JOJUE 23:9 - Bibəl ta Sar̄

⁹ ni a tə̄ɓā nápar de gə̄ kə́ nin̄ i ngá̰ý ō, ngangə̄n̄ ngá̰ý ō, kɔ̄ɔ́ nosí tə́ yā kadə̄ńsí dɔ nang yādə́.

Bible sar

⁹ ni a tə̄ɓā nápar de gə̄ kə́ nin̄ i ngá̰ý ō, ngangə̄n̄ ngá̰ý ō, kɔ̄ɔ́ nosí tə́ yā kadə̄ńsí dɔ nang yādə́.

JOJUE 23:9 Referans Kwoze

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

NDŪ NAJƏ̄ 11:23

gíŕ nápar de gə̄ ń kutədə́ tɔȳ yāsí ō, tɔ́gə́də́ tɔȳ yāsí ō ní, Kɔ́ɔ̄ɓē a tə̄ɓādə́ kɔ̄ɔ́ nosí tə́ kadə̄ ā ī-taāī dɔ nang yādə́.

JOJUE 23:5

Kɔ́ɔ̄ɓē Nə́ɓā yāsí nəkɔ́ a tə̄ɓādə́ kɔ̄ɔ́ kadə̄ a̰ȳn̄ naā nosí tə́, adə̄ ā ī-taāī dɔ nang yādə́ yā ndi tū tə́ tītə̄ ń Kɔ́ɔ̄ɓē Nə́ɓā yāsí ədańsí ní.

Teē Ngán Israel gə̄ 23:30

M-ā m̄-tə̄ɓādə́ nosí tə́ kɔ̄ɔ́ i jəke jəke yā kadə̄ ójiīneé naā ngá̰ý ī-taāīneé ɓē.

JOJUE 15:14

Gír kojə yā Sesay ō, Ahiman ō, Talmai ō n nin̄ i ngán kaa Anak gə̄ ní, ndin̄ kem ɓē ní tə́, banī Kaleb tə̄ɓādə́ kɔ̄ɔ́ ba taāń ɓē.

NDŪ NAJƏ̄ 7:24

A əla mban̄g yādə́ gə̄ jīsí tə́ kadə̄ deē a ɓāŕ rīdə́ dɔ nang tə́ to̰ alé. Mban̄g kə́ yā dum̄ tasí a gətóo. A ī-tɔ̄līdə́ kɔ̄ɔ́ malang.

KƏLA RĀĀ 7:45

Kaají gə̄ taān̄ kújə tandā ní udən̄neé kə Jojue nge kɔr nodə́ kem ɓē ń nin̄-taān̄ jī nápar de gə̄ ń Nə́ɓā tə̄ɓādə́ kɔ̄ɔ́ nodə́ tə́ ní tə́. Kújə́ ní ndi noó bátə́ ugə̄ ɓāl̄ yā Dabid tə́.

Teē Ngán Israel gə̄ 23:23

Ré deē yāḿ kə́ dɔ rā̰ tə́ ɔr nosí aw̄ sesí ɓē yā Amor gə̄ tə́ ō, Het gə̄ tə́ ō, Periji gə̄ tə́ ō, Kanaan gə̄ tə́ ō, Hibi gə̄ tə́ ō, Yebus gə̄ tə́ ō, adə̄ m̄-nujədə́ malang kɔ̄ɔ́ anī,

JOJUE 23:8

Ə́hɔī gō Kɔ́ɔ̄ɓē Nə́ɓā yāsí, tītə̄ ń ī-rāāīń bátə́ ɓōólaā ní anī,

JOJUE 24:18

I ni n tə̄ɓā gír de gə̄ malang kɔ̄ɔ́ nojí tə́ ní ō. I ni n tə̄ɓā Amor gə̄ ń ndin̄ dɔ nang ń toō tə́ ní. J-a jə-rāā kəla yā Kɔ́ɔ̄ɓē ō, tɔdɔ̄ i ni n i Nə́ɓā yājí ní.

1 MBAN̄G GƏ̄ 21:26

Ni-rāā yá̰á̰ kə́ majaĺ ngá̰ý tɔdɔ̄ ni rāā ɓesə̄ gə̄ tītə̄ yā Amor gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní.

2 YÁ̰A̰ GƏ̄ 20:7

Nə́ɓā yājí, i ḭ̄ n ī-tə̄ɓā de kə́ dɔ nang ń toō tə́ gə̄ kɔ̄ɔ́ no Israel ń i gír deē yāí gə̄ ní tə́, ba ādə̄ ngán kaa madí Abəraham dɔ nang ń toō kə́ yādə́ tə́ ní aĺ a?