JOJUE 23:13 - Bibəl ta Sar̄

¹³ Kɔ́ɔ̄ɓē Nə́ɓā yāsí a na̰y kə̄ loo tə̄ɓā nápar de gə̄ ń noō tə́ kɔ̄ɔ́ nosí tə́ alé, ní, majə kadə̄ ī-gerī nge ń noō majə. Nin̄ a télən̄ gūmbə̄ tām̄ yāsí tə́ ō, bəlo mbḛ̄ yāsí tə́ ō, ndéý kə́ yā kəndań gidəsí ō, a ran̄ kumsí tə́ tītə̄ kōn̄ kə́ ra kum deē tə́ ɔgə̄n ka̰a̰ loo ō. Ta tɔ̄l tasí anī, ā ī-gətóoī kɔ̄ɔ́ dɔ nang kə́ majə ń Kɔ́ɔ̄ɓē Nə́ɓā yāsí adə̄sí tə́ ní.

Bible sar

¹³ Kɔ́ɔ̄ɓē Nə́ɓā yāsí a na̰y kə̄ loo tə̄ɓā nápar de gə̄ ń noō tə́ kɔ̄ɔ́ nosí tə́ alé, ní, majə kadə̄ ī-gerī nge ń noō majə. Nin̄ a télən̄ gūmbə̄ tām̄ yāsí tə́ ō, bəlo mbḛ̄ yāsí tə́ ō, ndéý kə́ yā kəndań gidəsí ō, a ran̄ kumsí tə́ tītə̄ kōn̄ kə́ ra kum deē tə́ ɔgə̄n ka̰a̰ loo ō. Ta tɔ̄l tasí anī, ā ī-gətóoī kɔ̄ɔ́ dɔ nang kə́ majə ń Kɔ́ɔ̄ɓē Nə́ɓā yāsí adə̄sí tə́ ní.

JOJUE 23:13 Referans Kwoze

NDŪ NAJƏ̄ 7:16

Gír de gə̄ malang ń Kɔ́ɔ̄ɓē Nə́ɓā yāsí a əladə́ kem jīsí tə́ ní, ā ī-nujiī sedə́ kɔ̄ɔ́ malang kanjə̄ ka̰a̰ kum tō ndoō yādə́. Ā ī-ndɔ̄yī ɓesə̄ yādə́ gə̄ alé, tɔdɔ̄ ɓesə̄ yādə́ gə̄ i gūmbə̄ tām̄ yāsí tə́.

TƏ́DA 33:55

Ba ré ī-tə̄ɓāī de gə̄ kə́ dɔ nang kə́ Kanaan tə́ nosí tə́ kɔ̄ɔ́ malang aĺ anī, ngé gə̄ ń ā ə́ya̰īdə́ ní, a télən̄ kōn̄ gə̄ kə́ a ran̄ kumsí tə́ ō, kōn̄ gə̄ kə́ a ran̄ ngēl̄ kadəsí tə́ ō. Nin̄ a ənīn̄sí rɔ̄ɔ̄ kə̄ nja naā tə́ kem ɓē ń ā ī-ndiī tū tə́ ní tə́.

Teē Ngán Israel gə̄ 23:33

Ā ə́ya̰īdə́ kadə̄ ndin̄ dɔ nang yāsí tə́ alé, na sōgə́ rāān̄sí adə̄ ī-mānī dɔ ndū najə̄ yāḿ. Tɔdɔ̄ ré ī-ndɔ̄yī ɓesə̄ yādə́ gə̄ anī, ā ə̄sōī kum gūmbə̄ rāā ɓesə̄ tə́.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

PĀ GƏ̄ 69:22

Nin̄ ɓōkə́n̄ kəga kum yá̰a̰ kəsa yāḿ tə́, ba ré kəndā man̄ rāām̄ anī, adə̄mə̄n̄ kasə kə́ masə̄ ngá̰ý kadə̄ m-ā̰ȳ.

2 TIMOTE 2:26

Loo ń noō tə́ kumdə́ a gán̄g, adə̄ a ɔrə̄n̄ rɔ̄də́ kɔ̄ɔ́ kum gūmbə̄ yā diabəl ń əhɔdə́ adə̄ a rāān̄ i yá̰á̰ ń kemən ndigə ní tə́.

2 MBAN̄G 25:26

Loo ń noō tə́ de kə́ kem ɓē gə̄ malang ō, ngol áskar gə̄ ō, aw̄n̄ Ejiptə, tɔdɔ̄ nin̄ ɓōlə́n̄ de kə́ Kalde tə́ gə̄.

NDŪ NAJƏ̄ 30:18

m-ə́daī gān̄g ɓōólaā ā ī-gətóo. Dɔ nang ń ā āw̄ yā taā gidə bā Jurdḛ kə́ dām̄ kə́ nú tə́ ní, ā ī-ndi tū tə́ dan i ngá̰ý alé.

