JOJUE 21:45 - Bibəl ta Sar̄

⁴⁵ Najə̄ kə́ majə gə̄ malang ń Kɔ́ɔ̄ɓē əda ngán Israel gə̄ ní kógə̄ḿ ké to karī gətóo, rāān̄ yá̰a̰ malang.

Bible sar

⁴⁵ Najə̄ kə́ majə gə̄ malang ń Kɔ́ɔ̄ɓē əda ngán *Israel gə̄ ní kógə̄ḿ ké to karī gətóo, rāān̄ yá̰a̰ malang.

JOJUE 21:45 Referans Kwoze

1 MBAN̄G GƏ̄ 8:56

m̄-tɔ̄ȳ Kɔ́ɔ̄ɓē ń adə̄ Israel gə̄ ń i gír deē yān gə̄ ní loo kɔr̄ koō tītə̄ ń ədań kété ní. Kɔ́ɔ̄ɓē əda kété na najə̄ kə́ majə gə̄ malang ń n-əndā ta nge kəla yān Moijə tə́ adə̄ əda ní kə́ kógə̄ḿ kə́ əsō kɔ̄ɔ́ na gətóo.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

1 TESALONIK 5:24

Nge ń ɓāŕsí ní a rāā tītə̄ ń noō, tɔdɔ̄ ni i nge ra dɔ ndūn tə́.

1 KORḚNTƏ 1:9

Nə́ɓā ń ɓāŕsí kadə̄ ī-ɓooī naā kə Ngōnən Jeju Kərist ń i Kɔ́ɔ̄ɓē yājí ní, i Nə́ɓā kə́ nge ra dɔ ndūn tə́.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

IJAI 48:3

Yá̰á̰ kə́ ta kəga dɔ gə̄ ń rāān̄ yá̰á̰ ní, m-ə́da najə̄n i kété jóó ngá̰ý. M-ə̄nī ndūḿ najə̄ yādə́ tə́ ō, m̄-tāāsí najə̄n ō. m̄-rāā yá̰a̰ i gidə kógə̄ḿ, anī yá̰a̰ gə̄ ní rāān̄ yá̰a̰.

1 SAMUEL 3:19

Samuel tɔgə. Kɔ́ɔ̄ɓē i naā tə́ seneé ō, əya̰ najə̄ yān kógə̄ḿ adə̄ əsō nang tə́ aĺ ō.

1 MBAN̄G GƏ̄ 8:15

ba əda na: Ādə̄ jə-tɔ̄yī Kɔ́ɔ̄ɓē Nə́ɓā yā Israel ń ənī míndən adə̄ bɔbə́ḿ Dabid ō, rāā yá̰á̰ ń tan əda ní kə jīneé ō ní. Ni-əda bɔbə́ḿ Dabid na

1 MBAN̄G GƏ̄ 8:20

Kɔ́ɔ̄ɓē rāā yá̰á̰ ń əda ní, adə̄ m̄-ndi gotə bɔbə́ḿ Dabid tə́. m̄-ndi dɔ kōr̄ kāgə̄ mbang yā Israel tə́ tītə̄ ń Kɔ́ɔ̄ɓē ədań ní ō, m̄-rāā kújə́ ń toō tām̄ yā rī Kɔ́ɔ̄ɓē Nə́ɓā yā Israel tə́ ō.

1 MBAN̄G GƏ̄ 8:24

Ī-rāā yá̰á̰ ń ə̄nī ndūí yā rāā kadə̄ bɔbə́ḿ Dabid nge kəla yāí ní. Ādə̄ yá̰á̰ ń taí əda ní jīí rāā ādə̄ de gə̄ a̰a̰n̄ ɓōólaā.

NEHEMI 9:8

Á̰a̰ā̰ kadə̄ ni i de kə́ ra dɔ ndūn tə́, adə̄ ə̄nī ndūí yā kadə̄n dɔ nang yā Kanaan gə̄ ō Het gə̄ ō Amor gə̄ ō Periji gə̄ ō Yebus gə̄ ō Girgas gə̄ ō, kadə̄ ngánən gə̄ ō ngán kaan gə̄ ō ndin̄ tū tə́. Ī-rāā yá̰á̰ ń ə̄nī ndūí yā rāā ní tɔdɔ̄ ḭ̄ i de kə́ súmūú.