JOJUE 23:7 - Bibəl ta Sar̄

⁷ Ī-lōōī kaw̄ dan nápar de gə̄ ń ndin̄ rɔ̄sí tə́ ní ō, ɓāŕ rī ɓesə̄ yādə́ gə̄ ō, túbə kə rī ɓesə̄ yādə́ gə̄ ō, rāā ɓesə̄ yādə́ gə̄ ō, kəso kə̄ nang tə́ kə̄ no ɓesə̄ yādə́ gə̄ tə́ yā rɔȳndə́ ō.

Bible sar

⁷ Ī-lōōī kaw̄ dan nápar de gə̄ ń ndin̄ rɔ̄sí tə́ ní ō, ɓāŕ rī ɓesə̄ yādə́ gə̄ ō, túbə kə rī ɓesə̄ yādə́ gə̄ ō, rāā ɓesə̄ yādə́ gə̄ ō, kəso kə̄ nang tə́ kə̄ no ɓesə̄ yādə́ gə̄ tə́ yā rɔȳndə́ ō.

JOJUE 23:7 Referans Kwoze

Teē Ngán Israel gə̄ 23:13

Ā ə̄ndāī kumsí gíŕ yá̰a̰ gə̄ ń m-ɔ́jə́sí kadə̄ ī-rāāī tə́ ní malang. Ā ī-ɓāríī ɓesə̄ gə̄ ń i nə́ɓā kə́ rang gə̄ ní kadə̄ dḭḭ̄n̄sí aĺ ō, ādī deē oō rīdə́ tasí tə́ aĺ ō.

JEREMI 5:7

Ń noō ní, loo kadə̄ m-ā m̄-mā̰ȳ rɔ̄ḿ dɔí tə́ i ba̰ý? Ngání gə̄ mbātə́mə̄n̄ kɔ̄ɔ́, ba túbə̄n̄ kə rī nə́ɓā kə́ rɔ̄kum aĺ gə̄. M-ādə̄də́ yá̰a̰ malang, banī nin̄ rāān̄ rāȳ. Nin̄ rɔ̄ɔ̄n̄ naā dɔ loo tə́ kem kújə yā dəyá̰ ájə́ba tə́.

PĀ GƏ̄ 16:4

nujən̄ loo ngɔlaā tɔȳ kə́ kété ɓáý. De gə̄ bə̄gān̄ naā aw̄n̄ gōdə́ tə́. Banī mā m-ā m̄-tə́té mósə nang tə́ yā ndējə̄də́ to̰ aĺ ō taḿ a əda rīdə́ to̰ aĺ ō.

Teē Ngán Israel gə̄ 23:33

Ā ə́ya̰īdə́ kadə̄ ndin̄ dɔ nang yāsí tə́ alé, na sōgə́ rāān̄sí adə̄ ī-mānī dɔ ndū najə̄ yāḿ. Tɔdɔ̄ ré ī-ndɔ̄yī ɓesə̄ yādə́ gə̄ anī, ā ə̄sōī kum gūmbə̄ rāā ɓesə̄ tə́.

EPEJƏ 5:11

Kəla kə́ rāā tilií gə̄ ń i kəla kə́ teē yá̰a̰ aĺ gə̄ ní, i-lōōī rāā sedə́, banī ī-teēī kə gíŕdə́ ndágá.

1 KORḚNTƏ 15:33

Ādī síndə̄sí alé: De kə́ háĺdə́ majaĺ gə̄ ń deē njə̄rā sedə́ ní a nujən̄ háĺ kə́ majə yā deē.

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.

Gōsə̄ najə̄ gə̄ 4:14

Ī-lōō ndájə̄ háĺ ngé kem ndul gə̄ ō, ī-lōō kun róbə yā ngé rāā yá̰á̰ kə́ majaĺ gə̄ ō.

JOJUE 23:12

Ré ī-tūrī gidəsí kɔ̄ɔ́ ta Kɔ́ɔ̄ɓē tə́ ba ī-ɓoī naā kə nápar de gə̄ ń ndin̄ rɔ̄sí tə́ nói ō, ī-táāī ngáńdə́ kə dəyá̰ gə̄ ō, āwī loodə́ ō, nin̄ reēn̄ loosí ō anī,

OJEE 2:17

Loo ń noō tə́ m-ā m̄-tél kə ndɔr̄ ngán kāgə̄ nduú yān gə̄ yā kadə̄n gogə́ ō, wól loo kə́ Akor ń i wól loo yā yá̰á̰ kə́ to kum tō ndoō ní, m-ā m̄-rāā kadə̄ a tél ta róbə kəndā kem dɔ yá̰á̰ tə́ ō. Loo ń noō tə́ ni a un gōḿ tītə̄ ń unəń gōḿ kə gōn̄ dūúneé ní, tītə̄ ń unəń gōḿ dan ń ni teēń kɔ̄ɔ́ kem ɓē kə́ Ejiptə tə́ ní.

