JOJUE 23:16 - Bibəl ta Sar̄

¹⁶ Ré ī-mānī dɔ ndū najə̄ ń Kɔ́ɔ̄ɓē Nə́ɓā yāsí rāań madə̄ naā sesí ní ba āw̄ ī-rāāī ɓesə̄ gə̄ ō, ə̄sōī kə̄ nang tə́ nodə́ tə́ ī-rɔyīńdə́ ō anī, wōn̄g yān a ḭḭ seneé, adə̄ a rāā kadə̄ ī-gətóoī kɔ̄ɔ́ láẃ ngá̰ý dɔ nang kə́ majə ń adə̄sí tə́ ní.

Bible sar

¹⁶ Ré ī-mānī dɔ *ndū najə̄ ń Kɔ́ɔ̄ɓē Nə́ɓā yāsí rāań madə̄ naā sesí ní ba āw̄ ī-rāāī ɓesə̄ gə̄ ō, ə̄sōī kə̄ nang tə́ nodə́ tə́ ī-rɔyīńdə́ ō anī, wōn̄g yān a ḭḭ seneé, adə̄ a rāā kadə̄ ī-gətóoī kɔ̄ɔ́ láẃ ngá̰ý dɔ nang kə́ majə ń adə̄sí tə́ ní.

JOJUE 23:16 Referans Kwoze

2 MBAN̄G 24:20

I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, dɔ ɓē ko̰o̰ kə́ Juda tə́ ō ní. Ta tɔ̄l̄ ta anī ni-tə̄ɓādə́ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

1 MBAN̄G GƏ̄ 14:15

Gō tə́ anī Kɔ́ɔ̄ɓē a ənda Israel gə̄. Nin̄ a yéȳn̄ tītə̄ mu tə̄ɓā kə́ kadə man̄ tə́. Kɔ́ɔ̄ɓē tə̄ɓādə́ dɔ nang kə́ majə ń adə̄ kaadə́ gə̄ tə́ ní kɔ̄ɔ́, ba a tə̄ndā yā tḭ̄ḭ̄də́ gidə bā Opəratə kə́ dām̄ kə́ nó tə́, tɔdɔ̄ nin̄ udən̄ kāgə̄ ɓesə̄ kə́ yā ɓōĺ gidə gə̄ adə̄n̄neé Kɔ́ɔ̄ɓē wōn̄g.

2 MBAN̄G 17:7

Yá̰á̰ ń noō rāā yá̰a̰ i tɔdɔ̄ ngán Israel gə̄ rāān̄ yá̰á̰ kə́ majaĺ kə Kɔ́ɔ̄ɓē Nə́ɓā yādə́ ń taādə́ jī Parao̰ mban̄g kə́ Ejiptə tə́, ba teē sedə́ kɔ̄ɔ́ kem ɓē kə́ Ejiptə tə́ ní ō, i i tɔdɔ̄ nin̄ ɓōlə́n̄ ndíl nə́ɓā gə̄ ń i ɓesə̄ gə̄ ō ní.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

TƏ́DA 33:56

Ba yá̰á̰ ń m̄-gír̄ rāā sedə́ ní, m-ā m̄-tél yā rāā i sesí sḭḭ̄.

NDŪ NAJƏ̄ 6:15

Tɔdɔ̄ Kɔ́ɔ̄ɓē Nə́ɓā yāsí ń ndi dɔ dáńsí tə́ ní, i Nə́ɓā kə́ nge rāā jang. Ī-lōōī rāā kadə̄ wōn̄g rāān sesí, na sōgə́ ni nujə sesí kɔ̄ɔ́ malang dɔ nang tə́.

NDŪ NAJƏ̄ 17:3

adə̄ rāā kəla adə̄ i ɓesə̄ gə̄ ō, ɔsə i non nang tə́ nodə́ tə́ ō, no mbang tə́ ō, no nāā tə́ ō, tə́yō̰ gə̄ malang kə́ dɔ rā̰ tə́ tə́ ō, ndɔ̄yńdə́, nge ń noō ń i yá̰á̰ kə́ m-ə́daī kadə̄ ī-rāā aĺ ní,

NDŪ NAJƏ̄ 28:15

Ba ré ōō ta Kɔ́ɔ̄ɓē Nə́ɓā yāí alé, ré gō míndə gə̄ ō, ndū najə̄ gə̄ ō ń ni mērə̄m̄ kɔjiī á m-ɔ́jiī ɓōólaā ní, ré ə̄ndā kumií gīrí malang ī-rāā alé anī, ndɔ̄ĺ gə̄ ń a reēn̄ dɔí tə́ ō, a rāānī ō ní n toó:

NGÉ SARYA 2:14

Adə̄ wōn̄g rāā Kɔ́ɔ̄ɓē kə ngán Israel gēé. Ni-əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, əladə́ jī madə̄ ba̰ā̰də́ gə̄ ń ndi gīrə̄n̄ gidədə́ ní tə́ ō. Adə̄ ngán Israel gə̄ asən̄ dum̄ tadə́ to̰ alé.

NGÉ SARYA 2:20

Wōn̄g rāā Kɔ́ɔ̄ɓē kə ngán Israel gēé adə̄ əda na: Nápar de gə̄ ń toō mānə̄n̄ dɔ ndū najə̄ gə̄ ń m̄-rāań madə̄ naā sedə́ á m-ə́da kaadə́ gə̄ kadə̄ ngɔ̄mə̄n̄ ní. Nin̄ oōn̄ taḿ alé.

1 SAMUEL 12:25

Ba ré ī-rāāī yá̰á̰ kə́ majanī sḭḭ̄ gə̄gē, mban̄g yāsí gə̄gē, a nujən̄sí sák sák kɔ̄ɔ́.

1 MBAN̄G GƏ̄ 9:6

Ba ré nin̄ ō, ngáńdə́ gə̄ ō, na tūrə̄n̄ gidədə́ kɔ̄ɔ́ tan tə́ ō, na rāān̄ gō míndə ń n-ədadə́ kadə̄ rāān̄ ní aĺ ō, na rāān̄ yá̰á̰ ń ndū najə̄ yān əda ní aĺ ō, na aw̄ rāān̄ kəla adə̄n̄ nə́ɓā kə́ rang gə̄ ō, ɔsən̄ nodə́ nang tə́ nodə́ tə́ ō anī,

1 MBAN̄G GƏ̄ 9:7

na n-a n-tə̄ɓā ngán Israel gə̄ dɔ nang ń n-adə̄də́ tə́ ní kɔ̄ɔ́ ō, na n-a n-mbātə́ kújə́ ń n-ɔr̄ kamə̄n tayā kadə̄ ɓārə̄n̄ rīn dɔ tə́ ní ō, adə̄ n-a n-əndā kumən dɔ tə́ to̰ alé. Adə̄ Israel a tél i mēlē tām̄ ō, kur̄ kəgō ō, yā gír de gə̄ malang.

IJAI 24:5

A̰á̰ā̰, deē ndul gə̄ rāān̄ dɔ nang adə̄ tél kə́ yḛr, nin̄ mbātə́n̄ rāā yá̰á̰ ń Kɔ́ɔ̄ɓē ədadə́ kadə̄ rāān̄ ní, nin̄ kídə̄n̄ jī bēl̄ loo rāā yá̰a̰ yān gə̄, madə̄ naā ń ɓoodə́ naā tə́ kə Nə́ɓāá kə́ njɔ́ḿ gə̄ tə́ ní, nin̄ gāngə̄n̄ madə̄ naā ní kɔ̄ɔ́.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.