JOJUE 23:1 - Bibəl ta Sar̄

¹ Kɔ́ɔ̄ɓē adə̄ ngán Israel gə̄ ndin̄ lɔm dan i ngá̰ý gō gān̄g ń ni-gān̄g dɔdə́ jī madə̄ ba̰ā̰də́ gə̄ ń gīrə̄n̄ gidədə́ ní tə́. Loo ń noō tə́ Jojue tɔgə ɓə́gá ngá̰ý kɔ̄ɔ́.

Bible sar

¹ Kɔ́ɔ̄ɓē adə̄ ngán *Israel gə̄ ndin̄ lɔm dan i ngá̰ý gō gān̄g ń ni-gān̄g dɔdə́ jī madə̄ ba̰ā̰də́ gə̄ ń gīrə̄n̄ gidədə́ ní tə́. Loo ń noō tə́ Jojue tɔgə ɓə́gá ngá̰ý kɔ̄ɔ́.

JOJUE 23:1 Referans Kwoze

JOJUE 13:1

Jojue tɔgə ɓə́ga, ɓālə̄n i ngá̰ý. Anī Kɔ́ɔ̄ɓē ədan na: Ḭ̄ ī-tɔgə ɓə́ga kɔ̄ɔ́, ba dɔ nang gə̄ kə́ yā táā na̰y i ngá̰ý ɓáý.

JOJUE 21:44

Kɔ́ɔ̄ɓē adə̄ lápə́ya reē dɔ nang yādə́ tə́ malang tītə̄ ń ənīń ndūn adə̄ kaadə́ gə̄ ní. Ni-rāā adə̄ nin̄ tetən̄ madə̄ ba̰ā̰də́ gə̄ malang rɔ̄ɔ̄. Madə̄ ba̰ā̰də́ kógə̄ḿ kə́ asə ra ngan̄g nodə́ tə́ gətóo.

JOJUE 11:23

Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.

PĀ GƏ̄ 46:9

Ī-reē á̰a̰ī kəla rāā Kɔ́ɔ̄ɓē, yá̰á̰ kə́ dɔ nang tə́ gə̄ ń ni nujəń sák sák ní!

JOJUE 22:4

Ngɔlaā ní Kɔ́ɔ̄ɓē Nə́ɓā yāsí adə̄ ngákó̰ó̰sí gə̄ ta róbə adə̄ ndin̄ lɔm dɔ nang yādə́ tə́ kɔ̄ɔ́ ɓá tītə̄ ń ni-ənīń ndūn adə̄də́ ní, ī-tél āwī gogə́ ɓēé loosí tā, āw̄ ī-ndiī dɔ nang ń Moijə kə́ nge kəla yā Kɔ́ɔ̄ɓē adə̄sí gidə bā Jurdḛ tə́ dām̄ ké gír ɓē tə́ ní.

NDŪ NAJƏ̄ 31:2

Ngɔlaā ní ɓālə̄ḿ i ɓú kə kutə jōó kɔ̄ɔ́, adə̄ m-ásə kɔr nosí to̰ alé. Tá ɓáý to̰ ní Kɔ́ɔ̄ɓē ədam̄ na m-ā m̄-teē bā Jurdḛ ń toō aĺ ō.

TA KƏLA 25:8

Ni-ndi kə rɔ̄nelēé dɔ ɓə́gan tə́ ngá̰ý pá tá kadə̄ oy aw̄ gō kaan gə̄ tə́ ɓáý.

IJAI 63:14

Kété ní nin̄ ton̄ tītə̄ ɓūtə̄ yá̰a̰ kul̄ kógə̄ḿ kə́ risə kum wól loo tə́ beē. Ndíĺ Kɔ́ɔ̄ɓē ɔrdə́ ta róbə aw̄ sedə́ kum loo kɔr̄ koō kógə̄ḿ tə́. A̰á̰ā̰ Kɔ́ɔ̄ɓē, ḭ̄ ɔ́r no gír deē yāí gə̄ tītə̄ ń noō i yā kutə̄ń gidə rɔ̄í kə kɔsə gɔnɔɔ́!

1 SAMUEL 12:2

Adə̄ ngɔlaā ní i ni n a ɔr nosí tā. Tɔdɔ̄ mā m̄-tɔgə ɓə́ga kɔ̄ɔ́ ō, dɔḿ ndaa ō. Ba ngánə́ḿ gə̄ i dɔ dáńsí tə́. I mā n m-ɔ́r nosí kə balsááḿ bátə́ ɓōólaā ní.

1 MBAN̄G GƏ̄ 1:1

Dan ń noō tə́ ní mban̄g Dabid tɔgə ɓə́gá ngá̰ý kɔ̄ɔ́. Tə́nīn̄ kūbə̄ dɔn tə́ ngá̰ý ɓá tā ba kūl̄ a o̰o̰n i mbéé ɓáý.

1 YÁ̰A̰ GƏ̄ 23:25

Tɔdɔ̄ Dabid əda na Kɔ́ɔ̄ɓē Nə́ɓā yā Israel na rāā adə̄ gír deē yān gə̄ na ndin̄ majə ō, na nəkɔ́ Kɔ́ɔ̄ɓē na ndi kem ɓē kə́ Jerusalem tə́ na i kə́ njɔ́ḿ gə̄ tə́ ō.

1 YÁ̰A̰ GƏ̄ 27:1

Ngán Israel gə̄ ń a rāān̄ kəla yā mban̄g ní i de kə́ dɔ gír kojə gə̄ tə́ ō, ngol gə̄ kə́ dɔ de kə́ dūbú gə̄ tə́ ō, kə́ dɔ de kə́ ɓú gə̄ tə́ ō, pajā gə̄ yā mban̄g ń kəla yādə́ i kəla malang kə́ ɔjə dɔ ɓūtə̄ ngé rɔ̄ɔ̄ gə̄ ní ō. Ɓūtə̄ gə̄ ní a mānə̄n̄ i gír naā, ngé reē gə̄ ō, ngé kaw̄ gə̄ ō. Ɓūtə̄ kógə̄ḿ a rāā kəla nāā kógə̄ḿ. A rāān̄ i tītə̄ ń noō kə dɔ nāā gə̄ malang, bátə́ kadə̄ nāā gə̄ kə́ kem ɓāl̄ kə́ kógə̄ḿ tə́ təgān̄neé. Ɓūtə̄ kə́ kógə̄ḿ beē ní de kə́ kemeé gə̄ i dūbú kutə jōó gidə i sɔ́.

2 YÁ̰A̰ GƏ̄ 14:1

Ni-rāā yá̰á̰ kə́ majə ō, yá̰á̰ kə́ súmūú ō, ta kum Kɔ́ɔ̄ɓē Nə́ɓā yān tə́.

2 YÁ̰A̰ GƏ̄ 14:5

Ni-rāā ɓē kə́ ngan̄g gə̄ kə́ Juda tə́ tɔdɔ̄ ɓē ndi jəke. Kem ɓāl̄ gə̄ ń noō tə́ ní deē rɔ̄ɔ̄n̄ alé, tɔdɔ̄ Kɔ́ɔ̄ɓē rāā adə̄ ni-ɔr̄ koō.

2 YÁ̰A̰ GƏ̄ 20:30

I beé n yá̰a̰ rāań yá̰a̰ ɓāl̄ ko̰o̰ ɓē yā Josapat tə́ alé, adə̄ loo toń lɔm ní. Tɔdɔ̄ Nə́ɓā yān rāā adə̄ madə̄ ba̰ā̰n gə̄ ń ndin̄ gīrə̄n̄ gidən ní rɔ̄ɔ̄nən̄ alé.