JOJUE 22:15 - Bibəl ta Sar̄

¹⁵ Nin̄ aw̄n̄ rɔ̄ ngán Ruben gə̄ tə́ ngán Gad gə̄ tə́ ō, de kə́ gír ɓē yā Manase tə́ dɔ nang kə́ Galaad tə́ gə̄ ō, ba ədan̄də́ na:

Bible sar

¹⁵ Nin̄ aw̄n̄ rɔ̄ ngán Ruben gə̄ tə́ ngán Gad gə̄ tə́ ō, de kə́ gír ɓē yā Manase tə́ dɔ nang kə́ Galaad tə́ gə̄ ō, ba ədan̄də́ na:

JOJUE 22:15 Referans Kwoze

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

MATIYE 18:17

Ré ni-ɔdə koō najə̄ yādə́ aĺ anī, ə́da Egəlijə. Ba ré ni-mbātə́ koō najə̄ yā Egəlijə to̰ anī, ī-rāān de kə́ nge taā kem tə́ aĺ ō, ī-rāān̄ de kə́ nge taā lambóó tə́ ō.

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

PĀ GƏ̄ 78:8

Ɓáa nin̄ a ton̄ tītə̄ kaadə́ gə̄ alé. Kaadə́ gə̄ i ngé dɔ ngan̄g gə̄ ō, ngé mbātə́ najə̄ gə̄ ō, ngé kem jōó gə̄ ō, ngé ra dɔ ndūdə́ tə́ kə Nə́ɓāá aĺ gə̄ ō.

ESDRAS 9:15

Kɔ́ɔ̄ɓē, Nə́ɓā yā Israel, ḭ̄ i de kə́ sew, tɔdɔ̄ ɓōólaā jḭḭ i gotə de gə̄ kə́ teēn̄ ta yo tə́ gə̄. Jḭḭ ní n jə-ra ta kumií tə́ kə majaĺ yājí gēé toō. Tá ré i kə gō gēé ɓáa deē asə ra ta kumií tə́ kə majaĺ gēé dɔn tə́ alé.

ESDRAS 9:2

Na táān̄ dəyá̰ gə̄ dan gír de gə̄ ń noō tə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ kə́ dəngam gə̄ tə́ ō. Adə̄ ngán Israel gə̄ ń i de kə́ táĺ gə̄ ní na gurə́n̄ naā kə de kə́ kem ɓēé gēé. Na i ngār gə̄ ō, de kə́ bo gə̄ ō n əlan̄ gír rāā yá̰a̰ gə̄ kə́ majaĺ ń noō ń ɔjə kadə̄ nin̄ ran̄ dɔ ndūdə́ tə́ aĺ ní.

2 YÁ̰A̰ GƏ̄ 28:13

ədan̄də́ na: De gə̄ ń ə́hɔīdə́ ɓəlo tə́ ní ī-lōōī reē sedə́ laā, tɔdɔ̄ ré ī-reēī sedə́ anī, jə-rāāī i yá̰á̰ kə́ gōtə́ aĺ kə Kɔ́ɔ̄ɓēé, adə̄ najə̄ a əsō dɔjí tə́. Yá̰á̰ kə́ gōtə́ aĺ ń jə-rāāī ní ɔȳjí ngá̰ý ō, wōn̄g rāā Kɔ́ɔ̄ɓē ngá̰ý kə Israel gēé ō anī ī-sāāī rāā yá̰á̰ kə́ majaĺ kə́ rang gə̄ ō, yá̰á̰ kə́ gōtə́ aĺ kə́ rang gə̄ ō, kə̄ dɔ tə́ ɓáý a?

2 YÁ̰A̰ GƏ̄ 26:18

Nin̄ ran̄ no mban̄g Ojias tə́ ba ədanən̄ na: Ojias, ndējə̄ Kɔ́ɔ̄ɓē ndujə̄ yá̰á̰ kə́ kotə majə i yá̰a̰ rāāí ḭ̄ alé! I kəla yā ngé tun̄ yá̰a̰ gə̄ ń nin̄ i de kə́ gír kojə yā Aaro̰ tə́ gə̄ ní. Əndān̄də́ nin̄ i kə rī rāā kəla ń noō. Ī-teē kɔ̄ɔ́ kem loo kə́ táĺ tə́, tɔdɔ̄ yá̰á̰ ń ī-rāā ní i gōtə́ alé. Nge ń noō Kɔ́ɔ̄ɓē a ɔsə gɔnií najə̄n tə́ alé!

2 YÁ̰A̰ GƏ̄ 25:27

De gə̄ oōn̄ naā dɔ Amasia tə́ kem ɓē kə́ Jerusalem tə́ i kem ɓāl̄ ń ni tūrəń gidən kɔ̄ɔ́ ta kum Kɔ́ɔ̄ɓē tə́ ní. Ndɔ̄ kógə̄ḿ tə́ ni a̰ȳ aw̄ Lakis, banī ngɔ̄də̄n̄ gōn, tɔ̄l̄nən̄ i loo ń noō tə́.

2 YÁ̰A̰ GƏ̄ 10:19

I beé n ngán Israel gə̄ mbātə́n̄neé kəla dɔdə́ gíŕ tɔ́gə yā de gə̄ kə́ gír kojə yā Dabid tə́ bátə́ ɓōólaā ní.

