JOJUE 22:27 - Bibəl ta Sar̄

²⁷ Ba i yā kadə̄ rāā rɔ̄n i yá̰á̰ kə́ kum tə́ tām̄ yājí tə́ ō, tām̄ yāsí tə́ ō, tām̄ yā ngán kaají gē tə́ ō, kə́ ɔjə kadə̄ jə-rāā kəla yā Kɔ́ɔ̄ɓē kə yá̰á̰ kə́ róō horoó gə̄ ō, kə tun̄ tām̄ yā kem kógə̄ḿ tə́ gə̄ ō, kə yá̰a̰ tun̄ yājí kə́ ɓoodə́ naā tə́ kə Kɔ́ɔ̄ɓē na gətóo alé.

Bible sar

²⁷ Ba i yā kadə̄ rāā rɔ̄n i yá̰á̰ kə́ kum tə́ tām̄ yājí tə́ ō, tām̄ yāsí tə́ ō, tām̄ yā ngán kaají gē tə́ ō, kə́ ɔjə kadə̄ jə-rāā kəla yā Kɔ́ɔ̄ɓē kə yá̰á̰ kə́ róō horoó gə̄ ō, kə tun̄ tām̄ yā kem kógə̄ḿ tə́ gə̄ ō, kə *yá̰a̰ tun̄ yājí kə́ ɓoodə́ naā tə́ kə Kɔ́ɔ̄ɓē na gətóo alé.

JOJUE 22:27 Referans Kwoze

JOJUE 24:27

ba əda de gə̄ na: Mbal̄ ń toō i nge kəda najə̄ kə́ kum tə́ dɔjí tə́, tɔdɔ̄ ni oō najə̄ malang ń Kɔ́ɔ̄ɓē ɔr̄ sejí ní. Ni i nge kəda najə̄ kə́ kum tə́ dɔsí tə́ yā kɔgə̄ńsí rāā háĺ kə́ gōtə́ aĺ kə Nə́ɓā yāsí.

TA KƏLA 31:48

Laban əda na ɓōólaā mbal̄ kə́ kán̄ dɔ naā tə́ ń toō i yá̰á̰ kə́ kum tə́ dɔ dáńdə́ nin̄ kə Jakobó tə́. I tām̄ najə̄ ń noō tə́ n əndānəń rīn na i Galed ní.

JOJUE 22:34

Loo ń noō tə́ ngán Ruben gə̄ ō, ngán Gad gə̄ ō, əndān̄ rī loo tun̄ yá̰á̰ ní na i yá̰á̰ kə́ kum tə́, tɔdɔ̄ i yá̰á̰ kə́ ɔjədə́ mbak kadə̄ Kɔ́ɔ̄ɓē i Nə́ɓā.

NDŪ NAJƏ̄ 12:11

I loo ń Kɔ́ɔ̄ɓē Nə́ɓā yāsí a gə̄rā yā kəndā rīn dɔ tə́ ní n ā āwī kə yá̰a̰ malang ń m-ə̄ndā dɔsí tə́ kadə̄ ādī ní tū tə́ ní: Dā̰ yāsí gə̄ kə́ yā róō horoó kə taá malang ō, kə́ yā tun̄ tām̄ yā kem kógə̄ḿ ō, dɔ yá̰a̰ yāsí kə́ nge ko̰ kutə kə́ ɔ̄rī ō, yá̰a̰ yāsí gə̄ ń ā ādī kə gō kem ndigə yāsí ní ō, yá̰a̰ malang ń ā ī-gə̄rāī yā kadə̄ Kɔ́ɔ̄ɓē kadə̄ karī tə́ tām̄ ndūsí kə́ ə̄nīī tə́ ō ní, ā āwīneé i loo ngeé ń noō tə́.

1 SAMUEL 7:12

Samuel un mbal̄ kógə̄ḿ udə kə nja dɔɔ́ dɔ dán ɓē kə́ Misəpa kə Hasen tə́ ba əndā rī mbal̄ ní na i Eben Ejer. Kumən na i mbal̄ dḭḭ̄. Tɔdɔ̄ əda na: Kɔ́ɔ̄ɓē dḭḭ̄jí bátə́ ugə̄ sejí loo ń toō tə́.

JOJUE 22:10

Dan ń ugə̄n̄ Gelilot kə́ kadə bā Jurdḛ tə́ ń loo kə́ dɔ nang kə́ Kanaan tə́ ɓáý ní anī, rāān̄ loo tun̄ yá̰á̰ kógə̄ḿ kə́ bo ngá̰ý tū tə́.

TA KƏLA 31:52

Nin̄ i kə́ kum tə́ yājí gə̄ kadə̄ m-ā m̄-mān̄ dɔ tə́ yā kaw̄ rāāiń yá̰á̰ kə́ majaĺ aĺ ō, ḭ̄ ā ī-mān̄ dɔ tə́ yā reē rāām̄ yá̰á̰ kə́ to kum kaȳ aĺ ō.

JOJUE 22:26

I tām̄ najə̄ ń noō tə́ n jə-rāań loo tun̄ yá̰á̰ ń toō n, i yā róōń dā̰ aĺ ō, yā tunə̄ń yá̰á̰ kə́ rang gə̄ aĺ ō.

JOJUE 22:28

J-əda na ré ndɔ̄ń tə́ deē ədají jḭḭ aké ngán kaají gə̄ najə̄ ké tītə̄ ń noō anī, j-a jə-tél yā kəda kɔ́ɔ̄ na: Á̰a̰ī, kaají gə̄ rāān̄ loo tun̄ yá̰a̰ adə̄ to tītə̄ loo tun̄ yá̰a̰ yā Kɔ́ɔ̄ɓē beé, rāān̄ i yā róoń dā̰ aĺ ō, i yā tunə̄ń yá̰á̰ kə́ rang gə̄ aĺ ō, ba i yā kadə̄ tél yá̰á̰ kə́ kum tə́ kə́ to dɔ dáńjí tə́ sesí.

PĀ GƏ̄ 16:5

Kɔ́ɔ̄ɓē, ndɔ̄ḿ gə̄ malang i kem jīí tə́. ḭ̄ i yá̰a̰ ndəbā yāḿ ō, yá̰a̰ ka̰ȳ yāḿ kə́ sɔɔ̄ dɔḿ kem kopoó ō,

IJAI 19:19

Ndɔ̄ kógə̄ḿ tə́ anī, loo tun̄ yá̰á̰ kə́ tām̄ yā Kɔ́ɔ̄ɓē tə́ a to kem ɓē kə́ Ejiptə tə́ dan ɓēé ō, mbal̄ kógə̄ḿ kə́ kudə tām̄ yān tə́ a ra ngɔr kə̄ kadə tə́ dɔ nin̄ ɓē kə́ Ejiptə tə́ ō.