tītə̄ dɔ nang kə́ man̄ gətóo tū tə́ ní. Ba dan ń de kə́ Ejiptə gə̄ nāān̄ rāā tītə̄ yādə́ anī man̄ ɔr tan dɔdə́ tə́.

KƏLA RĀĀ 7:36

I ni n-teē sedə́ kɔ̄ɔ́ kem ɓē kə́ Ejiptə tə́ ní, tɔdɔ̄ ni-rāā yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, kem ɓē ní tə́ ō, bā ń a ɓārə́n̄ na i bā Kərē ní tə́ ō, kem dəla loo tə́ ɓāl̄ kutə sɔ́ ō.

MISE 6:4

m̄-rāā adə̄ ī-teēī kɔ̄ɔ́ kem ɓē kə́ Ejiptə tə́. M-ɔ̄r̄sí ɓəloó kɔ̄ɔ́. Ngār gə̄ ń m-ādə̄sí ní, i Moijə ō, Aaro̰ ō, Miriam ń i ngōkó̰ó̰də́ kə́ dəyá̰ ní ō. I yá̰á̰ ń noō n ā ī-gɔŕyɔ̄m̄ najə̄n tə́ ní a?

PĀ GƏ̄ 78:13

Ni-gān̄g bā bo naā tə́ kadə̄ nin̄ mānə̄n̄neé, rāā adə̄ man̄ ḭḭ ra dɔɔ́ ɓururu tītə̄ ndogə̄ mbal̄ beé.

NEHEMI 9:11

Ī-gān̄g bā bo no ngán Israel gə̄ tə́ adə̄ mānə̄n̄ danaá loo kə́ tutə tə́. Ī-mbə́rē ngé ngɔ̄də̄ gōdə́ gə̄ ī-tə́nādə́ dan ɓūl̄ bā tə́. Nin̄ jə̄ngā aw̄ ndin̄ gír maná tītə̄ mbal̄ beé.

Teē Ngán Israel gə̄ 12:51

I ndɔ̄ ń noō tə́ bang n Kɔ́ɔ̄ɓē teēń kə ngán Israel gēé kem ɓē kə́ Ejiptə tə́ kɔ̄ɔ́ ní.

Teē Ngán Israel gə̄ 12:37

Ngán Israel gə̄ ḭḭn̄ Ramses ta kaw̄ kə̄ Sukot. De kə́ dəngam gə̄ asən̄ deē dūbú ɓú mehḛ́ ń noō kanjə̄ tə́dá ngán gə̄.