1 YÁ̰A̰ GƏ̄ 21:3

Anī Joab tél ədan na: Mban̄g, ndə̄ngā yāḿ i kadə̄ Kɔ́ɔ̄ɓē rāā adə̄ kutə ngán Israel gə̄ i ngá̰ý nja ɓú! Ɓōólaā ní nin̄ malang i ngé kəla yāí gə̄ aĺ a? Ī-sāā ger̄ kutədə́ kadə̄ najə̄ əsō dɔ Israel tə́ i tām̄ rí tə́?

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

JOJUE 22:18

anī ɓōólaā ɔ̄rī rɔ̄sí kɔ̄ɔ́ rɔ̄ Kɔ́ɔ̄ɓē tə́ a? Ɓōólaā ī-mbātíī najə̄ ta Kɔ́ɔ̄ɓē tə́ ba bírí anī i ngán Israel gə̄ malang ń ni a rāā wōn̄g sedə́ ní.

JOJUE 22:12

Dan ń ngán Israel gə̄ oōn̄ najə̄ ń noō ní kánə̄n̄ naā malang Silo yā kaw̄ rɔ̄ɔ̄ gír ɓē gə̄ kə́ dām̄ kə́ gīr ɓē tə́.

NDŪ NAJƏ̄ 30:17

Ba ré ī-tūr̄ gidií kɔ̄ɔ́ tan tə́ ō, ōō tan aĺ ō, ə́ya̰ rɔ̄í ādə̄ aw̄n̄ seí adə̄ ɔ́sə noí nang tə́ no ɓesə̄ gə̄ tə́ ō, ī-rāā kəla ādə̄də́ ō anī,

NDŪ NAJƏ̄ 7:4

Ré i beé aĺ anī tə̄rā gə̄ ń noō a rāān̄ ngáńsí gə̄ kadə̄ tūrə̄n̄ gidədə́ ta Kɔ́ɔ̄ɓē tə́ kɔ̄ɔ́ ba aw̄ ndɔ̄ȳn̄ ɓesə̄ gə̄. Loo ń noō tə́ Kɔ́ɔ̄ɓē a rāā wōn̄g sesí ō, a nujə sesí kɔ̄ɔ́ malang kanjə̄ kɔr bā̰ā̰ ō.

TƏ́DA 32:15

Tɔdɔ̄ ré sḭḭ̄ ī-rāāī háĺ kə́ sew aĺ kə Kɔ́ɔ̄ɓēé anī ni a rāā kadə̄ ndɔ̄ ń ngán Israel gə̄ a rāān̄ kem dəla loo tə́ ní a ngāl̄ ɓáý to̰ yā kadə̄ ta kósə de gə̄ ń toō malang a tḭ̄ḭ̄ sɔɔ̄ńsí.

TƏ́DA 14:43

Tɔdɔ̄ Amalek gə̄ ō, Kanaan gə̄ ō, nin̄ i nosí tə́ noó. A tɔ̄lə̄n̄sí kɔ̄ɔ́ malang tām̄ sḭḭ̄ ī-lōōī njə̄rā gō Kɔ́ɔ̄ɓē tə́ kɔ̄ɔ́, adə̄ Kɔ́ɔ̄ɓē a aw̄ sesí alé.

LEBI GƏ̄ 26:40

A ɔrə̄n̄ gír majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō. A ədan̄ na n rāān yá̰á̰ kə́ gōtə́ aĺ ngá̰ý gə̄ seḿ ō, na n mbātə́n̄ najə̄ taḿ tə́ ō,

LEBI GƏ̄ 5:19

Nge ń noō i yá̰á̰ kə́ tun̄ yā kəgāń kə̄rā yá̰á̰ kə́ gōtə́ aĺ, tɔdɔ̄ najə̄ i mbo̰ō̰ deē ní tə́ kə Kɔ́ɔ̄ɓē rɔ̄kum.

Teē Ngán Israel gə̄ 32:8

na tɔ̄ɔ̄n̄ láẃ ngá̰ý bā̰ā̰ loo tɔ̄ɔ̄ tə́ kɔ̄ɔ́ dɔ róbə́ ń na n-ɔjədə́ tə́ ní. Na rāān̄ ngōn̄ man̄g tām̄ yādə́ tə́ kə lɔ́ŕ kə́ nō horoó. Na ɔsən̄ nodə́ nang tə́ non tə́ ō, na tunə̄n̄ yá̰a̰ adə̄nən̄ ō. Tá ədan̄ na i nə́ɓā yādə́ ń na teē sedə́ kem ɓē kə́ Ejiptə tə́ kɔ̄ɔ́ ní n noó ō.

JOJUE 22:14

Ngāgəra dɔ ngán Israel gə̄ kutə kógə̄ḿ aw̄n̄ seneé ngāgəra dɔ gə̄ ní i kógə̄ḿ kógə̄ḿ kə dɔ gír ɓē gēé, nin̄ malang i ngār gə̄ dɔ kojə yādə́ gə̄ tə́ dan ngán Israel gə̄ tə́.

JOJUE 22:16

Ngán Israel gə̄ ń i de gə̄ yā Kɔ́ɔ̄ɓē ní, najə̄ ń ədan̄ malang ní n toó, ədan̄ na ī-rāāī yá̰á̰ kə́ gōtə́ aĺ ngá̰ý kə́ asə naā beé kə Nə́ɓā yā Israel i tām̄ rí tə́? Ī-lōōī gír koō ta Kɔ́ɔ̄ɓē tə́ ngɔlaā i tām̄ rí tə́? Dan ń ī-rāāī loo tun̄ yá̰a̰ yāsí sḭḭ̄ kɔ́ gə̄ kə́ dɔsí ní ī-mbātíī i najə̄ ta Kɔ́ɔ̄ɓē.