JOJUE 2:12 - Bibəl ta Sar̄

¹² Ngɔlaā ní ī-túbə ādə̄mī kə rī Kɔ́ɔ̄ɓē, kadə̄ ā ī-rāāī kem majə kə de gə̄ kə́ gír kojə yāḿ tə́ tītə̄ ń m̄-rāań kem majə sesí ní.

Bible sar

¹² Ngɔlaā ní ī-túbə ādə̄mī kə rī Kɔ́ɔ̄ɓē, kadə̄ ā ī-rāāī kem majə kə de gə̄ kə́ gír kojə yāḿ tə́ tītə̄ ń m̄-rāań kem majə sesí ní.

JOJUE 2:12 Referans Kwoze

JOJUE 2:18

Ba yá̰á̰ ā ī-rāā ní ń toó: Ré j-a j-udə kə̄ kem ɓē kə́ Kanaan tə́ anī, ī-do̰ō̰ kəlā kə́ kərē ń toō tū ko̰rō̰ kújə ń ə́lájí kum tə́ ādə̄ jə-risəń kə̄ gidə kə́rēý tə́ ní, ba ī-kán̄ bɔbí gē, kó̰ó̰í gə̄ gə̄gē ngééí gə̄ malang ní ī-kán̄də́ gōí tə́ kem kújə yāí tə́.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

1 TIMOTE 5:8

Ré deē kógə̄ḿ a̰a̰ gō ngéén gə̄ alé, mandang ɓáa a̰a̰ i gō de kə́ kem kújə yān tə́ gə̄ alé anī, ni nējə̄ i taā kə́ ni-taā kem ō, ni i de kə́ majaĺ tɔȳ de kə́ taā kem aĺ ō.

Makətūbə̄ ń Pol ndang adə̄ Rom gə̄ ní 1:31

Kur̄ dɔdə́ gətóo, tá ənīn̄ míndə́də́ anī ran̄ dɔ tə́ aĺ ō. Ndér̄də́ loo rāā madə̄də́ gə̄ yá̰á̰ kə́ tōr̄ tə́ kɔ̄ɔ́ ō, kumdə́ o̰o̰də́ kə deé aĺ ō.

MARK 14:44

Nge ń a rāā yā kəla Jeju jīdə́ tə́ ní ɔjədə́ yá̰á̰ kógə̄ḿ kadə̄ ger̄nən̄neé, əda na: Deē ń m-ā m̄-ɓírən kə̄ rɔ̄ḿ tə́ dagə ní i deē ń noō bang, adə̄ ə́hɔniī ba ə̄ndāī kumsí gōn tə́ majə āwī seneé.

JEREMI 12:16

Ba ré nin̄ ndóōn̄ kun háĺ kə́ majə tītə̄ yā gír deē yāḿ gə̄ ō, ré túbə̄n̄ kə rīḿ ədan̄ na: Tītə̄ ń Kɔ́ɔ̄ɓē ndiń kə kumneé noō, tītə̄ ń ɔjən̄neé gír deē yāḿ gə̄ loo túbə̄ kə rī Baal ō ní anī, a əngen̄ loo yā ndiń dan gír deē yāḿ gə̄ tə́.

ESTER 8:6

Tɔdɔ̄ loo kadə̄ m-á̰á̰ yá̰á̰ kə́ to kum kaȳ aĺ loo reē tə́ kə̄ dɔ gír deē yāḿ gə̄ tə́ ba kə m̄-tə́gā taḿ ní loon i ba̰ý? Kadə̄ m̄-rā m-á̰a̰ loo kə̄ rɔ̄ gír deē yāḿ gə̄ tə́ kadə̄ tɔ̄lə̄n̄neédə́ kɔ̄ɔ́ malang ní loon i ba̰ý?

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

1 SAMUEL 30:15

Dabid dəjen na ké ndigə kɔrən ta róbə yā kaw̄ seneé gō ɓūtə̄ ngé ɓogə gə̄ ní tə́ wa. Anī deē ní tél ədan na: Ré ə̄nī míndí kə rī Nə́ɓāá ādə̄m̄ kadə̄ ā ī-tɔ̄lə̄m̄ aĺ ō ā ī-tél yā kəlam̄ jī kɔ́ɔ̄ḿ tə́ gogə́ to̰ aĺ ō anī, m-ā m-ɔ́riī ta róbə yā kaw̄ seí gōdə́ tə́.

