JOJUE 24:11 - Bibəl ta Sar̄

¹¹ Ī-teēī bā Jurdḛ ba ī-reē ūgī Jeriko. De kə́ Jeriko gə̄ rɔ̄ɔ̄n̄sí ō, Amor gə̄, kə Periji gə̄, kə Kanaan gə̄, kə Het gə̄ kə Girgas gə̄, kə Hibi gə̄ kə Yebus gə̄ rɔ̄ɔ̄n̄sí ō. Banī m-ə́ládə́ kem jīsí tə́ malang.

Bible sar

¹¹ Ī-teēī bā Jurdḛ ba ī-reē ūgī Jeriko. De kə́ Jeriko gə̄ rɔ̄ɔ̄n̄sí ō, *Amor gə̄, kə Periji gə̄, kə Kanaan gə̄, kə Het gə̄ kə Girgas gə̄, kə Hibi gə̄ kə Yebus gə̄ rɔ̄ɔ̄n̄sí ō. Banī m-ə́ládə́ kem jīsí tə́ malang.

JOJUE 24:11 Referans Kwoze

KƏLA RĀĀ 13:19

Ni nujə nápar de kə́ rang gə̄ gír sīrí dɔ nang kə́ Kanaan tə́, ba tél kə dɔ nang yādə́ adə̄ gír deē yān gə̄ kadə̄ télən̄ kɔ́ɔ̄n.

KƏLA RĀĀ 7:45

Kaají gə̄ taān̄ kújə tandā ní udən̄neé kə Jojue nge kɔr nodə́ kem ɓē ń nin̄-taān̄ jī nápar de gə̄ ń Nə́ɓā tə̄ɓādə́ kɔ̄ɔ́ nodə́ tə́ ní tə́. Kújə́ ní ndi noó bátə́ ugə̄ ɓāl̄ yā Dabid tə́.

PĀ GƏ̄ 114:5

Bā bo, ā̰ȳ i tām̄ rí tə́? Bā Jurdḛ, ī-tél kə gōí i tām̄ rí tə́?

PĀ GƏ̄ 114:3

Bā bo a̰a̰də́ anī a̰ȳ kɔ̄ɔ́ ō, bā Jurdḛ a̰a̰də́ anī tél kə gōneé ō,

PĀ GƏ̄ 105:44

Adə̄də́ dɔ nang yā nápar de kə́ rang gə̄. Nin̄-teēn̄ dɔɔ́ kə tətō de kə́ rang gə̄ ń rāān̄ kəla ní,

JOJUE 4:23

Tɔdɔ̄ Kɔ́ɔ̄ɓē Nə́ɓā yāsí rāā adə̄ bā Jurdḛ iī kɔ̄ɔ́ adə̄ ī-mānīiń, tītə̄ ń ni rāań adə̄ bā tə̄ɓā gə̄ iīń kɔ̄ɔ́ tām̄ yājí tə́ adə̄ jə-mānəń ní.

NDŪ NAJƏ̄ 7:1

Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.

Teē Ngán Israel gə̄ 23:23

Ré deē yāḿ kə́ dɔ rā̰ tə́ ɔr nosí aw̄ sesí ɓē yā Amor gə̄ tə́ ō, Het gə̄ tə́ ō, Periji gə̄ tə́ ō, Kanaan gə̄ tə́ ō, Hibi gə̄ tə́ ō, Yebus gə̄ tə́ ō, adə̄ m̄-nujədə́ malang kɔ̄ɔ́ anī,

TA KƏLA 15:19

Dɔ nang yā Keni gə̄ yā Keniji gə̄ yā Kadəmon gə̄

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

Teē Ngán Israel gə̄ 3:17

Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.

Teē Ngán Israel gə̄ 13:5

Loo ń Kɔ́ɔ̄ɓē aw̄ sesí adə̄ ūgī dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Hibi gə̄ tə́ ō, Yebus gə̄ tə́ ō anī, ā ī-rāāī nāā yā kadə̄ əgań kemsí dɔ yá̰á̰ ń rāā yá̰a̰ kem nāā ń toō tə́ ní kə dɔ ɓāl̄ gə̄. Dɔ nang ní i dɔ nang ń ni-ənī míndən dɔ tə́ adə̄ kaasí gə̄ yā kadə̄sí ní. I dɔ nang kə́ mba ō, yibə̄ tejə ō i ngá̰ý tū tə́.

Teē Ngán Israel gə̄ 23:28

M-ā m-ə́la kə gəmbā gēé kété nosí tə́ kadə̄ tə̄ɓān̄ Hibi gə̄ kə Kanaan gə̄ kə Het gə̄ kɔ̄ɔ́ pá tá kadə̄ ā ūgī ɓáý.

Teē Ngán Israel gə̄ 23:31

Dɔ nang yāsí a əla gír i bā tə̄ɓā gə̄ tə́ yā kugə̄ń bā bo yā Pilistin gə̄ tə́ ō, a ḭḭ dəla loo ń mbal̄ Sinai ra tū tə́ ní tə́ yā kugə̄ń bā Opəratə tə́ ō. Dan ń m-ā m-ə́la de kə́ kem ɓēé gə̄ kem jīsí tə́ adə̄ ā ī-tə̄ɓāīdə́ kɔ̄ɔ́ nosí tə́ anī,

Teē Ngán Israel gə̄ 33:2

Na n-a n-əla deē yān kə́ dɔ rā̰ tə́ kété nodə́ tə́ ō,, na n-a n-tə̄ɓā Kanaan gə̄ ō, Amor gə̄ ō, Het gə̄ ō, Periji gə̄ ō, Hibi gə̄ ō, Yebus gə̄ ō kɔ̄ɔ́.

JOJUE 3:10

Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō:

JOJUE 4:1

Dan ń ngán Israel gə̄ malang teēn̄ bā Jurdḛ oy anī, Kɔ́ɔ̄ɓē əda Jojue na:

JOJUE 4:19

Ngán Israel gə̄ teēn̄ bā Jurdḛ i kə ndɔ̄ kə́ nge ko̰ kutə yā nāā kə́ ta kəga dɔ. Aw̄ ndin̄ Gilgal ba rāān̄ gérger yādə́ loo ń nuū tə́. Ré deē ra Jeriko anī, loo ń ndin̄ tū tə́ ní i kə̄ dām̄ kə́ gír ɓē tə́.

JOJUE 9:2

əndān̄ rɔ̄də́ naā tə́ yā rɔ̄ɔń Jojue ō, ngán Israel gə̄ ō.