TƏ́DA 32:38

Nebo ō, Baal Meon ō, Sibəma ō gogə́ rang, ba tə́ndān̄ rī kə́ kijə gə̄ dɔ tə́.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

NDŪ NAJƏ̄ 6:13

I ni ngóy n ā ī-ɓōlíī ndílən ō, ā ī-ndɔ̄ȳniī ō, ā ī-túbiī kə rīneé ō ní.

NDŪ NAJƏ̄ 10:20

I Kɔ́ɔ̄ɓē Nə́ɓā yāsí n ā ī-ɓōlíī ndílən ō, ā ī-rāāī kəla yān ō, ā ə́hɔī gōn ō, ā ə̄nīī ndūsí i kə rīneé ō ní.

JOJUE 23:8

Ə́hɔī gō Kɔ́ɔ̄ɓē Nə́ɓā yāsí, tītə̄ ń ī-rāāīń bátə́ ɓōólaā ní anī,

JEREMI 12:16

Ba ré nin̄ ndóōn̄ kun háĺ kə́ majə tītə̄ yā gír deē yāḿ gə̄ ō, ré túbə̄n̄ kə rīḿ ədan̄ na: Tītə̄ ń Kɔ́ɔ̄ɓē ndiń kə kumneé noō, tītə̄ ń ɔjən̄neé gír deē yāḿ gə̄ loo túbə̄ kə rī Baal ō ní anī, a əngen̄ loo yā ndiń dan gír deē yāḿ gə̄ tə́.

TƏ́DA 33:55

Ba ré ī-tə̄ɓāī de gə̄ kə́ dɔ nang kə́ Kanaan tə́ nosí tə́ kɔ̄ɔ́ malang aĺ anī, ngé gə̄ ń ā ə́ya̰īdə́ ní, a télən̄ kōn̄ gə̄ kə́ a ran̄ kumsí tə́ ō, kōn̄ gə̄ kə́ a ran̄ ngēl̄ kadəsí tə́ ō. Nin̄ a ənīn̄sí rɔ̄ɔ̄ kə̄ nja naā tə́ kem ɓē ń ā ī-ndiī tū tə́ ní tə́.

NDŪ NAJƏ̄ 6:14

Ā ə́laī dɔsí gír ɓesə̄ gə̄ yā gír de kə́ rang gə̄ ń ndin̄ gīrə̄n̄ gidəsí tə́ ní alé.

2 MBAN̄G 5:18

Banī m̄-dəje Kɔ́ɔ̄ɓē mā̰ȳ rɔ̄ tām̄ yā yá̰á̰ ń toō tə́: ré kɔ́ɔ̄ḿ ń i mban̄g kə́ Aram ní a udə kújə yā nə́ɓā yān ń i ɓesə̄ Rimon ní tə́ yā ndɔ̄yn anī, m-ā m-údə seneé yā kɔsə noḿ nang tə́ seneé, tɔdɔ̄ ni a ndə̄nā rɔ̄n i tū jīḿ tə́. Ní ādə̄ Kɔ́ɔ̄ɓē mā̰ȳ rɔ̄n dɔḿ tə́ tām̄ yā yá̰á̰ ń noō ń m-ā m̄-rāā tə́ ní.

2 MBAN̄G 17:12

Ndɔ̄ȳn̄ ɓesə̄ gə̄ ń Kɔ́ɔ̄ɓē ɔgə̄də́ ndɔ̄ȳ ní.

2 YÁ̰A̰ GƏ̄ 7:19

Banī ré ī-tūrī gidəsí kɔ̄ɔ́ taḿ tə́, ré ī-mbātíī rāā yá̰a̰ gə̄ ń ndū najə̄ yāḿ ədasí kadə̄ ī-rāāī ní ō, ī-mbātíī rāā gō míndə́ḿ gə̄ ní ō, ré āw̄ ī-rāāī kəla adī ɓesə̄ gə̄ ō, ə̄sōī kə̄ nang tə́ nodə́ tə́ ī-rɔyīdə́ ō anī,