JOJUE 24:12 - Bibəl ta Sar̄

¹² M-ə́la kə gəmbā gēé adə̄ tə̄ɓān̄ mban̄g kə́ jōó gə̄ yā Amor gə̄ kɔ̄ɔ́ nosí tə́. Tū yá̰a̰ gə̄ ń noō tə́ malang ní, kaskar yāsí gə̄, kə ga̰ gərā yāsí gə̄ rāān̄ yá̰á̰ kógə̄ḿ alé.

Bible sar

¹² M-ə́la kə gəmbā gēé adə̄ tə̄ɓān̄ mban̄g kə́ jōó gə̄ yā Amor gə̄ kɔ̄ɔ́ nosí tə́. Tū yá̰a̰ gə̄ ń noō tə́ malang ní, kaskar yāsí gə̄, kə ga̰ gərā yāsí gə̄ rāān̄ yá̰á̰ kógə̄ḿ alé.

JOJUE 24:12 Referans Kwoze

NDŪ NAJƏ̄ 7:20

A əla gəmbā gə̄ dɔdə́ tə́ kadə̄ túrə̄n̄də́ gə̄gē ɓáý. Ngé gə̄ ń teēn̄ ta yo tə́ jīsí tə́ á a̰ȳ ɓɔ̄ɔ̄n̄ rɔ̄də́ ní gə̄gē a gətóon̄ kɔ̄ɔ́ malang.

Teē Ngán Israel gə̄ 23:28

M-ā m-ə́la kə gəmbā gēé kété nosí tə́ kadə̄ tə̄ɓān̄ Hibi gə̄ kə Kanaan gə̄ kə Het gə̄ kɔ̄ɔ́ pá tá kadə̄ ā ūgī ɓáý.

Teē Ngán Israel gə̄ 23:31

Dɔ nang yāsí a əla gír i bā tə̄ɓā gə̄ tə́ yā kugə̄ń bā bo yā Pilistin gə̄ tə́ ō, a ḭḭ dəla loo ń mbal̄ Sinai ra tū tə́ ní tə́ yā kugə̄ń bā Opəratə tə́ ō. Dan ń m-ā m-ə́la de kə́ kem ɓēé gə̄ kem jīsí tə́ adə̄ ā ī-tə̄ɓāīdə́ kɔ̄ɔ́ nosí tə́ anī,

PĀ GƏ̄ 80:9

Kāgə̄ nduú ń ɔ̄rən Ejiptə tə́ ní, ḭ̄ ī-tə̄ɓā nápar de gə̄ kɔ̄ɔ́ ba ī-téĺ ə́hɔn rang.

TƏ́DA 21:31

Ngán Israel gə̄ ndin̄ dɔ nang yā Amor gə̄ tə́ i beé:

TƏ́DA 21:32

Moijə əla de gə̄ kadə̄ aw̄ əndān̄ ma̰ȳ ɓē kə́ Yajer. Gō tə́ anī ngán Israel gə̄ aw̄ taān̄ ɓē ní ō, taān̄ ngán ɓē kə́ kadə tə́ gə̄ ō, ba tə̄ɓān̄ Amor gə̄ ń ndin̄ kemeé kété ní kɔ̄ɔ́.

NDŪ NAJƏ̄ 4:46

Dan ń noō tə́ ní nin̄ i gidə bā Jurdḛ kə́ dām̄ kə́ gír ɓē tə́, kum wól loo ń ra sɔɔ̄n̄ ta naā kə Bet Peor ní tə́, dɔ nang yā Sihon mban̄g yā Amor gə̄ tə́. Mban̄g Sihon ndi i Hesəbon. Banī Moijə nin̄ kə ngán Israel gə̄ tetənən̄ rɔ̄ɔ̄ kɔ̄ɔ́ ba taān̄ dɔ nang yān.

NDŪ NAJƏ̄ 4:47

Nin̄ taān̄ dɔ nang yā Og mban̄g kə́ Basan ō. Mban̄g kə́ jōó gə̄ ń toō o̰o̰n̄ ɓē i gidə bā Jurdḛ kə́ dām̄ kə́ dūn̄ ɓē tə́. Nin̄ i Amor gə̄.

NDŪ NAJƏ̄ 31:4

Kɔ́ɔ̄ɓē a nujə nápar de gə̄ ń noō tītə̄ ń nujəń mban̄g yā Amor gə̄ ń i Sihon nin̄ kə Og ní ō, tītə̄ ń nujəń ɓē yādə́ sák sák kɔ̄ɔ́ ní ō.

JOJUE 2:10

Tɔdɔ̄ j-oō kadə̄ Kɔ́ɔ̄ɓē rāā adə̄ bā tə̄ɓā gə̄ ḭḭ kɔ̄ɔ́ nosí tə́ adə̄ ī-manīneé dan ń ī-teēī kɔ̄ɔ́ kem ɓē kə́ Ejiptə tə́ ní ō, j-oō kadə̄ ī-tɔ̄lī mban̄g kə́ jōó gə̄ yā Amor gə̄ ń ndin̄ gidə bā Jurdḛ tə́ ní, adə̄ i mban̄g Sihon ō, mban̄g Og ō, tá na ī-nujiī yá̰a̰ yādə́ gə̄ kɔ̄ɔ́ malang tām̄ yā Nə́ɓā tə́ ɓáý to̰ ō.

PĀ GƏ̄ 80:10

Ḭ̄ ī-rāā loo adə̄ unjə̄ no kāgə̄ nduú ní tə́. Loo ń noō tə́ ní tə́la ngəran gə̄ ō, taā loo malang kem ɓēé ō.

PĀ GƏ̄ 135:11

mban̄g gə̄ ní i Sihon mban̄g yā Amor gə̄ ō, Og mban̄g kə́ Basan ō, mban̄g gə̄ malang kə́ Kanaan ō.