JOJUE 21:44 - Bibəl ta Sar̄

⁴⁴ Kɔ́ɔ̄ɓē adə̄ lápə́ya reē dɔ nang yādə́ tə́ malang tītə̄ ń ənīń ndūn adə̄ kaadə́ gə̄ ní. Ni-rāā adə̄ nin̄ tetən̄ madə̄ ba̰ā̰də́ gə̄ malang rɔ̄ɔ̄. Madə̄ ba̰ā̰də́ kógə̄ḿ kə́ asə ra ngan̄g nodə́ tə́ gətóo.

Bible sar

⁴⁴ Kɔ́ɔ̄ɓē adə̄ lápə́ya reē dɔ nang yādə́ tə́ malang tītə̄ ń ənīń ndūn adə̄ kaadə́ gə̄ ní. Ni-rāā adə̄ nin̄ tetən̄ madə̄ ba̰ā̰də́ gə̄ malang rɔ̄ɔ̄. Madə̄ ba̰ā̰də́ kógə̄ḿ kə́ asə ra ngan̄g nodə́ tə́ gətóo.

JOJUE 21:44 Referans Kwoze

JOJUE 11:23

Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.

HEBƏRO 4:9

I beé ní, kɔr̄ koō kógə̄ḿ kə́ to tītə̄ kɔr̄ koō yā Nə́ɓā kə́ kə ndɔ̄ kə́ nge ko̰ sīrí to noó tām̄ yā de gə̄ yā Nə́ɓā tə́.

Teē Ngán Israel gə̄ 23:31

Dɔ nang yāsí a əla gír i bā tə̄ɓā gə̄ tə́ yā kugə̄ń bā bo yā Pilistin gə̄ tə́ ō, a ḭḭ dəla loo ń mbal̄ Sinai ra tū tə́ ní tə́ yā kugə̄ń bā Opəratə tə́ ō. Dan ń m-ā m-ə́la de kə́ kem ɓēé gə̄ kem jīsí tə́ adə̄ ā ī-tə̄ɓāīdə́ kɔ̄ɔ́ nosí tə́ anī,

JOJUE 22:9

Adə̄ ngán Ruben gə̄ ō, ngán Gad gə̄ ō, de kə́ gír ɓē yā Manase tə́ kə́ dām̄ kə́ gír ɓē tə́ gə̄ ō, əyan gotə ngán Israel gə̄ Silo dɔ nang kə́ Kanaan tə́, ba tél aw̄n̄ gogə́ ɓēé dɔ nang kə́ Galaad tə́. Nin̄ əngen̄ dɔ nang kə́ Galaad ní i kə gō ndū Kɔ́ɔ̄ɓē ń ədań Moijə ní.

JOJUE 22:4

Ngɔlaā ní Kɔ́ɔ̄ɓē Nə́ɓā yāsí adə̄ ngákó̰ó̰sí gə̄ ta róbə adə̄ ndin̄ lɔm dɔ nang yādə́ tə́ kɔ̄ɔ́ ɓá tītə̄ ń ni-ənīń ndūn adə̄də́ ní, ī-tél āwī gogə́ ɓēé loosí tā, āw̄ ī-ndiī dɔ nang ń Moijə kə́ nge kəla yā Kɔ́ɔ̄ɓē adə̄sí gidə bā Jurdḛ tə́ dām̄ ké gír ɓē tə́ ní.

JOJUE 1:15

bátə́ kadə̄ Kɔ́ɔ̄ɓē adə̄ńdə́ loo kə́ yā kadə̄ ndin̄neé tū tə́ lɔm tītə̄ yāsí ō, kadə̄ əngen̄neé dɔ nang ń Kɔ́ɔ̄ɓē Nə́ɓā yāsí adə̄də́ ní ō, pá tá ā ī-téliī kə̄ gogə́ dɔ nang ń ni Moijə nge kəla yā Kɔ́ɔ̄ɓē n-adə̄sí gidə bā Jurdḛ kə́ laā tə́ dām̄ kə́ gír ɓē tə́ ní.

JOJUE 1:13

Ādə̄ əga kemsí dɔ yá̰á̰ ń Moijə nge kəla yā Kɔ́ɔ̄ɓē ədasí kadə̄ ī-rāāī tə́ ní. Ni-ədasí na Kɔ́ɔ̄ɓē Nə́ɓā yādə́ na adə̄sí loo kə́ yā kadə̄ ī-ndiīneé lɔm. Na a adə̄sí dɔ nang ń toō.

