JOJUE 23:11 - Bibəl ta Sar̄

¹¹ Adə̄ ə̄ndāī kumsí majə dɔ rɔ̄sí sḭḭ̄ kɔ́ gə̄ tə́ ī-táriīń Kɔ́ɔ̄ɓē Nə́ɓā yāsí.

Bible sar

¹¹ Adə̄ ə̄ndāī kumsí majə dɔ rɔ̄sí sḭḭ̄ kɔ́ gə̄ tə́ ī-táriīń Kɔ́ɔ̄ɓē Nə́ɓā yāsí.

JOJUE 23:11 Referans Kwoze

JOJUE 22:5

Ba ī-ngɔ̄mī ndū najə̄ gə̄ malang ń ni ədasí ní, ī-táriī Kɔ́ɔ̄ɓē Nə́ɓā yāsí, ī-rāāī yá̰á̰ ń kemən ndigə ní, ī-rāāī gō míndə gə̄ ń ni-əndā dɔsí tə́ kadə̄ ī-rāāī ní, ə́hɔī gōn ba ī-raī kəla ādīin̄ kə ngarā̰ kemsí malang ō, kə rɔ̄sí malang ō.

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

Gōsə̄ najə̄ gə̄ 4:23

Ə̄ndā may yá̰á̰ ń ī-gír kemií tə́ ní majə. A rāā seí tɔȳ gotə yá̰a̰ gə̄ malang tɔdɔ̄ a ī-ndi kə kumií i kə ta kulneé.

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

1 KORḚNTƏ 16:22

Ré de kə́rēý táŕ Kɔ́ɔ̄ɓē Jeju Kərist aĺ anī, ādə̄ ndɔ̄ĺ i dɔn tə́. Marana ta.

1 KORḚNTƏ 8:3

Ba ré deē táŕ Nə́ɓā anī, Nə́ɓā ger̄ kɔ́ɔ̄.

Teē Ngán Israel gə̄ 20:6

Banī de gə̄ ń tármə̄n̄ ō, rāān̄ yá̰a̰ gə̄ ń m-ə́dádə́ kadə̄ rāān̄ ō ní, m-ā m̄-rāā kem majə sedə́ ō, kə dūbə̄ gír kojə yādə́ gə̄ malang ń a reēn̄ ɓáý ní ō.

EPEJƏ 5:15

I beé ní, ə̄ndāī ma̰ȳ háĺsí majə. Ī-lōōī rāā yá̰a̰ tītə̄ de kə́ ger̄ yá̰a̰ aĺ gə̄, banī ī-rāāī yá̰a̰ tītə̄ de kə́ ngáā gə̄.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

NDŪ NAJƏ̄ 4:9

Banī yá̰á̰ ń kadə̄ ə̄ndāī kumsí gírí majə ní, i kadə̄ dɔsí ndígə̄nal yá̰a̰ gə̄ ń á̰a̰ī kə kumsí ní alé. Bátə́ gēé ādī dɔsí ndígə̄nal alé, ba ɔ́jiī ngáńsí gə̄ ō, ngán kaasí gə̄ ō, ādə̄ gerə̄n̄.

NDŪ NAJƏ̄ 4:15

Ə̄ndāī kumsí gír rɔ̄sí sḭḭ̄ kɔ́ gə̄ tə́ majə, tɔdɔ̄ ndɔ̄ ń Kɔ́ɔ̄ɓē ɔrə̄ń najə̄ sesí kum hor tə́ dɔ mbal̄ Horeb tə́ ní, á̰a̰ī ngarā̰ kumən nəkɔ́ alé.

JOJUE 23:10

De kógə̄ḿ dansí tə́ a tə̄ɓā madə̄ ba̰ā̰sí gə̄ dūbú, tɔdɔ̄ i Kɔ́ɔ̄ɓē Nə́ɓā yāsí n a rɔ̄ɔ̄ tām̄ yāsí tə́ tītə̄ ń ədańsí ní.

JOJUE 23:12

Ré ī-tūrī gidəsí kɔ̄ɔ́ ta Kɔ́ɔ̄ɓē tə́ ba ī-ɓoī naā kə nápar de gə̄ ń ndin̄ rɔ̄sí tə́ nói ō, ī-táāī ngáńdə́ kə dəyá̰ gə̄ ō, āwī loodə́ ō, nin̄ reēn̄ loosí ō anī,

NDŪ NAJƏ̄ 30:16

Ɓōólaā m-ə̄ndā dɔí tə́ kadə̄ ī-táŕ Kɔ́ɔ̄ɓē Nə́ɓā yāí ō, kadə̄ ún gō róbə yān gə̄ ō, kadə̄ ī-rāā gō míndə gə̄ ń ni ədaī ní ō, kadə̄ ī-ngɔ̄m̄ ndū najə̄ yān gə̄ ō, jī-bēl̄ loo rāā yá̰a̰ yān gə̄ ō, kadə̄ ī-ndiń kə kumií ō, ójiīneé naā ngá̰ý ō, kadə̄ Kɔ́ɔ̄ɓē Nə́ɓā yāí rāań majə seí kem ɓē ń ā āw̄ kə̄ tū tə́ yā taā tə́ ní ō.

NDŪ NAJƏ̄ 30:20

Ā ī-táŕ Kɔ́ɔ̄ɓē Nə́ɓā yāí ō, ōō tan ō, ī-tə́ya̰ gon tə́ ō. I beé n ā ī-ndiń kə kumií ɓāl̄ ngá̰ý dɔ nang ń Kɔ́ɔ̄ɓē ənī ndūn yā kadə̄ kaaí Abəraham ō, Isaak ō, Jakob ō tə́ ní.