JOJUE 23:10 - Bibəl ta Sar̄

¹⁰ De kógə̄ḿ dansí tə́ a tə̄ɓā madə̄ ba̰ā̰sí gə̄ dūbú, tɔdɔ̄ i Kɔ́ɔ̄ɓē Nə́ɓā yāsí n a rɔ̄ɔ̄ tām̄ yāsí tə́ tītə̄ ń ədańsí ní.

Bible sar

¹⁰ De kógə̄ḿ dansí tə́ a tə̄ɓā madə̄ ba̰ā̰sí gə̄ dūbú, tɔdɔ̄ i Kɔ́ɔ̄ɓē Nə́ɓā yāsí n a rɔ̄ɔ̄ tām̄ yāsí tə́ tītə̄ ń ədańsí ní.

JOJUE 23:10 Referans Kwoze

NDŪ NAJƏ̄ 32:30

Loo kadə̄ de kə́ kógə̄ḿ beē tə̄ɓā Israel gə̄ dūbú ō, kadə̄ de kə́ jōó beē gə̄ tə̄ɓān̄ Israel gə̄ dūbú kutə ō, kanjə̄ kadə̄ i mā Kɔ́ɔ̄ɓē ń i mbal̄ yādə́ ní n m-ə́ládə́ kem jī madə̄ ba̰ā̰də́ gə̄ tə́ ní i ba̰ý?

LEBI GƏ̄ 26:8

De gə̄ mí dansí tə́ ngɔ̄də̄n̄ madə̄ ba̰ā̰sí gə̄ ɓú ō, ba de gə̄ ɓú dansí tə́ a ngɔ̄də̄n̄ madə̄ ba̰ā̰sí gə̄ dūbú kutə ō. Ā ī-tɔ́sí madə̄ ba̰ā̰sí gə̄ kə kaskaraá kadə̄ a tə́sōn̄ nosí tə́.

NDŪ NAJƏ̄ 3:22

Ní kə ī-ɓōlíīdə́ alé, tɔdɔ̄ i Kɔ́ɔ̄ɓē Nə́ɓā yāsí nəkɔ́ n a rɔ̄ɔ̄ tām̄ yāsí tə́ ní.

Teē Ngán Israel gə̄ 14:14

I Kɔ́ɔ̄ɓē n na a rɔ̄ɔ̄ kum gotədə́ ní, ba kə ran̄ jəke.

PĀ GƏ̄ 35:1

Pā yā Dabid. Kɔ́ɔ̄ɓē, m̄-rāāī ɓɔ́, ə̄ndā najə̄ dɔ ngé sekə́m̄ gə̄ tə́ ō, ī-rɔ̄ɔ̄ ngé rɔ̄ɔ̄ḿ gə̄ ō!

NDŪ NAJƏ̄ 20:4

Tɔdɔ̄ i Kɔ́ɔ̄ɓē Nə́ɓā yāsí n a njə̄rā sesí yā rɔ̄ɔ̄ madə̄ ba̰ā̰sí gə̄ dɔsí tə́ ō, yā dḭḭ̄sí ō ní.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

JOJUE 23:3

Yá̰á̰ malang ń Kɔ́ɔ̄ɓē Nə́ɓā yāsí rāā kə nápar de gə̄ kə́ dɔ nang ń toō tə́ tām̄ yāsí tə́ ní, sḭḭ̄ kɔ́ gə̄ á̰a̰ī kə kumsí. Tɔdɔ̄ ni tɔ̄ɔ̄ tām̄ yāsí tə́.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

JOJUE 10:42

Jojue tetə mban̄g gə̄ ń nuū rɔ̄ɔ̄ gidə kógə̄ḿ ō, taā dɔ nang yādə́ ō, tɔdɔ̄ Kɔ́ɔ̄ɓē Nə́ɓā yā Israel n rɔ̄ɔ̄ tām̄ yā Israel tə́ ní.

NGÉ SARYA 15:15

Samso̰ teē dɔ kə̄ngē mbɔ́r kərō kə́ tɔ̄l̄ ngɔr ɓáý tə́ anī un tɔ̄ləń de gə̄ dūbú.

2 SAMUEL 23:8

Rī go̰ rɔ̄ɔ̄ yā Dabid gə̄ n toó: Isəbaal ń i Hakəmon ní, i ngāgəra dɔ go̰ rɔ̄ɔ̄ kə́ mətá gə̄. Rīn kə́rēý ń a ɓāŕnən̄neé ní na i Adoni kə́ Esəni. I ni n tɔ̄l̄ de gə̄ ɓú sɔ́sɔ́ gidə kógə̄ḿ ní.

