JOJUE 24:20 - Bibəl ta Sar̄

²⁰ Ré ā ə́ya̰ī Kɔ́ɔ̄ɓē kɔ̄ɔ́ yā rāań kəla kadə̄ nə́ɓā kə́ mbā gə̄ anī, ni a tūr̄ rɔ̄n kə̄ rɔ̄sí tə́ yā rāāsí majaĺ. Ni ń kété rāā majə sesí ní, a tél yā rāā kadə̄ ī-gətóoī kɔ̄ɔ́ malang.

Bible sar

²⁰ Ré ā ə́ya̰ī Kɔ́ɔ̄ɓē kɔ̄ɔ́ yā rāań kəla kadə̄ nə́ɓā kə́ mbā gə̄ anī, ni a tūr̄ rɔ̄n kə̄ rɔ̄sí tə́ yā rāāsí majaĺ. Ni ń kété rāā majə sesí ní, a tél yā rāā kadə̄ ī-gətóoī kɔ̄ɔ́ malang.

JOJUE 24:20 Referans Kwoze

KƏLA RĀĀ 7:42

Banī Nə́ɓā tūr̄ gidən tadə́ tə́ kɔ̄ɔ́, ba əya̰də́ adə̄ ndɔ̄ȳn̄ tə́yō̰ gə̄ kə́ dɔ rā̰ tə́, tītə̄ ń ndangən̄neé kem makətūbə̄ yā ngé koō ta gə̄ tə́ ní. Ndangən̄ na: Sḭḭ̄ ngán Israel gə̄, dan ń ī-ndiīneé kem dəla loo tə́ ɓāl̄ kutə sɔ́ ní, ī-tɔ̄lī dā̰ gə̄ ī-ndējə̄mī ō, ādə̄mī yá̰á̰ kə́ ndējə̄ gə̄ ō a?

EJEKIEL 18:24

Ba ré de kə́ majə lōō gír rāā yá̰á̰ kə́ gōtə́ tə́ ba rāā yá̰á̰ kə́ majaĺ, tām̄ ni ndájə̄ yá̰a̰ rāā kə́ majaĺ ngá̰ý gə̄ malang yā de kə́ majaĺ gə̄ anī, ɔ́jiīń na a ndi kə kumneé a? I beé alé! Yá̰a̰ malang kə́ majə gə̄ ń ni-rāā ní, dɔdə́ a ndígə̄nal dɔ tə́ kɔ̄ɔ́. Ni a oy sɔɔ̄ń ra kə́ ni-ra dɔ ndūn tə́ aĺ ō, yá̰á̰ kə́ majaĺ kə́ ni-rāā ō.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

IJAI 1:28

Banī yā ngé kəsō wōn̄g gə̄ ō, ngé rāā majaĺ gə̄ ō ní, yādə́ i nujə sák sák kə́ a teē dɔdə́ tə́ i gidə kógə̄ḿ. Ngé gə̄ ń əya̰n̄ Kɔ́ɔ̄ɓē kɔ̄ɔ́ ní, gír yādə́ a gān̄g.

ESDRAS 8:22

Rɔ̄sɔl̄ ɔgə̄m̄ dəje mban̄g kadə̄ adə̄jí ɓūtə̄ áskar gə̄ kə́ ngé kal̄ sə́nda gə̄ kadə̄ dānə̄n̄jí, kadə̄ ngɔ̄mə̄n̄jí róbó najə̄ yā madə̄ ba̰ā̰ gə̄ tə́. Tɔdɔ̄ j-əda mban̄g na: De gə̄ malang ń a sāān̄ Nə́ɓā yājí ní, jīn kə́ majə i dɔdə́ tə́. Banī de gə̄ malang ń əya̰nən̄ kɔ̄ɔ́ ní, wōn̄g rāān sedə́ ngá̰ý.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

HEBƏRO 10:38

Deē ń i de kə́ gōtə́ yāḿ ní a ndi kə kumneé i kə ta kūl̄ taā kem. Banī ré ni-ɔr̄ rɔ̄n kə́ gogə́ anī, a nelə̄m̄ seneé alé.

NDŪ NAJƏ̄ 4:25

Loo ń ré ójiī ngán gə̄ ō, ngáńsí gə̄ ojən̄ ngán kaasí gə̄ ō, adə̄ ī-ndiī dɔ nang ń Kɔ́ɔ̄ɓē ənī míndən yā kadə̄sí tə́ ní dan i ngá̰ý anī, ī-lōōī rāā ɓesə̄ kəsōń kum majaĺ tə́ ō, tɔ́sə̄ yá̰á̰ kógə̄ḿ rāā kum gotə yá̰á̰ kə́rēý tə́ ō. Ī-lōōī rāā yá̰á̰ kə́ majaĺ ta kum Kɔ́ɔ̄ɓē Nə́ɓā yāsí tə́ kadə̄ adə̄n wōn̄g.

NDŪ NAJƏ̄ 4:26

Ré ī-rāāī yá̰á̰ kə́ majaĺ kə́ beé gə̄ anī, m-ə́dásí ɓōólaā m-ādə̄ gān̄g ō, dɔ rā̰ nin̄ kə dɔ nang i kə́ kum tə́ yāḿ gə̄ ō. Ā ī-gətóoī kɔ̄ɔ́ kə̄ ta jī tə́ beē dɔ nang ń ā ə́ngeī gidə bā Jurdḛ kə́ dām̄ kə́ nú tə́ ní. Ā ī-ndiī tū tə́ dan i ngá̰ý aĺ n ā ī-gətóoīneé kɔ̄ɔ́ malang ní.

JOJUE 24:21

De gə̄ tél ədan̄ na: ḿ-m, i Kɔ́ɔ̄ɓē n j-a jə-rāā kəla yān ní

1 SAMUEL 12:15

Ba ré sḭḭ̄ ōōī tan aĺ ō, ī-mbātíī rāā yá̰a̰ gə̄ ń ədasí kadə̄ ī-rāāī ní ō anī, a əndasí tītə̄ ń əndan̄neé kaasí gə̄ ní ō.

1 SAMUEL 12:25

Ba ré ī-rāāī yá̰á̰ kə́ majanī sḭḭ̄ gə̄gē, mban̄g yāsí gə̄gē, a nujən̄sí sák sák kɔ̄ɔ́.

1 YÁ̰A̰ GƏ̄ 28:8

Ngɔlaā ní ə̄nīī ndūsí ta kum ngán Israel gə̄ tə́ malang, ta kum ngé kán̄ naā gə̄ yā Kɔ́ɔ̄ɓē tə́ ō, ta kum Nə́ɓā yājí ń a oō najə̄ kɔr̄jí ō ní tə́, yā ndóō gō míndə gə̄ malang ń Kɔ́ɔ̄ɓē Nə́ɓā yājí əndā dɔjí tə́ kadə̄ jə-rāāī ní ō, ə̄nīī ndūsí yā rāā ní ō. I beé n ā əngeīneé ɓē kə́ majə ń ī-ndiī kemeé tə́ toō ō, ā ásiīneé kəya̰ ɓē ní yā kadə̄ ngáńsí gə̄ ō, ngán kaasí gə̄ ō, gotəsí tə́ kadə̄ i yá̰a̰ ndəbā yādə́ kə́ a to ngándáńg ní ō.

PĀ GƏ̄ 89:31

Ré ngánən gə̄ əya̰n̄ ndū najə̄ yāḿ kɔ̄ɔ́ ō, unən̄ gō róbə kə́ súmūú yāḿ aĺ ō,