JOJUE 22:20 - Bibəl ta Sar̄

²⁰ Dan ń Akan ké ngōn̄ kaa Jera rāā yá̰á̰ kə́ gōtə́ alé kə́ ɔjə dɔ yá̰á̰ bāā dɔ ní, i ngán Israel gə̄ malang n wōn̄g rāā Kɔ́ɔ̄ɓē sedə́ ní aĺ a? Tá Akan oy i kə kérneé tām̄ majaĺ yān tə́ alé.

Bible sar

²⁰ Dan ń Akan ké ngōn̄ kaa Jera rāā yá̰á̰ kə́ gōtə́ alé kə́ ɔjə dɔ yá̰á̰ bāā dɔ ní, i ngán *Israel gə̄ malang n wōn̄g rāā Kɔ́ɔ̄ɓē sedə́ ní aĺ a? Tá Akan oy i kə kérneé tām̄ majaĺ yān tə́ alé.

JOJUE 22:20 Referans Kwoze

JOJUE 7:5

De kə́ Ai gə̄ tɔ̄lə̄n̄də́ asə de gə̄ kutə mətá gidə i mehḛ́, ngɔ̄də̄n̄ gotə gə̄, ḭḭn̄ sedə́ ta róbə́ kə́ yā kudəń kə̄ kem ɓē tə́ bátə́ ugə̄n̄ sedə́ Sebarim, nin̄ tɔ̄lə̄n̄də́ ta risədə́ kum kə̄ wól loo tə́. Kem ngán Israel gə̄ gān̄g man̄ adə̄ tɔ̄gə̄də́ gətóo.

JOJUE 7:1

Ngán Israel gə̄ rāān̄ yá̰á̰ kə́ gōtə́ alé, tɔdɔ̄ yá̰a̰ kənge ń Kɔ́ɔ̄ɓē ɔgə̄də́ kun ní nin̄ unən̄. I de kə́ gír ɓē yā Juda tə́ n ɔy núsə́ yá̰a̰ kənge kə́rēý gə̄ adə̄ wōn̄g rāā Kɔ́ɔ̄ɓē kə ngán Israel gēé ngá̰ý ní. Rī deē ní na i Akan. Ni i ngōn̄ Karmi kə́ ngōn̄ Jabədi kə́ ngōn̄ Jera.

1 KORḚNTƏ 10:6

Yá̰a̰ gə̄ ń noō ń rāān̄ yá̰á̰ ní, i yā kadə̄ ré jḭḭ̄ j-a̰a̰ī ɓáa kadə̄ ngur yá̰á̰ kə́ majaĺ rāājí tītə̄ yādə́ alé.

JOJUE 7:24

Jojue nin̄ kə ngán Israel gēé gon tə́ malang əhɔn̄ Akan ō, ɔyn̄ arjā̰a̰ ní ō, unən̄ kūbə̄-jī ní ō, unən̄neē lɔ́r ní ō, əhɔn̄ ngán Akan kə́ dəngam gə̄ ō, kə́ dəyá̰ gə̄ ō, əhɔn̄ man̄g kə́ bəra yān ō, kərō yān ō, batə̄ yān ō, bə̄yā̰ yān gə̄ ō, ɔrə̄n̄ kújə tandā yān ō, ɔyn̄ gotə yá̰a̰ kənge yān gə̄ malang ō, ba aw̄n̄ sedə́ wól loo ń y ɓārə́n̄ na i Akor ní tə́.

JOJUE 7:18

Jojue adə̄ de kə́ gír kojə yā Jabədi tə́ gə̄ reēn̄ kógə̄ḿ kógə̄ḿ, anī Kɔ́ɔ̄ɓē ɔjə dɔ Akan ń i deē ké gír ɓē yā Juda tə́ á, ni i ngōn̄ Karmi kə́ ngōn̄ Jabədi kə́ ngōn̄ kaa Jera ní.

2 PIYER 2:6

Nə́ɓā gān̄g sarya dɔ ɓē gə̄ kə́ Sodom tə́ ō, Gomor tə́ ō, ba nujə ɓē gə̄ ní kɔ̄ɔ́ kə horoó. I yá̰á̰ ń kadə̄ a rāā ngé kem ndul gə̄ ní n ni-rāā yá̰á̰ ń noō ɔjəńdə́ kadə̄ gerə̄n̄ ní.

LEBI GƏ̄ 10:6

Gō tə́ anī Moijə əda Aaro̰ nin̄ kə ngánən kə́ rang gə̄ ń i Eleajar ō, Itamar ō ní na: Kə lōōn̄ kəya̰ nənga dɔdə́ kadə̄ to gususu ō, kə lōōn̄ rə̄yā̰ kūbə̄ kə́ rɔ̄də́ tə́ ō, na sōgə́ nin̄ kɔ́ gə̄ oyn̄ ō, wōn̄g rāā Kɔ́ɔ̄ɓē kə ngán Israel gēé malang ō. Na i ngákó̰ó̰də́ gə̄ malang ń i ngán Israel gə̄ ní n na a nōōn̄ ngé gə̄ ń Kɔ́ɔ̄ɓē tɔ̄l̄də́ kə horoó ní.

JOJUE 22:21

Ngán Ruben gə̄ ō, ngán Gad gə̄ ō, de kə́ gír ɓē yā Manase tə́ kə́ dām̄ ké gír ɓē tə́ gə̄ ō, tél ədan̄ ngār gə̄ yā kósə́ ngé rɔ̄ɔ̄ gə̄ kə́ Israel tə́ na:

2 YÁ̰A̰ GƏ̄ 24:18

Adə̄ nin̄ əya̰n̄ kújə yā Kɔ́ɔ̄ɓē Nə́ɓā yā kaadə́ gə̄ kɔ̄ɔ́ ba rāān̄ ɓesə̄ kāgə̄ kə́ yā ɓōĺ gidə gə̄ ō, ɓesə̄ kə́ rang gə̄ ō. Yá̰á̰ kə́ gōtə́ aĺ ń nin̄ rāān̄ ní rāā adə̄ wōn̄g rāā Nə́ɓā kə dɔ nang yā Juda ō, kə ɓē kə́ Jerusalem ō.

Makətūbə̄ yā Job 35:8

Kem ndul yāí a ɔdə i rɔ̄ deē madí gə̄ ō, i nin̄ n yá̰a̰ rāā kə́ gōtə́ yāí a rāā majə sedə́ ō ní.