JOJUE 23:14 - Bibəl ta Sar̄

¹⁴ Kə́ tām̄ yāḿ mā tə́ ní, m-ā m-óy ngɔr. Ba sḭḭ̄ gerī kemsí tə́ mámák kadə̄ najə̄ kə́ majə gə̄ malang ń Kɔ́ɔ̄ɓē Nə́ɓā yāsí ədasí ní nge kə́ kógə̄ḿ kə́ rāā yá̰a̰ gətóo, rāān̄ yá̰a̰ tām̄ yāsí tə́ malang kógə̄ḿ kə́ to karī gətóo.

Bible sar

¹⁴ Kə́ tām̄ yāḿ mā tə́ ní, m-ā m-óy ngɔr. Ba sḭḭ̄ gerī kemsí tə́ mámák kadə̄ najə̄ kə́ majə gə̄ malang ń Kɔ́ɔ̄ɓē Nə́ɓā yāsí ədasí ní nge kə́ kógə̄ḿ kə́ rāā yá̰a̰ gətóo, rāān̄ yá̰a̰ tām̄ yāsí tə́ malang kógə̄ḿ kə́ to karī gətóo.

JOJUE 23:14 Referans Kwoze

Najə̄ kə́ Majə yā Jeju ń Luk ndang ní 21:33

Dɔ rā̰ ō, dɔ nang ō a mānə̄n̄, ba najə̄ yāḿ mā a mān̄ aĺ bátə́.

1 MBAN̄G GƏ̄ 2:2

M-ā ə́yá̰ dɔ nang ń toō ngɔr, ə́hɔ rɔ̄í ngan̄g, ī-ra dəngam.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

1 MBAN̄G GƏ̄ 8:56

m̄-tɔ̄ȳ Kɔ́ɔ̄ɓē ń adə̄ Israel gə̄ ń i gír deē yān gə̄ ní loo kɔr̄ koō tītə̄ ń ədań kété ní. Kɔ́ɔ̄ɓē əda kété na najə̄ kə́ majə gə̄ malang ń n-əndā ta nge kəla yān Moijə tə́ adə̄ əda ní kə́ kógə̄ḿ kə́ əsō kɔ̄ɔ́ na gətóo.

1 SAMUEL 3:19

Samuel tɔgə. Kɔ́ɔ̄ɓē i naā tə́ seneé ō, əya̰ najə̄ yān kógə̄ḿ adə̄ əsō nang tə́ aĺ ō.

KOHELET 12:5

Loo ń noō tə́ ní, róbə́ kə́ əta tan kə̄ dɔɔ́ rāā adə̄ deē ɓōĺ ō, deē ɓōĺ njə̄rā ō. Dɔ deē ndaa bum tītə̄ kāgə̄ kə́ hútə̄ beé ō, rɔ̄ deē ɔȳn tītə̄ gaẃ kə́ ḭḭ ba tél əsō nang tə́ beē ō. Ndi kə kumuú yā deē aw̄ kɔ̄ɔ́ tītə̄ kan̄ kāgə̄ kə́ ḭḭ dɔɔ́ əsō beé ō. A̰á̰ā̰, ndɔ̄ kógə̄ḿ tə́ anī, de gə̄ kógə̄ḿ kógə̄ḿ a aw̄n̄ kum kə́ ɓádá. Loo kə́ ɓádá i kújə yā de kə́ ta tɔ̄l̄ ta tə́. Dəyá̰ kə́ ngé nōō yo gə̄ i kum róbə kɔsɔɔ́ kɔ̄ɔ́ ɓá.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

HEBƏRO 9:27

Ba tītə̄ ń əndān̄ dɔ deē ndul gə̄ tə́ kadə̄ oyn̄ nja kógə̄ḿ beē, ba gō tə́ anī Nə́ɓā gān̄g sarya dɔdə́ tə́ ní,

Makətūbə̄ yā Job 30:23

Mā m̄-ger̄ majə kadə̄ ī-tél ā āw̄ seḿ i kə̄ ɓē yā yo tə́. I loo kənge naā yā de gə̄ malang ń ndin̄ kə kumdə́ ní.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

TA KƏLA 47:29

Dan ń Israel a rāā yā koy ngɔr anī, ɓāŕ ngōnə̄n Jəjep ədan na ré nelə̄n seneé anī, kə ɔjən tár yān ō, ra dɔ ndūn tə́ ō, kə lōō dubə̄n Ejiptə tə́. Ré gḛy rāā yá̰á̰ ń na n-dəjen toó anī, kə əla jīn gír bingə̄n tə́, kə túbəń kə adə̄n.