NDŪ NAJƏ̄ 29:28

Yá̰a̰ gə̄ ń ton̄ loo mundə̄ tə́ ní, i Kɔ́ɔ̄ɓē Nə́ɓā yājí ngóy n i nge ger̄də́ ní. Banī yá̰a̰ gə̄ ń teēn̄ kumjí dɔ tə́ ní, i tām̄ yājí tə́ ō, ngáńjí gə̄ tə́ ō, ngán kaají gə̄ tə́ ō, ngándáńg. Yá̰a̰ gə̄ ní i yá̰á̰ kə́ yā rāā gə̄ ń ndū najə̄ yā Nə́ɓā əda kadə̄ jə-rāāī ní.

NDŪ NAJƏ̄ 4:26

Ré ī-rāāī yá̰á̰ kə́ majaĺ kə́ beé gə̄ anī, m-ə́dásí ɓōólaā m-ādə̄ gān̄g ō, dɔ rā̰ nin̄ kə dɔ nang i kə́ kum tə́ yāḿ gə̄ ō. Ā ī-gətóoī kɔ̄ɔ́ kə̄ ta jī tə́ beē dɔ nang ń ā ə́ngeī gidə bā Jurdḛ kə́ dām̄ kə́ nú tə́ ní. Ā ī-ndiī tū tə́ dan i ngá̰ý aĺ n ā ī-gətóoīneé kɔ̄ɔ́ malang ní.

2 MBAN̄G 25:21

Mban̄g kə́ Babilon tɔ̄l̄də́ Ribəla, dɔ nang kə́ Hamat tə́. I beé n ɔyn̄neé de kə́ Juda gə̄ dɔ nang yādə́ tə́ aw̄n̄neé sedə́ sa̰y kɔ̄ɔ́ ní.

1 MBAN̄G GƏ̄ 11:4

Dan ń Salomo̰ tɔgə ɓə́gá ní, nə̄yá̰n gə̄ ní rāānən̄ adə̄ ndɔ̄ȳ nə́ɓā kə́ rang gə̄, ba lōō gíŕ táŕ Kɔ́ɔ̄ɓē Nə́ɓā yān tə́ kə ngarā̰ kemən gēé mámák tītə̄ yā bɔbə̄n Dabid.

Teē Ngán Israel gə̄ 10:7

Ngé kəla yā Parao̰ gə̄ ədanən̄ na ké deē ń noō a rāā kadə̄ yá̰á̰ kə́ tōr̄ gə̄ a rāān̄də́ beé ké i ta kaw̄ rə́ngáý tə́ wa. Kə əya̰ dəngam kə́ Israel tə́ gə̄ kadə̄ aw̄ rāān̄ kəla adə̄n̄ Kɔ́ɔ̄ɓē Nə́ɓā yādə́, na ɓē kə́ Ejiptə a gətóo na i mbéé ní ké ger̄ aĺ ɓáý wa.

Teē Ngán Israel gə̄ 34:12

Ī-lōōī əhɔ madə̄ naā kə de gə̄ ń ndin̄ dɔ nang ń ā āwī kə̄ tū tə́ ní tə́, tɔdɔ̄ madə̄ naā ní a tél gūmbə̄ kə́ a əhɔsí.

Teē Ngán Israel gə̄ 34:16

Ré ī-táāī ngáńdə́ kə́ dəyá̰ gə̄ ādī ngáńsí kə́ dəngam gə̄ anī, ngáńdə́ kə́ dəyá̰ gə̄ ní a rāān̄ kadə̄ ngáńsí kə́ dəngam gə̄ a rāān̄ ɓesə̄ yādə́ gə̄.

EJEKIEL 28:24

Kɔ́ɔ̄ɓē əda ɓáý to̰ na: Tə̄rā gə̄ ń ndin̄ gīrə̄n̄ gidə ɓē kə́ Israel ní, nin̄ a kídə̄n̄ Israel gə̄ to̰ alé. Nin̄ a télən̄ túpə kōn̄ gə̄ tām̄ yān tə́ to̰ alé. Adə̄ nin̄ a tɔ́sə̄n̄ deē ō, a já̰ā̰n̄ deē ō to̰ alé. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

NGÉ SARYA 2:21

Ní m-ā m̄-tə̄ɓā nápar de gə̄ ń Jojue tə̄ɓādə́ aĺ ɓáý ba oy ní kɔ̄ɔ́ nodə́ tə́ aĺ ō.

2 MBAN̄G 17:18

Loo ń noō tə́ wōn̄g yā Kɔ́ɔ̄ɓē ḭḭ seneé kə Israel gēé, ni ɔydə́ aw̄ sedə́ sa̰y kɔ̄ɔ́ rɔ̄n tə́. I gír ɓē yā Juda ngóy n ndi gotoó ní.

2 MBAN̄G 17:20

I tām̄ najə̄ ń noō tə́ n Kɔ́ɔ̄ɓē mbātə́nń Israel gə̄ malang ní. Ni-əla rɔ̄sɔl̄ dɔdə́ tə́, əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, ta tɔ̄l̄ ta anī tə̄ɓādə́ əndādə́ sa̰y kɔ̄ɔ́ rɔ̄n tə́ ō.