JOJUE 23:6 - Bibəl ta Sar̄

⁶ Adə̄ ī-raī ngan̄g dɔ yá̰a̰ malang ń i kə́ ndang kem makətūbə̄ ndū najə̄ yā Moijə tə́ ní ō, ə̄ndāī kumsí gírí ī-rāāī kanjə̄ tɔ̄ɔ̄ kaw̄ geleé ō, ko̰ó̰ ō.

Bible sar

⁶ Adə̄ ī-raī ngan̄g dɔ yá̰a̰ malang ń i kə́ ndang kem makətūbə̄ *ndū najə̄ yā Moijə tə́ ní ō, ə̄ndāī kumsí gírí ī-rāāī kanjə̄ tɔ̄ɔ̄ kaw̄ geleé ō, ko̰ó̰ ō.

JOJUE 23:6 Referans Kwoze

NDŪ NAJƏ̄ 28:14

Ni a rāā majə seí tɔdɔ̄ ī-tɔ̄ɔ̄ geleé aĺ ō, ko̰ó̰ aĺ ō, dɔ róbə gə̄ malang ń m-ɔ́jə́sí ɓōólaā tə́ ní ō, ī-ndɔ̄ȳ ɓesə̄ gə̄ ń i nə́ɓā kə́ rang gə̄ ní aĺ ō.

NDŪ NAJƏ̄ 5:32

Yá̰á̰ ń Kɔ́ɔ̄ɓē Nə́ɓā yāsí ədasí ní, ə̄ndāī kumsí gírí ī-rāāī kə gōó kanjə̄ tɔ̄ɔ̄ geleé aláa ko̰ó̰.

HEBƏRO 12:4

Sḭḭ̄ ə́hɔī rɔ̄sí tɔgə loo rɔ̄ɔ̄ tə́ kə majaĺ, bátə́ óyiīneé aĺ ɓáý.

NDŪ NAJƏ̄ 17:20

I beé n a ɔjəń rɔ̄n dɔ ngákó̰o̰n gə̄ tə́ aĺ ō, a tɔ̄ɔń geleé aláa ko̰ó̰ dɔ róbə́ ń gō míndə ɔjə ní tə́ aĺ ō ní. Loo ń noō tə́ ni gə̄gē, ngánən gə̄gē, ngán kaan gə̄gē, a o̰o̰n̄ ɓē ta kaw̄ jóo dɔ ngán Israel gə̄ tə́.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

JEREMI 9:3

Ə̄ndāī kum kedə̄ dɔ rɔ̄sí tə́ kə naá. Ī-lōōī kənī kemsí kadə̄ ngōkó̰ó̰sí deē, tɔdɔ̄ ngákó̰o̰ naā gə̄ malang gerə̄n̄ i kəla mbóo dɔ naā tə́ ō, madə̄ naā gə̄ malang i ngé tétə̄ najə̄ dɔ naā tə́ ō.

PĀ GƏ̄ 101:3

Yá̰á̰ ń i yá̰á̰ kə́ gōtə́ aĺ ní, m-ā m̄-mbel yā ka̰ā̰ aĺ bátə́. M-ā m̄-kídə̄ túy taā kem, ni a ndetə kadəḿ ngɔr aĺ bátə́.

PĀ GƏ̄ 119:102

Ndū gə̄ ń ḭ̄ ī-ra dɔ tə́ ní, mā m̄-tūr̄ gidəḿ ta tə́ kɔ̄ɔ́ alé, tām̄ i ḭ̄ n ī-ndóōm̄ ní.

1 MBAN̄G GƏ̄ 2:3

Ī-ngɔ̄m̄ yá̰a̰ gə̄ ń Kɔ́ɔ̄ɓē Nə́ɓā yāí əda kadə̄ yā ngɔ̄m̄ ní ō, ún gō róbə yān gə̄ ō, ī-ngɔ̄m̄ ndū najə̄ yān gə̄ ō, gō míndə gə̄ ń ni-əda kadə̄ yā rāā ní ō, jī bēl̄ loo rāā yá̰a̰ yān gə̄ ō, ī-rāā yá̰a̰ gə̄ ń ni-ɔsə seí ta rāā ní ō, tītə̄ ń i kə́ ndangəń kem ndū najə̄ yā Moijə tə́ ní. I beé tá yá̰a̰ malang ń ā ī-rāā ní a teē yá̰a̰ majə.