JOJUE 22:22 - Bibəl ta Sar̄

²² Nə́ɓā kə́ ngan̄g, Kɔ́ɔ̄ɓē, Nə́ɓā kə́ bo, Kɔ́ɔ̄ɓē ger̄ kɔ̄ɔ́ ō, ngán Israel gə̄ a gerə̄n̄ ō. Ré jə-mbātə́ Kɔ́ɔ̄ɓē, aláa jə-rāā yá̰á̰ kógə̄ḿ kə́ gōtə́ alé kə Kɔ́ɔ̄ɓē anī, adə̄ Kɔ́ɔ̄ɓē ajəjí ɓōólaā alé.

Bible sar

²² Nə́ɓā kə́ ngan̄g, Kɔ́ɔ̄ɓē, Nə́ɓā kə́ bo, Kɔ́ɔ̄ɓē ger̄ kɔ̄ɔ́ ō, ngán *Israel gə̄ a gerə̄n̄ ō. Ré jə-mbātə́ Kɔ́ɔ̄ɓē, aláa jə-rāā yá̰á̰ kógə̄ḿ kə́ gōtə́ alé kə Kɔ́ɔ̄ɓē anī, adə̄ Kɔ́ɔ̄ɓē ajəjí ɓōólaā alé.

JOJUE 22:22 Referans Kwoze

1 MBAN̄G GƏ̄ 8:39

ḭ̄ ń ī-ndi dɔ rā̰ tə́ ní ī-nēl̄ mbīí ōońdə́, ī-mā̰ȳ rɔ̄í dɔdə́ tə́, ī-rāā yá̰a̰ kə deē kógə̄ḿ kógə̄ḿ sɔɔ̄ń dɔ kəla rāān, tām̄ ḭ̄ ī-ger̄ kem de gə̄ i īkɔ́ ngóy n ī-ger̄ kem de gə̄ malang ní.

NDŪ NAJƏ̄ 10:17

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

PĀ GƏ̄ 44:21

Ré kété ní dɔjí ndígə̄nal rī Nə́ɓā yājí ō, jə-sə́ra jījí kə̄ rɔ̄ nə́ɓā kógə̄ḿ kə́ mbā tə́ ō anī,

Makətūbə̄ yā Job 10:7

Tá ī-ger̄ majə kadə̄ najə̄ gətóo dɔḿ tə́ ō, de kə́ yā taām̄ jīí tə́ gətóo ō.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

2 KORḚNTƏ 11:31

Nə́ɓā, adə̄ i Bɔbə̄ Kɔ́ɔ̄ɓē Jeju ń de gə̄ tɔ̄ȳn̄ rīn ngándáńg ní, ger̄ kadə̄ m̄-sor̄ alé.

2 KORḚNTƏ 11:11

M-ə́da nge ń noō i tām̄ yā rí tə́? I tām̄ gḛy kə́ m̄-gḛysí aĺ tə́ a? Nə́ɓā ger̄ majə kadə̄ m̄-gḛysí ngá̰ý!

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

KƏLA RĀĀ 25:11

Ré najə̄ əhɔm̄ ō, m̄-rāā yá̰á̰ kógə̄ḿ kə́ gōtə́ aĺ kə́ ndetə yo ō anī, m̄-mbātə́ koy alé. Banī ré yá̰á̰ kógə̄ḿ kə́ rɔ̄kum dan yá̰a̰ gə̄ ń de gə̄ ń toō sekə́mə̄n̄neé tə́ ní gətóo anī, de kə́ asə kəlam̄ jīdə́ tə́ gətóo. m̄-gḛy kaw̄ kə sarya ní rɔ̄ Sejar tə́.

KƏLA RĀĀ 1:24

Gō tə́ anī nin̄ malang ndɔ̄ȳn̄ Nə́ɓā ədan̄ na: Kɔ́ɔ̄ɓē, ḭ̄ ń i nge ger̄ kem de gə̄ malang ní, ɔ́jə́jí deē ń ī-gə̄rān dan de kə́ jōó gə̄ ń toō tə́

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

MALASI 3:18

Loo ń noō tə́, ā á̰a̰ī dɔ nin̄ ngé koō taḿ gə̄ kə ngé koō taḿ aĺ gə̄ ō, ngé rāā kəla kadə̄m̄ gə̄ kə ngé rāā kəla kadə̄ḿ aĺ gə̄ ō.

