JOJUE 22:10 - Bibəl ta Sar̄

¹⁰ Dan ń ugə̄n̄ Gelilot kə́ kadə bā Jurdḛ tə́ ń loo kə́ dɔ nang kə́ Kanaan tə́ ɓáý ní anī, rāān̄ loo tun̄ yá̰á̰ kógə̄ḿ kə́ bo ngá̰ý tū tə́.

Bible sar

¹⁰ Dan ń ugə̄n̄ Gelilot kə́ kadə bā Jurdḛ tə́ ń loo kə́ dɔ nang kə́ Kanaan tə́ ɓáý ní anī, rāān̄ *loo tun̄ yá̰á̰ kógə̄ḿ kə́ bo ngá̰ý tū tə́.

JOJUE 22:10 Referans Kwoze

TA KƏLA 28:18

Jakob ḭḭ dɔɔ́ dəloí ɓatə, un mbal̄ ń taāń gír dɔn ní, udə kə nja kə́ dɔɔ́, ba ur yibə̄ dɔ tə́ ɔrə̄ń kamə̄n.

JOJUE 22:9

Adə̄ ngán Ruben gə̄ ō, ngán Gad gə̄ ō, de kə́ gír ɓē yā Manase tə́ kə́ dām̄ kə́ gír ɓē tə́ gə̄ ō, əyan gotə ngán Israel gə̄ Silo dɔ nang kə́ Kanaan tə́, ba tél aw̄n̄ gogə́ ɓēé dɔ nang kə́ Galaad tə́. Nin̄ əngen̄ dɔ nang kə́ Galaad ní i kə gō ndū Kɔ́ɔ̄ɓē ń ədań Moijə ní.

JOJUE 22:11

De gə̄ reē ədan̄ gotə ngán Israel gə̄ na: Ngán Ruben gə̄ ō, Gad gə̄ ō, de ké gír ɓē yā Manase tə́ kə́ dām̄ kə́ gír ɓē tə́ gə̄ ō, rāān̄ loo tun̄ yá̰a̰ kadə bā Jurdḛ tə́ dām̄ yājí tə́, dɔ nang kə́ Kanaan tə́.

IJAI 19:19

Ndɔ̄ kógə̄ḿ tə́ anī, loo tun̄ yá̰á̰ kə́ tām̄ yā Kɔ́ɔ̄ɓē tə́ a to kem ɓē kə́ Ejiptə tə́ dan ɓēé ō, mbal̄ kógə̄ḿ kə́ kudə tām̄ yān tə́ a ra ngɔr kə̄ kadə tə́ dɔ nin̄ ɓē kə́ Ejiptə tə́ ō.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

TA KƏLA 12:8

Ni-ḭḭ loo ń noō tə́, ənda dām̄ loo kə́ mbalá kə́ Betel gān̄g, ba aw̄ udə kújə tandā yān dɔ dán Betel nin̄ kə Ai tə́. Betel i kə̄ no ɓē tə́ ō, Ai i kə̄ dūn̄ ɓē tə́ ō. Ni-rāā loo tun̄ yá̰á̰ kə́ rang ō, ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́ ō.