NGÉ SARYA 3:31

De kə́ utə̄ gō Ehud i Samgar ngōn̄ Anat. Ni-tɔ̄l̄ Pilistin gə̄ ɓú mehḛ́ kə kāgə̄ rāā gír man̄g gēé. Ni-ajə ngán Israel gə̄ ō.

NDŪ NAJƏ̄ 20:3

a əda na: Israel gə̄ ōōī. Ɓōólaā ā ī-rɔ̄ɔ̄ī madə̄ ba̰ā̰sí gə̄. Ī-lōōī kadə̄ kemsí gān̄g man̄ ō, ī-lōōī ɓōĺ ō, ī-lōōī kadə̄ kə̄ngā sāā əgasí ō, ī-lōōī ndebə ta kumdə́ tə́ ō.

NDŪ NAJƏ̄ 28:7

Ré madə̄ ba̰ā̰í gə̄ a ənīnī rɔ̄ɔ̄ anī, Kɔ́ɔ̄ɓē a tetədə́ rɔ̄ɔ̄ yā kadī. Ré unən̄ i róbə́ kə́ kógə̄ḿ beē n reēn̄neé yā rɔ̄ɔ̄ī anī, a télən̄ yā ka̰ȳ naā noí tə́ i kə ta róbə́ kə́ rang gēé gír sīrí.

NDŪ NAJƏ̄ 32:20

Adə̄ ni-əda na: M-ā m̄-tūr̄ gidəḿ tadə́ tə́ kɔ̄ɔ́, ba m-ā m-á̰á̰ ké ta tɔ̄l̄ tadə́ a to i ba̰ý wa. Tɔdɔ̄ nin̄ i ngáń kə́ nujə kɔ̄ɔ́ gə̄. I ngán gə̄ kə́ deē a ənī kemən adə̄də́ alé.

JOJUE 23:11

Adə̄ ə̄ndāī kumsí majə dɔ rɔ̄sí sḭḭ̄ kɔ́ gə̄ tə́ ī-táriīń Kɔ́ɔ̄ɓē Nə́ɓā yāsí.

1 YÁ̰A̰ GƏ̄ 5:22

Madə̄ ba̰ā̰ gə̄ ngá̰ý óyn̄ tɔdɔ̄ rɔ̄ɔ̄ ní i rɔ̄ɔ̄ yā Nə́ɓā. Nin̄ ndin̄ gotədə́ tə́ bátə́ ɓāl̄ kaw̄ ɓəloó tə́.

IJAI 30:17

Madə̄ ba̰ā̰sí kə́ a əla ɓōĺ kemsí tə́ i kógə̄ḿ beē ō, de kə́ dansí tə́ gə̄ dūbú ɓōĺ a rāādə́ adə̄ nin̄ a ndewn̄ ō. Madə̄ ba̰ā̰ gə̄ mí a əlan̄ ɓōĺ kemsí tə́ ō, sḭḭ̄ malang ā ā̰yī naā ō. Ta tɔ̄l̄ ta anī, gotəsí ń a na̰y ní, a to i tītə̄ yá̰a̰ kɔjə yá̰á̰ kə́ udən̄ dɔ mbalá dɔɔ́ beē, a to i tītə̄ dərapóo rɔ̄ɔ̄ kə́ udən̄ dɔ ngōn̄ mbal̄ tə́ beē.

JAKARI 12:8

Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.

LEBI GƏ̄ 26:7

Ā ī-ngɔ̄dī madə̄ ba̰ā̰sí gə̄ ō, ā ī-tɔ́sīdə́ kə kaskaraá kadə̄ a tə́sōn̄ nosí tə́ ō.

1 YÁ̰A̰ GƏ̄ 5:20

Nə́ɓā rāā sedə́ loo rɔ̄ɔ̄ ní tə́. Ni-əla Hagəri gə̄ ō, de kə́ sedə́ gə̄ malang ō, kem jīdə́ tə́. Tɔdɔ̄ dan ń udən̄ rɔ̄ɔ̄ naā tə́ a rɔ̄ɔ̄n̄ naā ní, nin̄ əgan̄ kɔŕ kə̄ dɔ Nə́ɓā tə́ adə̄ Nə́ɓā oō ndūdə́ ba dḭḭ̄də́, tām̄ nin̄ ənīn̄ kemdə́ adə̄n̄ Nə́ɓā.