JOJUE 24:19 - Bibəl ta Sar̄

¹⁹ Tā anī Jojue əda de gə̄ na: Ā ásiī rāā kəla yā Kɔ́ɔ̄ɓē alé, tɔdɔ̄ ni i Nə́ɓā kə́ táĺ ō, Nə́ɓā kə́ nge rāā jang ō. Ni a tə́gā tan dɔ mbātə́ najə̄ yāsí gə̄ tə́ aĺ ō, dɔ majaĺ yāsí gə̄ tə́ aĺ ō.

Bible sar

¹⁹ Tā anī Jojue əda de gə̄ na: Ā ásiī rāā kəla yā Kɔ́ɔ̄ɓē alé, tɔdɔ̄ ni i Nə́ɓā kə́ *táĺ ō, Nə́ɓā kə́ nge rāā jang ō. Ni a tə́gā tan dɔ mbātə́ najə̄ yāsí gə̄ tə́ aĺ ō, dɔ majaĺ yāsí gə̄ tə́ aĺ ō.

JOJUE 24:19 Referans Kwoze

IJAI 5:16

Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

Teē Ngán Israel gə̄ 23:21

Ī-raī dɔ rɔ̄sí tə́ tām̄ yān tə́, ōōī tan ba ī-lōōī mbātə́ najə̄ tan tə́, na a tə́gā tan gír dum̄ naā yāsí gə̄ tə́ alé, tɔdɔ̄ a rāā yá̰a̰ i kə rīḿ.

PĀ GƏ̄ 99:9

Ɔ́siī gɔn Kɔ́ɔ̄ɓē Nə́ɓā yājí. Ɔ́siī nosí nang tə́ kumsí sɔɔ̄ mbal̄ yān kə́ táĺ, tɔdɔ̄ Kɔ́ɔ̄ɓē Nə́ɓā yājí i de kə́ táĺ!

PĀ GƏ̄ 99:5

Ɔ́siī gɔn Kɔ́ɔ̄ɓē Nə́ɓā yājí, ɔ́siī nosí nang tə́ no yá̰a̰ kəndā nja yān tə́! Ni i de kə́ táĺ!

LEBI GƏ̄ 19:2

kəda ngán Israel gə̄ malang ndū najə̄ gə̄ ń toō: Ādə̄ sḭḭ̄ i de kə́ táĺ gə̄, tɔdɔ̄ mā Kɔ́ɔ̄ɓē Nə́ɓā, mā i de kə́ táĺ.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

1 SAMUEL 6:20

Gō tə́ anī ədan̄ na: Kɔ́ɔ̄ɓē Nə́ɓā kə́ táĺ ń toō ké i náā n asə ra ta kumən tə́ wa. Ré ḭḭ loodə́ anī ké a aw̄ i ɓē náāá wa.

Teē Ngán Israel gə̄ 34:14

Ā ɔ́siī nosí nang tə́ no nə́ɓā kə́ rang tə́ alé, tɔdɔ̄ rīḿ mā Kɔ́ɔ̄ɓē na i Nge rāā jang. Mā i Nə́ɓā kə́ nge rāā jang.

MATIYE 6:24

De kə́ asə rāā kəla yā kɔ́ɔ̄n gə̄ jōó mbak gətóo. Ré ni a im̄ kə́ kógə̄ḿ ba a táŕ kə́rēý, aĺ ɓáa a əhɔ gō nge kə́ kógə̄ḿ ba a kídə̄ kə́rēý. Sḭḭ̄ ásiī rāā kəla yā Nə́ɓā ō, yā nar ō, naā tə́ mbak alé.

IJAI 30:15

Najə̄ ń Kɔ́ɔ̄ɓē, ni ń i Nə́ɓā kə́ táĺ yā Israel Najə̄ ń əda ní n toó: Ā ájiī i loo ń ī-tūrī rɔ̄sí kə̄ rɔ̄ḿ tə́ ō, ī-raī jəke ngóy ō ní. Tɔ́gə́sí kə́ kal kógə̄ḿ beē i kadə̄ ī-raī jəke ō, kadə̄ ə̄ndāī kemsí dɔḿ tə́ ō, i kadə̄ ə̄nī kemsí ādə̄mī ō. Banī sḭḭ̄ ɔ́diī alé.

IJAI 30:11

Ə́ya̰ī róbə́ kə́ majə kɔ̄ɔ́ ba āwī sa̰y, ə́ya̰ī róbə́ kə́ majə ba ī-tɔ̄ɔ̄ī. Nə́ɓā kə́ táĺ yā Israel ní, ī-lōōī kɔr̄ najə̄ yān sejí to̰!

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

1 SAMUEL 3:14

I tām̄ najə̄ ń noō tə́ n m̄-túbə m-ādə̄ de kə́ gír kojə yān tə́ gə̄ m-ə́da na: Yá̰a̰ tun̄ gə̄, aláa yá̰a̰ ndējə̄ gə̄ a asən̄ kɔl̄ yá̰á̰ kə́ majaĺ ń de kə́ gír kojə yā Eli tə́ gə̄ rāān̄ ní aĺ bátə́ ní.

