JOJUE 2:11 - Bibəl ta Sar̄

¹¹ Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō.

Bible sar

¹¹ Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō.

JOJUE 2:11 Referans Kwoze

NDŪ NAJƏ̄ 4:39

Ní, yá̰á̰ ń kadə̄ ī-gerī ɓōólaā ō, ī-ngɔ̄mī kemsí tə́ ō ní n toó: I Kɔ́ɔ̄ɓē n i Nə́ɓā dɔ rā̰ tə́ ō, dɔ nang tə́ ō ní. Nə́ɓā kə́ rang gətóo.

JOJUE 5:1

Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

IJAI 13:7

I tām̄ najə̄ ń toō tə́ n jī de gə̄ malang ur̄ wak ní, tɔ́gə de gə̄ teē kɔ̄ɔ́.

JOJUE 7:5

De kə́ Ai gə̄ tɔ̄lə̄n̄də́ asə de gə̄ kutə mətá gidə i mehḛ́, ngɔ̄də̄n̄ gotə gə̄, ḭḭn̄ sedə́ ta róbə́ kə́ yā kudəń kə̄ kem ɓē tə́ bátə́ ugə̄n̄ sedə́ Sebarim, nin̄ tɔ̄lə̄n̄də́ ta risədə́ kum kə̄ wól loo tə́. Kem ngán Israel gə̄ gān̄g man̄ adə̄ tɔ̄gə̄də́ gətóo.

PĀ GƏ̄ 102:15

O̰o̰ ngé kəla yāí gə̄ tɔdɔ̄ mbal̄ kəndā kújə́ kə́ tū tə́ gə̄ ngá̰ý, bū loo kə́ ndəbā ɓē kə́ Siyo̰ tə́ gə̄gē kumdə́ o̰o̰də́ tɔdɔ̄ ngá̰ý.

PĀ GƏ̄ 83:18

Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

1 MBAN̄G GƏ̄ 8:60

I beé tá gír de kə́ dɔ nang tə́ gə̄ malang a gerə̄n̄ kadə̄ i Kɔ́ɔ̄ɓē ngóy n i Nə́ɓā ní ba nə́ɓā kə́ rang gətóo.

JEJU TEĒ KUM JA̰A̰ 6:16

Nin̄-ədan̄ mbal̄ bo gə̄ ō, ngán mbal̄ gə̄ ō na kə tə́sōn̄ dɔdə́ tə́ ba kə ɓɔ̄ɔ̄n̄də́ kɔ̄ɔ́ sa̰y ta kum nge ń ndi dɔ kōr̄ kāgə̄ mbang tə́ ní ō, ta wōn̄g yā Ngōn̄ batə̄ tə́ ō.

NAHUM 2:10

Ɔ́yiī gində̄ arjā̰a̰, ɔ́yiī lɔ́r! Yá̰a̰ kənge yā Ninibə ní, ta ngóyn gətóo. Yá̰á̰ kə́ gātə̄də́ i ngá̰ý gə̄ taān̄ loo kem ɓēé.

PĀ GƏ̄ 22:14

Ton̄ tītə̄ ɓɔl kɔ̄r̄ gə̄ kə́ a nōōn̄ ō, teēn̄ nga ngá̰də́ taḿ tə́ ō.

JOJUE 14:8

Ngákó̰ó̰ḿ gə̄ ń aw̄n̄ seḿ ní rāān̄ adə̄ kem de gə̄ gān̄g man̄, ba mā m-ún i gō Kɔ́ɔ̄ɓē Nə́ɓā yāḿ kanjə̄ kadə̄ kemḿ kēgə̄.

NDŪ NAJƏ̄ 20:8

Ngé kɔy de gə̄ áskaraá gə̄ a ədan̄ de gə̄ ɓáý to̰ na: I náā n ɓōĺ adə̄ kemən gān̄g man̄ ní, ādə̄ kɔ́ɔ̄ tél aw̄ gogə́ ɓēé na sōgə́ rāā madə̄n gə̄ adə̄ kemdə́ gān̄g man̄ tītə̄ yān.