MISE 7:9

Majə kadə̄ jə-tə́gā tají, dan ń Kɔ́ɔ̄ɓē a rāāń wōn̄g tə́ ní. Tɔdɔ̄ jə-mān̄ dɔ ndūn. Banī ndɔ̄ a reē noó, kadə̄ ni a rɔ̄ɔ̄ dɔjí tə́ ō, ni a gān̄g sarya kə́ gōtə́ yā kadə̄jí ō. Ni a ɔrjí ta róbə yā kaw̄ sejí kum loo kə́ unjə̄ kow tə́ ō, a rāā majə sejí yā kutə̄ń gidəjí ō.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

JEREMI 12:3

Kɔ́ɔ̄ɓē ī-gerə̄m̄, ḭ̄ á̰a̰m̄ ō, ə̄ndā ma̰ȳ gír̄ yāḿ gə̄ ō. Gír̄ yāḿ gə̄ aw̄n̄ gō yāí tə́. Ə̄ndā ngé kem ndul gə̄ dɔ jīí tītə̄ batə̄ gə̄ kə́ yā kaw̄ń kə̄ loo tɔ̄l̄də́ tə́. Ə̄ndādə́ dɔ jīí yā ngóoń ndɔ̄ tɔ̄l̄də́.

PĀ GƏ̄ 136:2

Ī-tɔ̄yī Nə́ɓā kə́ dɔ nə́ɓā gə̄ tə́ malang, tɔdɔ̄ kem majə yān to ngándáńg.

PĀ GƏ̄ 97:7

Ngé rāā ɓesə̄ gə̄ malang ń i ngé kɔjə rɔ̄də́ kə yá̰á̰ kə́ kumən gətóo gə̄ ní, rɔ̄də́ sɔl̄də́. Sḭḭ̄ nə́ɓā kə́ rang gə̄ malang, ɔ́siī nosí nang tə́ no Kɔ́ɔ̄ɓē tə́!

PĀ GƏ̄ 95:3

Tɔdɔ̄ Kɔ́ɔ̄ɓē i Nə́ɓā kə́ bo, ni i mban̄g kə́ bo kə́ dɔ nə́ɓā gə̄ tə́ malang.

PĀ GƏ̄ 82:1

Pā yā Asap. Nə́ɓā ra dɔɔ́ dan ngé kán̄ naā yān gə̄ tə́, ni-ra dan de kə́ bo kə́ dɔ rā̰ tə́ gə̄ tə́ gāngəń sarya.

PĀ GƏ̄ 37:6

Ni a ɔjə háĺ kə́ súmūú yāí kə̄ ndágá tītə̄ loo kə́ tīī unjə̄ ō, a rāā kadə̄ yá̰á̰ kə́ gōtə́ yāí teē ndágá tītə̄ loo kə́ dan kadə ndaá ō.

Makətūbə̄ yā Job 23:10

Tá ni ger̄ róbə́ ń m-úń ní majə. Ré ni nāām̄ anī, m-ā m̄-teē kum tə́ ō, m-ā m-ūnjə̄ njáý njáý tītə̄ lɔ́r beé ō.

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

Teē Ngán Israel gə̄ 18:11

Ká ré wōn̄g rāā ɓesə̄ gə̄ malang ngá̰ý kə de gə̄ yā Kɔ́ɔ̄ɓēé gə̄gē, anī na n-ger̄ kadə̄ Kɔ́ɔ̄ɓē i de kə́ bo tɔȳ ɓesə̄ gə̄ ń noō malang.

JOJUE 22:21

Ngán Ruben gə̄ ō, ngán Gad gə̄ ō, de kə́ gír ɓē yā Manase tə́ kə́ dām̄ ké gír ɓē tə́ gə̄ ō, tél ədan̄ ngār gə̄ yā kósə́ ngé rɔ̄ɔ̄ gə̄ kə́ Israel tə́ na:

PĀ GƏ̄ 40:9

Nə́ɓā yāḿ, m̄-gḛy rāā yá̰á̰ ń nelī ní ō, ndū najə̄ yāí i kemḿ tə́ ō.

PĀ GƏ̄ 50:1

I pā yā Asap. Nə́ɓā, Nə́ɓā ń i Kɔ́ɔ̄ɓē ní, ɔr̄ najə̄. Ni ɓāŕ dɔ nang, əla gír loo ń mbang a əɓa tū tə́ ní, bátə́ loo ń mbang a udə tū tə́ ní.

1 SAMUEL 2:3

Ī-lōōī ndájə̄ najə̄ ō, ī-lōōī ngonjə̄ ō, tɔdɔ̄ Kɔ́ɔ̄ɓē i Nə́ɓā kə́ ger̄ yá̰a̰ malang. Ni i nge gān̄g sarya dɔ yá̰a̰ malang ń de gə̄ rāān̄ tə́ ní.

Makətūbə̄ yā Job 31:22

ādə̄ kār̄ bɔ̄gə̄ḿ ɔr̄ ta naā tə́ ō, ādə̄ jīḿ ɔr̄ kɔ̄ɔ́ ta kílə́ḿ tə́ ō.

PĀ GƏ̄ 44:22

Nə́ɓā ń i nge ger̄ yá̰á̰ kə́ to loo ɓɔ̄ɔ̄ tə́ kem de gə̄ tə́ ní a a̰a̰ aĺ a?