JOJUE 24:13 - Bibəl ta Sar̄

¹³ Adə̄ m-ādə̄sí dɔ nang kə́ á̰a̰ī tápə̄ loo ndɔr̄ tə́ tū tə́ kété aĺ ō, m-ādə̄sí ɓē gə̄ kə́ i sḭḭ̄ n ī-rāāī alé adə̄ ī-ndiī kemeé ō, m-ādə̄sí kāgə̄ nduú gə̄, kə kāgə̄ olibə gə̄ kə́ i sḭḭ̄ n ə̄ndāī alé, adə̄ ə́saī kan̄də́ gə̄ ō.

Bible sar

¹³ Adə̄ m-ādə̄sí dɔ nang kə́ á̰a̰ī tápə̄ loo ndɔr̄ tə́ tū tə́ kété aĺ ō, m-ādə̄sí ɓē gə̄ kə́ i sḭḭ̄ n ī-rāāī alé adə̄ ī-ndiī kemeé ō, m-ādə̄sí *kāgə̄ nduú gə̄, kə *kāgə̄ olibə gə̄ kə́ i sḭḭ̄ n ə̄ndāī alé, adə̄ ə́saī kan̄də́ gə̄ ō.

JOJUE 24:13 Referans Kwoze

NDŪ NAJƏ̄ 8:7

Kɔ́ɔ̄ɓē Nə́ɓā yāsí a aw̄ sesí i dɔ nang kə́ majə tə́, i dɔ nang kə́ man̄ a nūgə́ tū tə́ ō, man̄ kə́ teē nang tə́ gə̄ a nūgə́n̄ tū tə́ ō, man̄ kə́ gíŕ nángāá gə̄ a kə̄rān̄ tū tə́ kum wól loo gə̄ tə́ ō, dɔ mbal̄ gə̄ tə́ ō.

Gōsə̄ najə̄ gə̄ 13:22

De kə́ majə əya̰ yá̰a̰ ndəbā adə̄ ngán kaan gə̄, banī yá̰a̰ kənge yā de kə́ nge rāā yá̰a̰ majaĺ a to tām̄ yā de kə́ súmūú tə́.

JOJUE 21:45

Najə̄ kə́ majə gə̄ malang ń Kɔ́ɔ̄ɓē əda ngán Israel gə̄ ní kógə̄ḿ ké to karī gətóo, rāān̄ yá̰a̰ malang.

JOJUE 11:13

Ɓá tā ba ɓē gə̄ ń tə́ndān̄də́ dɔ loo kə́ kḭḭ kə̄ dɔɔ́ gə̄ tə́ ní, Israel gə̄ tə́lan̄ hor dɔ tə́ alé. I ɓē kə́ Hasor ngóy n Jojue əla hor dɔ tə́ ní.

Teē Ngán Israel gə̄ 6:8

M-ā m-ɔ́ŕsí ta róbə yā kaw̄ sesí dɔ nang ń m-ə̄nī ndūḿ m-ādə̄ Abəraham ō, Isaak ō, Jakob ō, najə̄n tə́ ní. M-ā m-ādə̄sí dɔ nang ní kadə̄ tél yá̰a̰ yāsí. Mā i Kɔ́ɔ̄ɓē.

NDŪ NAJƏ̄ 19:1

Kɔ́ɔ̄ɓē Nə́ɓā yāí a nujə nápar de kə́rēý gə̄, ba a adī dɔ nang yādə́. I beé n ā ī-taāń dɔ nang yādə́ ō, ā ī-ndiń kem ɓē yādə́ gə̄ tə́ ō, kem kújə yādə́ gə̄ tə́ ō ní.