NDŪ NAJƏ̄ 1:28

Ní ké kə ə́laī dɔsí i rá ta wa. Tɔ́gə́sí kə́ kadə̄ āwīneé na gətóo, tām̄ ngákó̰ó̰sí gə̄ na ədan̄sí adə̄ gān̄g na tɔ́gə de kə́ dɔ nang ní tə́ gə̄ na tɔȳ yāsí ō, de gə̄ ní na ngālən tɔȳn̄sí ō, ɓē yādə́ gə̄ na i ɓē kə́ bo ngá̰ý gə̄ ō, ndogə̄ mbal̄ kə́ gidə ɓē yādə́ gə̄ tə́ na i kə́ ngāl̄ ngá̰ý kum kə̄ dɔɔ́ gə̄ ō, na n-a̰a̰n̄ ngán Anak gə̄ dɔ nang ní tə́ ō.

Teē Ngán Israel gə̄ 15:14

Gír de gə̄ ń nin̄ i madə̄ ɓēdə́ gə̄ ní oōn̄ anī ndewn̄. Kə̄ngā sāā gān̄g Pilistin gə̄ ō,

Teē Ngán Israel gə̄ 15:15

ngār kə́ Edom gə̄ ndin̄ i kə sōlōó kekəre ō, ɓōĺ rāā ngār kə́ dɔ nang kə́ Moab tə́ gə̄ ngá̰ý ō, tɔ́gə Kanaan gə̄ ur̄ wak kɔ̄ɔ́ ō.

2 MBAN̄G 5:15

Ni-tél dɔ tə́ reē rɔ̄ deē yā Nə́ɓā tə́ kə de gə̄ malang kə́ gōn tə́, reē ra non tə́ ba əda na: Ngɔlaā ní m̄-ger̄ kadə̄ Nə́ɓā gətóo loo kə́ rang tə́ ba i dɔ nang kə́ Israel tə́ ngóy. Adə̄ m̄-rāāī ɓɔ́, ī-taā kadə̄ karī kə́ jīḿ mā nge kəla yāí tə́.

PĀ GƏ̄ 58:7

Ɓɔ́ Nə́ɓā, ī-tétə̄ gɔgədə́ tadə́ tə́ kɔ̄ɔ́! Kɔ́ɔ̄ɓē, ī-tétə̄ ngān̄g ɓɔl gə̄ ń noō kɔ̄ɔ́!

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

EJEKIEL 21:15

Ɔlən̄ tan i yā tɔ̄ləń de gə̄, Usən̄ kaskar ní i yā kadə̄ ndə́lē pipir.

JOJUE 2:24

Nin̄ ədan̄ Jojue na: Kɔ́ɔ̄ɓē adə̄jí dɔ nang ní malang rɔ̄kum. Kem de gə̄ malang kə́ dɔ nang ní tə́ gān̄g man̄, adə̄ tɔ́gə́də́ oy yélélé kɔ̄ɔ́.

JOJUE 9:24

De kə́ Gabaon gə̄ tūr̄ ədan̄ Jojue na: J-oō kadə̄ Kɔ́ɔ̄ɓē Nə́ɓā yāí mēr̄ nge kəla yān Moijə kadə̄sí dɔ nang ń toō malang ō, mēr̄ tɔ̄l̄ de kə́ tū tə́ gə̄ kɔ̄ɔ́ malang nosí tə́ ō. I yá̰á̰ ń nuū n jə-ɓōĺsí ngá̰ý á rāań yá̰a̰ beé ní.

NEHEMI 6:16

Dan ń madə̄ ba̰ā̰jí gə̄ malang oōn̄ ní, nápar de gə̄ malang ń ndin̄ gīrə̄n̄ gidəjí ní ɓōlə́n̄ ō, rɔ̄də́ sɔl̄də́ ngá̰ý ō. Nin̄ gerə̄n̄ kadə̄ i Nə́ɓā yājí n rāā kəla ní sejí ní.

ESTER 8:17

Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.