JOJUE 9:15

Jojue ənī ndūn adə̄də́ əhɔń madə̄ naā sedə́ tām̄ yā lɔm tə́. Madə̄ naā ní ɔjə kadə̄ ni a əya̰də́ kadə̄ a ndin̄ kə kumuú. Ngāgəra dɔ ngán Israel gə̄ túbən̄ ɔjənə̄ńdə́ kadə̄ najə̄ ní i najə̄ kə́ rɔ̄kum.

JOJUE 2:13

Ādə̄mī yá̰á̰ kə́rēý kə́ ɔjə kadə̄ bɔbə́ḿ ō, kó̰ó̰ḿ ō, ngákó̰ó̰ḿ kə́ dəngam gə̄ ō, kə́ dəyá̰ gə̄ ō, ngéédə́ gə̄ malang ō ní ā ə́ya̰īdə́ kadə̄ ndin̄ kə kumdə́ ō, yá̰á̰ kə́ ɔjə kadə̄ ā ə́ya̰ī de gə̄ kadə̄ tɔ̄lə̄n̄jí aĺ ō.

Teē Ngán Israel gə̄ 12:13

Ba mósə́ kə́ ta kújə gə̄ ń ā ī-ndiī kemeé tə́ ní a rāā rɔ̄n i yá̰a̰ kɔjə dɔ kújə yāsí gə̄ tə́. Dan ń m-ā m-á̰á̰ mósə́ ní anī m-ā m̄-gə̄lā dɔ adə̄ yá̰á̰ kə́ tōr̄ a ɔdə rɔ̄sí alé. Adə̄ ré m-ā m-ə́nda ɓē kə́ Ejiptə anī, sḭḭ̄ ā ī-teēī kum tə́ karī.

TA KƏLA 24:9

Nge kəla ní əla jīn gír bingə̄ Abəraham tə́, ənī míndən adə̄n, əda na n-a n-rāā yá̰a̰ gə̄ ń Abəraham ədan ní.

TA KƏLA 24:3

ba ə̄nī míndí ādə̄m̄ kə rī Kɔ́ɔ̄ɓē Nə́ɓā kə́ nge rāā dɔ rā̰ ō, dɔ nang ō, kadə̄ ā ī-taā dəyá̰ dan ngáń kə́ dəyá̰ yā Kanaan gə̄ ń m̄-ndi dɔ dáńdə́ tə́ toō tām̄ yā ngōnə̄ḿ tə́ alé,

TA KƏLA 21:23

Adə̄ ə̄nī míndí kə rī Nə́ɓāá ādə̄m̄ kadə̄ ā ī-gólə̄m̄ mā aĺ ō, ngánə́ḿ gə̄ aĺ ō, ngán kaaḿ gə̄ aĺ ō. Tītə̄ ń m̄-rāań kem majə seí ní, ī-rāā kem majə seḿ ō, kə ɓē ń ī-ndi tū tə́ toō ō.

TA KƏLA 40:14

Jəjep tél ədan na dan ń a ndi majə tā anī kə əga kemən dɔn tə́, kə rāā majə seneé, kə ɔr̄ najə̄ kə́ majə tām̄ yān tə́ kə Parao̰ó̰ kadə̄ kə ɔrə̄n dəngáyá kɔ̄ɔ́.

JOJUE 2:19

Ré deē kógə̄ḿ kə́ dansí tə́ teē ndágá anī, mósən a əsō i dɔn nəkɔ́ tə́, ba najə̄ a gətóo dɔjí tə́, ba ré deē kógə̄ḿ ndi kújú gōí tə́ tá deē əla jīn ɔdənneéanī, mósən a tél yā kəsō dɔjí tə́.

JOJUE 6:22

Jojue əda ngé kum̄ loo kə́ jōó gə̄ ń əndān̄ ma̰ȳ dɔ nang kə́ Jeriko ní na: Údiī kújə yā Rahab ń i dəyá̰ ájə́ba ní tə́, ba ī-teēī seneé ndágá, ī-teēī kə ngéén gēé malang ndágá ō, tītə̄ ń ə̄nīiń ndūsí ādīiń ní.

NGÉ SARYA 1:24

Ngé kum̄ loo gə̄ ní a̰a̰n̄ deē kógə̄ḿ teē kem ɓēé anī ədanən̄ na: Ɔ́jə́jí loo kə́ yā kudəń kem ɓēé anī j-a jə-rāā kem majə seí.