JOJUE 24:17 - Bibəl ta Sar̄

¹⁷ Tɔdɔ̄ i Kɔ́ɔ̄ɓē Nə́ɓā yājí n ɔr̄jí kə bɔbə̄jí gēé kɔ̄ɔ́ kem ɓē kə́ Ejiptə tə́ ní, ni-rāā yá̰á̰ kə́ yáā kə́ bo ngá̰ý gə̄ ta kumjí tə́ adə̄ j-a̰ā̰. I ni n ngɔ̄m̄jí dɔ róbə́ kə́ ngāl̄ ngá̰ý ń njə̄rā tū tə́ ní ō, dan gír de gə̄ malang ń jə-mān̄ dandə́ tə́ ní ō.

Bible sar

¹⁷ Tɔdɔ̄ i Kɔ́ɔ̄ɓē Nə́ɓā yājí n ɔr̄jí kə bɔbə̄jí gēé kɔ̄ɔ́ kem ɓē kə́ Ejiptə tə́ ní, ni-rāā yá̰á̰ kə́ yáā kə́ bo ngá̰ý gə̄ ta kumjí tə́ adə̄ j-a̰ā̰. I ni n ngɔ̄m̄jí dɔ róbə́ kə́ ngāl̄ ngá̰ý ń njə̄rā tū tə́ ní ō, dan gír de gə̄ malang ń jə-mān̄ dandə́ tə́ ní ō.

JOJUE 24:17 Referans Kwoze

Teē Ngán Israel gə̄ 19:4

Sḭḭ̄ kɔ́ gə̄ á̰a̰ī yá̰á̰ ń m̄-rāā kə de kə́ Ejiptə gēé ní ō, á̰a̰ī loo reē ń m̄-reē sesí rɔ̄ḿ tə́ laā ngɔr tītə̄ kə̄rō kə́ ɔy ngánən gə̄ dɔ bɔ̄gə̄n tə́ ní ō.

IJAI 46:4

M-ā m̄-to i kum gotəḿ bátə́ ɓə́gásí tə́. M-ā m-ə̄tōsí bátə́ kadə̄ nənga dɔsí ndaań. I mā n m̄-rāāsí ní, i mā n m-ā m-ə̄tōsí ní. A̰á̰ā̰, m-ā m-á̰a̰ gōsí ō, m-ā m-ájə́sí ō.

JOJUE 24:16

Ngán Israel gə̄ tūr̄ ədan̄ na: Jə-gír̄ kəya̰ Kɔ́ɔ̄ɓē kɔ̄ɔ́ ba rāań ɓesə̄ gə̄ alé.

JOJUE 24:18

I ni n tə̄ɓā gír de gə̄ malang kɔ̄ɔ́ nojí tə́ ní ō. I ni n tə̄ɓā Amor gə̄ ń ndin̄ dɔ nang ń toō tə́ ní. J-a jə-rāā kəla yā Kɔ́ɔ̄ɓē ō, tɔdɔ̄ i ni n i Nə́ɓā yājí ní.

Teē Ngán Israel gə̄ 13:3

Moijə əda ngán Israel gə̄ na: Ādə̄ əga kemsí dɔ ndɔ̄ ń Kɔ́ɔ̄ɓē ɔrə̄ńsí ɓəloó kɔ̄ɔ́ dɔ nang kə́ Ejiptə tə́ ní, tɔdɔ̄ ni teē sesí i kə tɔ́gə jīneé. Deē a əsa mápá kə́ rāā kə kaa mápá alé.

Teē Ngán Israel gə̄ 13:14

Ré ndɔ̄n tə́ ngáńsí gə̄ a dəjen̄sí na ké ā ī-rāāī yá̰á̰ ń toō i tām̄ yā rí tə́ wa anī, ī-téĺ ə́daīdə́ na ɓē kə́ Ejiptə ń sḭḭ̄ i ɓəlo gə̄ kemeé ní Kɔ́ɔ̄ɓē na teē sesí kɔ̄ɔ́ kemeé i kə ta kūl̄ tɔ́gən kə́ dum̄ ta yá̰a̰ malang.

NDŪ NAJƏ̄ 7:19

Ādə̄ əga kemsí dɔ yá̰a̰ nāā kə́ ngan̄g ngá̰ý gə̄ ń reē nāańdə́ adə̄ á̰a̰ī kə kumsí ní ō, dɔ yá̰á̰ kə́ tō ɓōĺ ngá̰ý gə̄ ń ni-rāā tə́ ní ō, ādə̄ əga kemsí dɔ tɔ́gə jīn tə́ ō, jīn kə́ kəla kə̄ dɔɔ́ tə́ ń teēń sesí kɔ̄ɔ́ kem ɓē kə́ Ejiptə tə́ ní ō. Yá̰á̰ ń Kɔ́ɔ̄ɓē Nə́ɓā yāsí rāā sedə́ ní, a rāā kə gír de gə̄ malang ń ī-ɓōlíīdə́ ní.

NDŪ NAJƏ̄ 29:2

Yá̰a̰ nāā kə́ ngan̄g gə̄ ń əngedə́ ní ō, yá̰a̰ gə̄ ń Nə́ɓā rāādə́ yā kɔjəń yá̰á̰ ní ō, yá̰á̰ kə́ yáā kə́ to ɓōĺ gə̄ ń ni rāādə́ ní ō, sḭḭ̄ á̰a̰ī kə kumsí.

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

2 YÁ̰A̰ GƏ̄ 13:10

Banī yājí jḭḭ ɓáa i Kɔ́ɔ̄ɓē n i Nə́ɓā yājí ní ō, j-əya̰n kɔ̄ɔ́ aĺ ō. Lojí ɓáa ngé tun̄ yá̰a̰ gə̄ ń a rāān̄ kəla yā Kɔ́ɔ̄ɓē ní i de kə́ gír kaa yā Aaro̰ tə́ gə̄ ō, ngán Lebi gə̄ rāān̄ kə yādə́ gə̄ ō.