RUTƏ 1:15

Tā anī Noemi əda Rutə na: Á̰a̰ madí tél aw̄ gō de gə̄ yān gə̄ tə́ ō, gō ɓesə̄ yān gə̄ ń i nə́ɓā yān gə̄ tə́ ō ní ī-tél āw̄ gō madí tə́ ō.

JOJUE 24:23

Tā anī Jojue əda na: I beé ɓáa nə́ɓā kə́ mbā gə̄ ń i dɔ dáńsí tə́ ní, ī-ró̰yḭ̄də́ kɔ̄ɔ́ ba ī-tūrī ngarā̰ kemsí kə̄ rɔ̄ Kɔ́ɔ̄ɓē Nə́ɓā yā Israel tə́.

LEBI GƏ̄ 20:26

Ādə̄ sḭḭ̄ i de kə́ táĺ gə̄, ɔ̄rī kam̄sí kɔ̄ɔ́ tām̄ yāḿ tə́, tām̄ mā Kɔ́ɔ̄ɓē i de kə́ táĺ. m̄-gə̄rāsí dan gír de gə̄ tə́ m-ə̄ndāsí dáńg kadə̄ sḭḭ̄ i deē yāḿ gə̄.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

HABAKUK 1:13

Kumií unjə̄ njáý njáý ngá̰ý, adə̄ ásə ka̰a̰ yá̰á̰ kə́ majaĺ alé. Ḭ̄ ī-ndigə ka̰a̰ yá̰á̰ kə́ to kum̄ kaȳ aĺ alé. Ɓá tā banī ngé gə̄ ń a gólə̄n̄ madə̄də́ gə̄ ní, ḭ̄ á̰á̰də́ kanjə̄ kəda yá̰á̰ kógə̄ḿ. Dan ń de kə́ majaĺ gə̄ a nujən̄ ngé rāā yá̰a̰ gōtə́ tɔȳdə́ gə̄ ní, ḭ̄ ə́dá yá̰á̰ kógə̄ḿ alé.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

Teē Ngán Israel gə̄ 34:7

M-ā m̄-rāā majə kə de gēé ō, kə ngáńdə́ gēé ō, bátə́ ugə̄ń dɔ gír kojə yādə́ kə́ nge ko̰ dūbú tə́ ō, tɔdɔ̄ m-ā m̄-tə́gā taḿ dɔ yá̰á̰ kə́ gōtə́ aĺ gə̄ ń a rāān̄ tə́ ní ō, dɔ mbātə́ najə̄ yādə́ gə̄ tə́ ō, majaĺ yādə́ gə̄ tə́ ō. Banī deē ń najə̄ i dɔn tə́ ní, m-ā m̄-rāān de kə́ najə̄ gətóo dɔn tə́ tə́ alé. Deē ń rāā majaĺ ní, m-ā m-ə́ndá ngánən gə̄ ō, ngán kaan gə̄ ō, kaa gugūn gə̄ ō, kaa dɔgən gə̄ ō, tām̄ majaĺ ní tə́.

LEBI GƏ̄ 20:7

Ɔ̄rī rɔ̄sí kɔ̄ɔ́ kum yá̰á̰ kə́ majaĺ gə̄ tə́, kadə̄ sḭḭ̄ i kə́ táĺ gə̄, tɔdɔ̄ mā i Kɔ́ɔ̄ɓē Nə́ɓā yāsí.

JOJUE 24:18

I ni n tə̄ɓā gír de gə̄ malang kɔ̄ɔ́ nojí tə́ ní ō. I ni n tə̄ɓā Amor gə̄ ń ndin̄ dɔ nang ń toō tə́ ní. J-a jə-rāā kəla yā Kɔ́ɔ̄ɓē ō, tɔdɔ̄ i ni n i Nə́ɓā yājí ní.

PĀ GƏ̄ 99:3

Ādə̄ ɔsən̄ gɔn rīí kə́ bo ō to ɓōĺ ngá̰ý ō! I rī kə́ táĺ!

NAHUM 1:2

Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

LEBI GƏ̄ 11:44

Tɔdɔ̄ mā i Kɔ́ɔ̄ɓē Nə́ɓā yāsí. Ā ɔ̄rī rɔ̄sí kɔ̄ɔ́ tayā tām̄ yāḿ tə́ kadə̄ sḭḭ̄ i de kə́ táĺ gə̄, tɔdɔ̄ mā i de kə́ táĺ, adə̄ ā ɔ́diī rɔ̄ dā̰ kə́ kagə nang tə́ gə̄ ń noō yā téləń de kə́ yḛr gə̄ alé.

LEBI GƏ̄ 11:45

Tɔdɔ̄ mā i Kɔ́ɔ̄ɓē ń m̄-teē sesí kɔ̄ɔ́ dɔ nang kə́ Ejiptə tə́ yā kadə̄ mā i Nə́ɓā yāsí ní. Adə̄ majə kadə̄ sḭḭ̄ i de kə́ táĺ gə̄ tām̄ mā i de kə́ táĺ.

IJAI 2:9

I tām̄ najə̄ ń toō tə́ n a rāān̄ deē ndul gə̄ malang kadə̄ a rugən̄ nang tə́ ō, a télən̄ sedə́ kə̄ nang tə́ ō ní. Kɔ́ɔ̄ɓē, ī-lōō tél kundə́ dɔɔ́ gogə́!