Teē Ngán Israel gə̄ 33:14

Kɔ́ɔ̄ɓē dəjen na ké i nəkɔ́ n kə n-aw̄ sedə́ bátə́ kadə̄ əngen̄neé loo ndidə́ ní wa.

NDŪ NAJƏ̄ 21:10

Ré āw̄ yā rɔ̄ɔ̄ madə̄ ba̰ā̰í gə̄ ba Kɔ́ɔ̄ɓē Nə́ɓā yāí əladə́ kem jīí tə́ adə̄ ə́hɔ́də́ ɓəlo tə́,

JOJUE 23:1

Kɔ́ɔ̄ɓē adə̄ ngán Israel gə̄ ndin̄ lɔm dan i ngá̰ý gō gān̄g ń ni-gān̄g dɔdə́ jī madə̄ ba̰ā̰də́ gə̄ ń gīrə̄n̄ gidədə́ ní tə́. Loo ń noō tə́ Jojue tɔgə ɓə́gá ngá̰ý kɔ̄ɔ́.

IJAI 63:14

Kété ní nin̄ ton̄ tītə̄ ɓūtə̄ yá̰a̰ kul̄ kógə̄ḿ kə́ risə kum wól loo tə́ beē. Ndíĺ Kɔ́ɔ̄ɓē ɔrdə́ ta róbə aw̄ sedə́ kum loo kɔr̄ koō kógə̄ḿ tə́. A̰á̰ā̰ Kɔ́ɔ̄ɓē, ḭ̄ ɔ́r no gír deē yāí gə̄ tītə̄ ń noō i yā kutə̄ń gidə rɔ̄í kə kɔsə gɔnɔɔ́!

NDŪ NAJƏ̄ 2:36

Əla gír dɔ ɓē kə́ dɔ gɔ́sə man̄ Arnon tə́ ń rīn na i Aroer ní ō, dɔ ɓē ń ndi kum wól loo tə́ ní ō, bátə́ ugə̄ń dɔ nang kə́ Galaad tə́ ní, ɓē kə́ dum̄jí gətóo. Kɔ́ɔ̄ɓē Nə́ɓā yājí əla ɓē gə̄ ń noō malang kem jījí tə́.

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

JOJUE 2:24

Nin̄ ədan̄ Jojue na: Kɔ́ɔ̄ɓē adə̄jí dɔ nang ní malang rɔ̄kum. Kem de gə̄ malang kə́ dɔ nang ní tə́ gān̄g man̄, adə̄ tɔ́gə́də́ oy yélélé kɔ̄ɔ́.

JOJUE 11:8

Kɔ́ɔ̄ɓē əladə́ jī Israel gə̄ tə́ adə̄ Israel gə̄ tetən̄də́ rɔ̄ɔ̄ ba ngɔ̄də̄n̄də́ bátə́ teēn̄ sedə́ Sidon kə́ bo tə́ ō, Misərepot Maim tə́ ō, ngɔ̄də̄ndə́ kum kə̄ gír ɓē tə́ bátə́ teēn̄ sedə́ kum wól loo kə́ Misəpe tə́ ō. Ngán Israel gə̄ tetən̄də́ rɔ̄ɔ̄ ō, tɔ̄lə̄n̄də́ malang kanjə̄ kəya̰ deē kógə̄ḿ kadə̄ ndi kə kumuú ō.

JOJUE 11:12

Mban̄g gə̄ ń əndān̄ rɔ̄də́ naā tə́ ní Jojue tetədə́ rɔ̄ɔ̄ malang ba táā ɓē yādə́ gə̄. Ni-tɔ̄l̄ mban̄g gə̄ ní ō, de kə́ kem ɓēé gə̄ malang ō, kə kəyā kaskaraá bāań dɔdə́ adə̄ Nə́ɓā tītə̄ ń Moijə nge kəla yā Kɔ́ɔ̄ɓē ədanəń ní.

2 YÁ̰A̰ GƏ̄ 13:16

Ngán Israel gə̄ a̰ȳn̄ naā kɔ̄ɔ́ no Juda gə̄ tə́ adə̄ Nə́ɓā əladə́ kem jīdə́ tə́.